Umuzi wo kutanyurwa kwa ADEPR ku butabera bw’abayiyoboraga

34 7-11-2018 - saa 17:28, IGIHE

Umwaka wa 2017 wabaye uw’induru muri ADEPR! Abayiyoboraga barafashwe bakurikiranyweho kunyereza 2 530 395 614 Frw yagombaga kwishyura umwenda wa Banki y’u Rwanda Itsura Amajyambere (BRD) no kubaka Dove Hotel.

Abaregwa 12 ni; Sibomana Jean, Tom Rwagasana, Mutuyemariya Christine, Sebagabo Léonard, Sindayigaya Théophile, Gasana Valens, Niyitanga Salton, Beninka Bertin, Mukabera Lynea, Twizerimana Emmanuel, Nzabarinda Tharcisse na Mukakamari Mediatrice.

Bashinjwa kunyereza 2 366 708 946 Frw nk’uko byagaragajwe muri raporo y’umugenzuzi.

Ivuga ko hifashishijwe inyandiko mpimbano zigaragaza ibikoresho birimo ibya Radio, Televiziyo na hoteli byishyuwe bitarakiriwe n’indi mirimo itarakozwe.

Igenzura ry’imikoreshereze y’umutungo ‘audit’ ryakozwe n’ikigo GPO ubwo abaregwa bari bafunze, ryagaragaje ko muri ADEPR hanyerejwe 1 162 817 972 Frw.

Rivuga ko habayeho ubufatanyacyaha bw’abagera kuri 34 barimo abakozi, ba rwiyemezamirimo n’abayobozi ba ADEPR.

Yasohowe nyuma y’andi magenzura abiri yo mu 2016 yagaragazaga ko nta kibazo cy’imicungire y’umutungo kiri muri ADEPR.

Aya magenzura yemerejwe mu Nteko Rusange ya ADEPR yo ku wa 14 Gashyantare 2017. Yarimo Rev. Karuranga Ephrem (wari Umushumba Wungirije mu Rurembo rw’Amajyaruguru) ubu uyobora ADEPR na Rev. Karangwa John, Umwungirije (wayoboraga Ururembo rwa ADEPR Uganda).”

Muri Gicurasi 2017 ni bwo abari bagize Biro Nyobozi ya ADEPR batangiye gufatwa. Baburanye bafunzwe ariko baza kurekurwa bakurikiranirwa hanze.

Mu rubanza rwo mu mizi ku wa 24-25 Ukwakira 2018, Umucamanza yiyambuye ububasha, ruhabwa urugereko ruburanisha ibyaha bimunga ubukungu, abaregwa bakurikiranyweho.

Umushinjacyaha Nkubito Emmanuel yavuze ko abona ibyaha bibiri mu byo baregwa nta bimenyetso bifite bibahama.

Umushinjacyaha ushinjura

Mu ibaruwa IGIHE ifitiye kopi yo ku wa 25 Ukwakira 2018, ADEPR yandikiye Ubushinjacyaha Bukuru isaba ko umushinjacyaha ahindurwa kuko abogamiye ku baregwa yakabaye ashinja.

Yasabye guhabwa inteko y’abashinjacyaha kubera ubunini bwa dosiye, umubare w’abaregwa n’ingano y’amafaranga.

Muri iyi baruwa ADEPR yasabye ko Nkubito asimbuzwa uwitwa Prudence, akanahabwa undi mushinjacyaha umufasha.

Abaregwa ntibakurikiranwe bose

Mu bantu 34 bagaragajwe muri dosiye mu bugenzacyaha, 12 bari mu butabera. ADEPR yasabiye abandi 20 barimo n’abakozi bayo gukurikiranwa.

Icyakora abayobozi ba ADEPR basaba ko umubare w’abakurikiranwa wongerwa, bo bikuye ku rutonde rw’abagomba gukurikiranwa kuko na bo bari muri dosiye. Abo ni; Umuvugizi w’Itorero ADEPR, Rev. Karuranga Ephrem na Pasiteri Mutaganzwa Viateur (wigeze kuba Umunyamabanga wa ADEPR) uyobora Itorero ry’Akarere ka Gisagara.

Ku wa 30 Ukwakira 2018 nibwo abaregwa babiri bari basigaye bisobanuye ku bufatanyacyaha mu kunyereza umutungo ndetse bose uko ari 12 biregura ku bindi byaha byari bisigaye.

