IGIHE

Umupaka wa La Corniche i Rubavu watangiye gukora nka One Stop Border Post

1 2-12-2019 - saa 11:41, Habimana James

Urwego rw’abinjira n’abasohoka mu Rwanda, rwatangaje ko umupaka munini uzwi nka La Corniche ugabanya u Rwanda na Repubulika Iharanira Demokarasi ya Congo mu karere ka Rubavu, ubu watangiye gukora nka One stop border post.

Uru rwego rwatangaje ko ubu abaca kuri uyu mupaka uhuriweho, bashobora gusinyisha ku ruhande urwo ari rwo rwose rw’ibi bihugu.

Umupaka uhuriweho ‘One Stop Boarder Post’, ufasha mu guteza imbere ubucuruzi bwambukiranya imipaka, kugabanya igihe byafataga kwambuka umupaka, ukanoroshya urujya n’uruza rw’abantu n’ibintu ndetse no kwihutisha serivisi zitangirwa ku mupaka.

Urwego rw’abinjira n’abasohoka ruvuga ko mu buryo bwa vuba iyi One Stop Border Post, yatangiye gukora kuwa 30 Ugushyingo 2019, iri buze gufungurwa ku mugaragaro.

Uyu mushinga wari ukubiyemo kubaka inyubako zitangirwamo serivisi ku mupaka uhuriweho harimo ibiro, parikingi, ububiko ndetse n’inzira inyuramo imodoka nini.

Abantu bari hagati ya 4000-5000 nibo bambukiranya uyu mupaka, benshi muri abo akaba ari abakora ubucuruzi buto n’ubuciriritse.

Ku ruhande rw’u Rwanda uyu mupaka uba ufunguye amasaha 24, mu gihe ku ruhande rwa Congo wabaga ufunguye kugeza saa yine z’ijoro.

Ibicuruzwa bikomoka ku buhinzi n’ubworozi nibyo bihanyuzwa cyane.

Nyuma yo gutangaza iki cyemezo, abantu batandukanye bakoresha uyu mupaka, babicishije kuri Twitter, bavuze ko bishimiye uburyo batangiye guhabwa serivisi.

Uwitwa Salma Nkusi yagize ati “Nakoresheje umupaka wa La Corniche ejo hashize, ndi umwe mu batanga ubuhamya ku mpinduka zihari, serivisi ziratangwa mu buryo bwihuse, ni byiza kubona abahagarariye imipaka ku mpande z’ibihugu byombi bicaye hamwe kandi bakorera hamwe, buri wese yishimiye izi mpinduka zabaye.”

Uwitwa Mushabe Wilson nawe yagize ati “Sinzi niba ibyo mbona n’abandi aribyo babona mu Rwanda, hari ibintu bishya bituzengurutse, ntabwo mvuze gutya kubera ko ari igihugu cyanjye ariko ni ukubera ibintu bishya biri mu Rwanda no muri Afurika.”

Umunyamabanga wa Leta muri Minisiteri y’Ububanyi n’amahanga, ushinzwe Umuryango wa Afurika y’Iburasirazuba, Amb. Olivier Nduhungirehe, yanditse ko umupaka w’u Rwanda na RDC, ari umwe mu yikoreshwa cyane ku Isi.

Yavuze ko ‘La Corniche One Stop Border Post (OSBP), izongera urujya n’uruza rw’abantu n’ubucuruzi bwambukiranya imipaka hagati y’ibihugu byombi’.

Umupaka wa La Corniche watangiye gukora nka One Stop Border Post
Uyu mupaka ugiye kurushaho gufasha ubucuruzi buhakorerwa umunsi ku munsi
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Terimbere 2019-12-02 08:42:25

Amazing.

Kwamamaza