Umuturage yandikiye Inteko asaba ko imodoka za “automatic” zakoreshwa mu bizamini byo gutwara

27 14-04-2018 - saa 20:58, Jean Pierre Tuyisenge

Shumbusho Frank ubarizwa mu Karere ka Gasabo yagejeje ku Nteko Ishinga Amategeko Umutwe w’Abadepite, inyandiko isaba ko hashyirwaho itegeko ryemera ikoreshwa ry’imodoka za “automatic” mu bizamini byo gukorera impushya za burundu zo gutwara.

Mu ibaruwa yandikiye abadepite, Shumbusho yavuze ko gukoresha ibizamini hifashishijwe imodoka zisanzwe bibuza amahirwe abantu bafite imodoka za “automatic”, bigatuma batabona impushya zo gutwara.

Yagize ati “Imodoka za ‘automatic’ zizanwa mu gihugu mu buryo bwemewe n’amategeko nk’izindi zose ariko iyo bigeze ku bizamini byo gutwara ntizemerwa ariko ba nyirazo bazi kuzitwara.”

Aya ni amwe mu magambo akubiye mu ibaruwa, Shumbusho yandikiye Inteko Ishinga Amategeko ku wa 11 Mata 2018, aha kopi Polisi y’Igihugu na Minisiteri y’Ubutabera.

Kt Press yanditse iyi nkuru, ivuga ko ubusanzwe ibaruwa y’ubusabe ishyikirizwa ahakirirwa abagana inteko, igasinywaho hanyuma ikohorezwa muri Komisiyo bireba ikazayigaho nyuma ikaganirwaho mu Nteko Rusange.

Perezida wa Komisiyo y’Ubumwe bw’Abanyarwanda, Uburenganzira bwa Muntu no kurwanya Jenoside, Depite Byabarumwanzi François, yavuze ko icyo kibazo gishobora kuzavamo umushinga w’itegeko ukomeye.

Yagize ati “Kugira ngo Inteko yige ku busabe bw’abaturage bisaba ko komisiyo ibishinzwe ibyumvikanisha mu buryo bukomeye. Ubu rero bishobora kuzatwara igihe kitari munsi y’umwaka kuko ubu hari ibindi bibazo bihari byihutirwa bisaba kuganirwaho mu Nteko Rusange.”

Depite Byabarumwanzi yongeyeho ko igitekerezo cya Shumbusho atari ikibazo gikomeye, amugira inama yo kukijyana kuri Polisi.

Yagize ati “Umuntu iyo yiga imodoka aba agomba kwifashisha izisanzwe kuko iza ‘automatic’ ntizisaba ubuhanga mu kuzitwara cyane cyane mu guhinduranya vitesi byitabwaho cyane mu bizamini. Ndatekereza ko akwiye kohereza ubusabe bwe mu Ishami rya Polisi rishinzwe Umutekano wo mu Muhanda.”

Mu ibaruwa ye, Shumbusho yavuze ko ahandi imodoka ziteye zityo zikoreshwa mu bizamini kandi ngo nta kibazo byagize cyane cyane mu bihugu byateye imbere nk’u Buyapani.

Kuva muri Mutarama kugeza muri Werurwe 2018, Polisi y’Igihugu yakiriye abantu 3 322 biyandikishije mu gukora ibizamini by’uruhushya rw’agateganyo rwo gutwara, mu gihe 22,479 biyandikishije bashaka gukorera impushya za burundu.

Umupolisi ari gukoresha ikizamini cy'uruhushya rwo gutwara rwa burundu
Imodoka za “automatic” ntizikoreshwa mu bizamini by'abashaka impushya za burundu mu Rwanda
Ibaruwa y'ubusabe, Shumbusho yandikiye Inteko Ishinga Amategeko, Umutwe w'Abadepite
Kwamamaza
Kwamamaza

Izindi nkuru wasoma

19 3 20-08-2018
Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2 | 3  

1
Nzabandora 2018-04-16 05:46:35

Bazashyireho ahubwo n urw izitwara. Ntabwo bajyana n igihe?! Ahubwo bazanahindure umusoro k umushahara fatizo kilo 31000 ref ntacyo yakugezaho, byibura bibe nka 51000 . Ndizera KO nabyo bazabyigaho pe

2
Mimi 2018-04-16 05:28:48

Gutwara nabi ndetse n’impanuka ntabgo ziterwa n’ubwoko bw’imodoka umuntu atwaye. Automatic na manuel zose zikora impanuka kimwe!!! Umusinzi utwaye manuel n’umusinzi utwaye automatic bakora amakosa amwe mu muhanda. Gutwara imodoka neza n’imitekerereze mizima y’utwaye ndetse no gukurikiza amategeko y’umuhanda ntabgo bisaba kuba umuntu atwara manual cyangwa automatic. Jye ntwara manuel ariko nagiye gutwara muri amerika nsanga nt’amategeko y’umuhanda narinzi pe!!! Nibaza ko iyi lettre yarikwiye gutuma havugwa mu buryo burambuye ibisabwa kugirango umuntu atware neza imodoka mu Rwanda!!!!

3
bouba 2018-04-16 01:20:12

sha byasaba ko habaho permis z imodoka za automatic kandi ubwo murumva ko abanyamanyanga bazagenda bakorere examen ya automatic maze batware manuel bisabe ko police ikora controle cyane bitume akazi kaba kenshi. na manuel wize neza ntigora bareke ubugugu n ubunebwe batange cash auto ecole zibone akazi.

4
[email protected] 2018-04-15 15:12:43

hhhh mbega shumbusho we! ubwo c umaze kuyibona ugatwara Manuel byakwitwiki auto ikoresha nababite ubumuga(B1) icyonjye mbona warikwandikusaba nuko bajya bakoresha circulation na demarage gusa kuko nibyo bikoreshwa iyitwaye imodoka mubuzima bwaburimunsi naho parking ni cona birizana iyutwara. @king permit imara 10ans yarangira ukishyura 10k bakakwandikira indi ntiwongera kuyikorera.

5
Nshimiyimana protais 2018-04-15 14:13:34

Ubusanzwe izomodoka zagenewe ababana n’ubumuga bemerewe kuzikoresha ibizamini arko rwose kumuntumuzima zitera ubunebwe bwokutagenga ikinyabiziga utwaye ahubwocyo kikakugenga aribyo bitera nimpanuka mumuhanda bikabije

6
gssimbe 2018-04-15 11:09:50

ESE.kubera iki muvugango ni uruhusha rwburundu kandi nyuma yimyaka 5 ufatwa NGO yararangiye muzsbikosore Wenda nka 10annes

7
Toto 2018-04-15 10:13:10

Iki gitekerezo ni cyiza hari byinshi kiruta mu bijya byigwaho mu nteko. Ahubwo nimukigeho kandi mukinoze mwongereho no guta agaciro ka permi Kandi umuntu aba yayikoreye

8
Mugasa 2018-04-15 09:33:09

Mba Australia, iyo ukoresheje Auto, utwara Auto gusa, wakoresha mannuel, ugatwara zose. Bazashyireho system nkiyi.Murakoze.

9
Emmy 2018-04-15 08:49:11

Ariko jye ndumva ntacyo byaba bitwaye habaho group 2za categories one for manually and automatic car

10
Emmy 2018-04-15 08:49:10

Ariko jye ndumva ntacyo byaba bitwaye habaho group 2za categories one for manually and automatic car

Paji: 1 | 2 | 3  

Kwamamaza