Isi ishobora kwibasirwa n’imitingito y’inkazi mu 2018

3 12-01-2018 - saa 20:30, Bizimana Jonathan

Bamwe mu bahanga mu bijyanye n’ubumenyi bw’isi batangaza ko muri uyu mwaka wa 2018 isi izibasirwa n’imitingito ikomeye kandi myinshi.

Impamvu y’iyi mitingito ngo ni uko muri iki gihe isi yagabanyije umuvuduko wayo mu rugendo ikora yizenguruka. Bagendeye ku mateka, bakaba basanga uku kugabanya umuvuduko bigaragaza ko mu nda yayo hari ibitameze neza.

Dr Roger Bilham, umwarimu muri Kaminuza ya Colorado muri Leta Zunze Ubumwe za Amerika yatangaje ko isi yibasiwe n’imitingito ikomeye igera kuri itandatu mu mwaka ushize wa 2017, agakomeza avuga ko bishobora kuba ibintu byoroshye ko mu ntangiriro z’uyu mwaka ishobora kuzibasirwa n’imitingito ikomeye igera kuri 20.

Bilham na Rebecca Bendick wigisha muri Kaminuza ya Montana, bakoze ubushakashatsi ku mitingito yabayeho guhera mu mwaka wa 1900 yari iri ku gipimo cyo hejuru. Ubwo bushakashatsi bwerekanye ko mu gihe cy’imyaka itanu aho isi yagabanyaga umuvuduko ikoresha yizenguruka, icyo gihe cyarakurikirwaga n’ibihe bikomeye by’imitingito.

Bilham yemeza neza ko isi ari cyo gihe igezemo cyo guhura n’imitingito ikaze nk’uko ikinyamakuru Mirror kibitangaza.

Nubwo bitoroshye guteganya uduce dushobora kwibasirwa n’imitingito, ubushakashatsi bwa Dr Roger Bilham na Rebecca Bendick buvuga ko uduce turi hafi y’umurongo ugabanya isi mo kabiri , ari two dukunze kwibasirwa.

Abandi bahanga mu bijyanye n’imiterere y’isi ntibemeranya n’ubu bushakashatsi.

John Callan, umuyobozi w’ikigo gikora ubushakashatsi ku miterere y’isi n’ibijyanye n’iruka ry’ibirunga cyo muri New Zealand, avuga ko butakwizerwa. Ku bwa Callan ngo nta byinshi ubu bushakashatsi bugaragaza ku buryo byakwigwaho n’ikigo ayoboye.

Mu mitingito ikomeye yabayeho umwaka ushize, harimo uwibasiye umujyi wo muri Mexico wari uri ku kigero cya 7.1 n’undi wibasiye umupaka wa Iran na Irak ku wa 12 Nzeri 2017, ukaba wari uri ku kigero cya 7.3.

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Nkunzurwanda 2018-01-25 02:20:20

Ngo munda yisi ntihameze neza? Irwaye munda rwose, bisobanuye ko ninkibyumuntu aba arwaye munda bikamuviramo kwirukanka (guhitwa)? Ko tuvuga ko ibyubu biterwa na ibirere bihindurwa nibyo dukora, ibyo bihe byabanjrije ho byatewe niki? Babitubwire niba ari mbere yazantambara zabazungu 2 zabayeho ziswe izisi yose kuko icyo gihe nazo zabitera. Bajye batujijura, niba arimbere yaho nukuvuga ko ibirere tubirenganya aringombwa nyuma yibihe kanaka bizajya bibaho.

2
Hafashimana 2018-01-16 07:37:25

Twizere Ntampamvu Yimitingito Ikabije

3
Twagirimana 2018-01-15 05:48:57

Yewe Reka Mbabwire Haa! Imana Izi Ijyo Izakora.

Kwamamaza