Urujijo ku nguzanyo ya Banki n’iyubakwa rya Dove Hotel

Komisiyo yiswe “Nzahuratorero” ni yo yatanze impuruza ivuga ku by’ibibazo birimo n’umutungo wanyerejwe. Inyandiko yo ku wa 19 Mata 2017 yasakajwe yagaragaje ko ADEPR ifitiye Banki Itsura Amajyambere (BRD) umwenda wa 2 255 453 960 Frw.

ADEPR yahise isobanuza banki ibyatangajwe mu binyamakuru. BRD yasubije ADEPR iyimenyesha ko inyandiko atari iyayo ndetse hakwiye kwiyambazwa amategeko mu gukurikirana abayisohoye.

Ubundi inguzanyo ADEPR yafashe muri BRD ni 3 150 000 000 Frw, yatanze ibiro byayo ku Kimihurura ho ingwate.

Muri aya mafaranga hishyuwemo 1 170 000 000 Frw y’umwenda wari wasizwe na Biro Nyobozi ya Usabwimana Samuel; hari miliyoni 418 yishyuwe kuri Manumetal (yagombaga guhabwa miliyari imwe na miliyoni 400 Frw), aho ADEPR Nyarugenge yashakaga kwagurira ibikorwa byayo.

Abakirisitu ba ADEPR batanze asaga 3 500 000 000 Frw hagati ya 2015-2017 arimo ay’ibikoresho byaguzwe mu Bushinwa byo kubaka Dove Hotel. Iyi nyubako yatwaye miliyari zisaga esheshatu.

Imisanzu y’abakirisitu yanishyuwemo 1 400 000 000 Frw ku nguzanyo ya BRD, ayasigaye yaguzwemo biriya bikoresho, hubakwamo parikingi, pisine n’ibindi.

Inyurana ry’imibare ku nguzanyo, ingano y’amafaranga yanyerejwe akagaragazwa mu bugenzuzi butandukanye ndetse n’ibikorwa amafaranga yakoreshejwe, niryo ritera urujijo.

Urubanza ku baregwa kunyereza umutungo wa ADEPR ruzakomereza ku Rukiko Rwisumbuye rwa Gasabo, ku wa 9 Ugushyingo 2018, saa saba.

Hazumvwa ibisobanuro bya Rev. Karuranga Ephrem, ku buryo raporo y’umugenzuzi w’imari wigenga yakozwe.

Umuvugizi wa ADEPR, Rev. Karuranga Ephrem,yatumijwe mu rubanza ruregwamo abantu 12 mu bahoze ari abayobozi b’itorero
Dove Hotel ni umwe mu mishinga watumye abahoze bayobora ADEPR bagezwa mu butabera
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2 | 3 | 4  

1
Mfitumukiza 2018-11-15 23:14:30

Ariko ibyo mwavuga byose muzabeshya abantu ariko lmana ntimwayibeshya kandi ukuboko kwayo kuzaberemerera amafaranga yabapfakazi nimfubyi nabacyene bakoze iyo bwabaga bagatanga miliyari 3.5ariko ayo mafaranga muzi ingano yayo cg ikindi gufata abanyarwanda baba muri Adepr ninshutizabo ukabeshya ngo urashaka kwishyura BRD mumwaka umwe iyo BRD yarishyuwe cg mwagiye mureka kwigiza nkana Lata yu Rwanda iragahoraho na Nyakubahwa Perezida wacu watumye abakristo ba Adepr birutsa turamwizeye twizeye ubutabera bwacu twizeye lmana yo izakomeza kubikurikiranira kuko mwayihemukiye mugahemukira igihugu cyababyaye bizagenda birushaho kubakomerera.

