Brésil: Havutse uruhinja hifashishijwe nyababyeyi yakuwe mu murambo

0 6-12-2018 - saa 16:02, Emma-Marie Umurerwa

Umwana w’umukobwa yabyawe n’umugore wavutse adafite nyababyeyi nyuma yo kumuteramo iyakuwe mu murambo w’umugore utari ingumba.

Mu mwaka wa 2016, umugore w’imyaka 32 y’amavuko wavutse nta nyababyeyi afite, yatewemo nyababyeyi yakuwe mu murambo n’inzobere z’abaganga bo mu bitaro bya i São Paulo, bakaba baranamukurikiranye bamwongerera ubushobozi bwo kubyara.

Umugore witwa Jucilene Marinho w’imyaka 23 y’amavuko washyizwemo nyababyeyi, yaje gutuma uru ruhinja ruvuka, yari arwaye indwara izwi nka ‘Mayer-Rokitansky-Küster-Hauser syndrome’ yibasira umugore umwe mu bagore 4500 ku Isi, ituma igitsina cy’umugore na nyababyeyi bitirema neza.

Dailymail dukesha iyi nkuru ivuga ko Jucilene nubwo yavukanye ubu burwayi, intanga ze zari zimeze neza, bikaba byaratumye abaganga barashoboye gufata intangangore ze bazihuza n’intanga z’umugabo babyaranye.

Tariki ya 15 Ukuboza 2017 nibwo yibarutse abazwe umwana w’umukobwa upima ibiro bibiri n’igice.

Nyakwigendera wari mu kigero cy’imyaka 40 y’amavuko wakuwemo nyababyeyi aka yari umubyeyi w’abana batatu yarapfuye azize kuva amaraso mu bwonko.

Gushyira nyababyeyi mu mugore utabyara akabyara bimaze kubaho inshuro zigera kuri 39 zitanzwe n’abagore bakiriho, hakaba haravutse abana 11 muri ubu buryo mu bihugu bitandukanye byo ku Isi nka Suède, Turkiya na Leta Zunze Ubumwe za Amerika.

Ibikorwa byo gushyira nyababyeyi y’umuntu wapfuye mu muzima byari bimaze kugeragezwa inshuro 10, ariko ntibyigeze bigenda neza kuko inda zavagamo.

Dr Dani Ejzenberg wo ku bitaro bya das Clínicas, i São Paulo, wakurikiranye uyu mugore yagize ati “Nyababyeyi za mbere zatewe zikuwe mu bantu bakiriho zabaye intambwe ndende itewe mu buvuzi, bituma abagore benshi b’ingumba bashobora kubyara.’’

Akomeza avuga ko kubona umugore utanga nyababyeyi akiriho bikiri imbogamizi ngo kuko abemera kuzitanga ni bake cyane. Abemera kuzitanga ngo ni ababa bafitanye isano ya bugufi n’abo baziha cyangwa inshuti zabo magara, kandi bakaba babyemerewe n’amategeko.

Jucilene Marinho watewe nyababyeyi hamwe n'umukunzi we
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Nta gitekerezo kirajyaho. Ba uwa mbere!  

Kwamamaza