2
yve 2018-11-09 07:10:32

bose ni bamwe , sabavuyeho sabariho bose nibakurikranwe

3
GATETE 2018-11-09 02:40:35

bavuga ibigondamye koko umuhoro ukarakara,ngo igihe gitangiye kubogama!!! kuko cyahishuye ubutindi nubugome bwabayobozi ba ADEPR!!ubusobanuro batanze bugaragaza ko amafr.yakoreshejweÌ ,Hotel yaruzuye irakora,harubwose yarigusakazwa amabati bagashyiraho ibishangara!!cg igisenge kibyuma bagakoresha ibibonobono!!!ahibirahuri bagashyiraho ibipapuro!! basanze se ntabitanda birimo kuburyo hashashemo urukangaga nibirago!!.ngo umushinjacyaha yarabogamye? yabogamiye kubiki?ese ko hareze ubushinjacyaha akaba arinabwo bwabafunze, abayobozi ba ADEPR mubwereka ibyo mukora gute? rahira ko mutivuyemo nkinopfu ko arimwe mwabagambaniye. umugenzuzi mukuru wurwegorwubushinjacyaha,bwanaNTETE Jules Marius yabisobanuye neza cyane ko sigihe chose umushinjaha ashinja,harinigihe ashinjura:bitewe nubusobanuro bwuwiregura,ibimenyetso bishya....kandi namwe nzahura za ADEPR muzi ibaruwa yincurano mwazengurukije mwitangazamakuru ngo BRD yandikiiye ADEPR iyishyuza ibihararane byamezi abiri igashyikirizwa ubushinjacyaha, BRD yayihakanye ko itayizi ngo ndetse inzego zibishinzwe zizakurirane abayanditse,none nayo akomeze ayigendereho!!! mwibagiwe se ko m wakoze umugambi wokwangisha abakristo ubuyobozi bwariho mugateza nurusaku mu gihe cyamatora ya perezida wa Repubulika kugirango barucecekeshe kubakuraho? nimwitonde dufite Leta ubona itajijishwa ninduru zabagome.ahubwo musabe imbabazi Imana nabanyarwanda.umuvugizi wungirije KARANGWA we imitima yamubanye igihumbi ADEPR ya UGANDA arikuyayindakaho ngo azahahungire ibyaha nibimugaruka.ubundi se siwe wahivanye.ngo ahurujwe no kwicisha bene se.ahaaa!!! Imana izabereka ko atari nkamwe.

4
GATETE 2018-11-09 01:17:34

bavuga ibigondamye koko umuhoro ukarakara,ngo igihe gitangiye kubogama!!! kuko cyahishuye ubutindi nubugome bwabayobozi ba ADEPR!!ubusobanuro batanze bugaragaza ko amafr.yakoreshejweÌ ,Hotel yaruzuye irakora,harubwose yarigusakazwa amabati bagashyiraho ibishangara!!cg igisenge kibyuma bagakoresha ibibonobono!!!ahibirahuri bagashyiraho ibipapuro!! basanze se ntabitanda birimo kuburyo hashashemo urukangaga nibirago!!.ngo umushinjacyaha yarabogamye? yabogamiye kubiki?ese ko hareze ubushinjacyaha akaba arinabwo bwabafunze, abayobozi ba ADEPR mubwereka ibyo mukora gute? rahira ko mutivuyemo nkinopfu ko arimwe mwabagambaniye. umugenzuzi mukuru wurwegorwubushinjacyaha,bwanaNTETE Jules Marius yabisobanuye neza cyane ko sigihe chose umushinjaha ashinja,harinigihe ashinjura:bitewe nubusobanuro bwuwiregura,ibimenyetso bishya....kandi namwe nzahura za ADEPR muzi ibaruwa yincurano mwazengurukije mwitangazamakuru ngo BRD yandikiiye ADEPR iyishyuza ibihararane byamezi abiri igashyikirizwa ubushinjacyaha, BRD yayihakanye ko itayizi ngo ndetse inzego zibishinzwe zizakurirane abayanditse,none nayo akomeze ayigendereho!!! mwibagiwe se ko m wakoze umugambi wokwangisha abakristo ubuyobozi bwariho mugateza nurusaku mu gihe cyamatora ya perezida wa Repubulika kugirango barucecekeshe kubakuraho? nimwitonde dufite Leta ubona itajijishwa ninduru zabagome.ahubwo musabe imbabazi Imana nabanyarwanda.umuvugizi wungirije KARANGWA we imitima yamubanye igihumbi ADEPR ya UGANDA arikuyayindakaho ngo azahahungire ibyaha nibimugaruka.ubundi se siwe wahivanye.ngo ahurujwe no kwicisha bene se.ahaaa!!! Imana izabereka ko atari nkamwe.

5
mugisha felix 2018-11-08 08:07:13

Abatanga comment mwese mukuvuga mujye mubanza mutekereze cg mushungure ibyo mugiye kuvuga,mureke gusebya cg guharabika,n,ibisa no gutukana mushyira hanze mwibwira ngo mutanze ibitekerezo,plz njye mbona uru ari urubuga rw,ibitekerezo

6
kamana 2018-11-08 06:39:11

Mana we iri torero rirambabaza cyaneee bikabije.
Ariko kuri jye si n’igitangaza ko ryanyeganyezwa ritya. Kuko iri torero ririho gucoshwa mu muriro w’ibigeragezo kugirango ab’intore cg inyamibwa bagaragare bashyirwe na Yesu k’uruhande rumwe ingwizamurongo mu bwami bwe na zo zishyirwe ukwazo.
Abadasoma cyane ibyanditswe ntibazi cg ntibanibuka ko gukund’amafaranga mu bana b’Imana bitavuts’ubu. No mu ntumwa za Kristo niho byatangiriye ubwo jida iskariyoti yagurishaga Sebuja amaze kumugambanira mi banzi be.
ADEPR icyo isabwa ’uguharira urubanza Uwiteka akaba Ati we ubirangiza Ibi bintu.
Imana iriho kunyeganyeza iri Yorero ryiza cyane kugirango ikure mo ibigande maze abaciye bugufi ikomeze kubereza ijuru. Bantu b’iro Torero mwirinde gushinjana ahubwo musenge.

7
Uwiteka Niwe Mana 2018-11-08 06:18:38

Gusa byose bisaba gusenga ntakindi ayariwe niba yarariwe twebwe abo hasi ntabwo twabimenya rwose reka dukorere imana ibindi byose bizaza ari inyongezo kubaho ni christo No gupfa kumukiranutsi ni inyungu

8
Uwiteka Niwe Mana 2018-11-08 06:17:32

Gusa byose bisaba gusenga ntakindi ayariwe niba yarariwe twebwe abo hasi ntabwo twabimenya rwose reka dukorere imana ibindi byose bizaza ari inyongezo kubaho ni christo No gupfa kumukiranutsi ni inyungu

9
Karekezi 2018-11-08 04:55:57

IMIVUMO IKOMEJE GUKURUKIRANA KARURANGA NA KARANGWA IRIMO GUTURUKA KU NZIRAKARENGANE BAHERUTSE GUFUNGISHA BIFUZAKO BAZABORERA MURI GEREZA ARIKO LETA YU RWANDA IGATANGA UBUTABERA BWUZUYE, AKEBO BAGERERAMO ABANDI NABO KARABAZIYE

10
Germain 2018-11-08 03:48:13

Mwe mubabazwa n’amafaranga yibwe naho njye nibabarijwe n’ubugingo bwa miliyoni z’abantu bazirikiwe mw’idini itagira Imana birirwa babeshywa ko ari itorero ry’Imana, Yesu yaravuze ngo iyo impumyi ikurikiye indi mpumyi zombi ziruhukira mu cyobo, dore abari imbere babaye impumyi bagwa mu cyobo none n’abari inyuma yabo bakibasanzemo kuko nta mpumyi irandata indi, ibyahishuwe biravuga ngo iyo babiloni muyisohokemo, amafaranga nta gihe atibwe n’abazakurikiraho bazayiba kuko ibyo bintu mwarundanyije si Imana yabatumye ngo mubirundanye, ubundi kuki abo bakristo bagomba kugengwa nubuyobozi bw’idini buri ikigali, ubwo bafite muri rusengero rwabo ntibuhagije ngo babashe kuvuga ubutumwa bwiza, ubundi intego y’itorero ko ari ukwamamaza Kristo aho muri ubundi izo nzego zirirwa zibatesha umutwe muzubaka ari nde wabibatumye, Pasteri w’urusengero arahagije kuyobora itorero mu mahamagaro yahawe maze Kristo akamamazwa, naho izo nzego zindi zo hejuru nta kindi zimaze uretse kwishakira icyubahiro n’amafaranga, rero niba barayibye barangiza bakigira ba bishop byibakereza kuko iriya myanya yo hejuru nicyo ibereyeho. Ahubwo umukristo wishakira Imana we nave mu bintu kibyo bitamwanduriza ubugingo.

Paji: 1 | 2 | 3 | 4  

Kwamamaza