Uko serivisi ya SAFINTRA yo kubaka ibisenge imaze guhindura uburyo bw’imyubakire mu Rwanda

1 11-07-2018 - saa 11:26, IGIHE

Ikigo gikora ibikoresho by’ubwubatsi mu Rwanda, Safintra Rwanda Ltd, gikomeje gutanga serivisi cyihariye zo kubaka ibisenge ku mishinga inyuranye y’ubwubatsi mu gihugu, aho cyabaye igisubizo ku bigo wasangaga bahura n’ihurizo ryo gushakisha ibikoresho ahantu hatandukanye igihe bageze ku gukora igisenge.

Enjeniyeri mukuru mu kigo cy’ubwubatsi, Dongil Construction Co Ltd kimaze kubaka inzu nyinshi zigezweho muri Kigali, Léonce Malonko, avuga ko yasanze hari inyungu nyinshi mu gukoresha serivisi zo kubakirwa igisenge cyose (complete roofing services) zitangwa na Safintra yonyine mu gihugu hose.

Mu kiganiro na IGIHE, yavuze ko ikigo akorera kimaze gukoresha izi serivisi ku mishinga myinshi y’ubwubatsi mu myaka ine ishize, ndetse ko ibyiza yazibonyeho birimo kwihutisha kurangiza inyubako vuba no gutanga igisenge gikomeye, bituma akomeza kugana Safintra Rwanda.

Yagize ati “Twakoranye na Safintra ku mishinga itandukanye irimo uwo kubaka icyicaro gikuru cya Polisi y’Igihugu n’amacumbi yayo biri ku Kacyiru. Safintra yafashe akazi ko kubaka igisenge cyose kandi ikirangiza ku gihe bakoresheje amabati meza ya versatile bikorera ndetse bazana itsinda ry’abakozi babo batwubakira igisenge cyiza kandi vuba.”

Yongeyeho ko izi serivisi ziha nyir’inyubako cyangwa ikigo cy’ubwubatsi umwanya wo kwikorera ibindi kandi inyubako ye ikuzura vuba, atagombye kugenda agura ibikoresho ahantu hatandukanye no gushaka abakozi.

Yakomeje agira ati “Izi serivisi zidufasha kwita ku bindi bikorwa twizeye ko cya gisenge twahariye Safintra izakiduha cyuzuye kandi ku gihe. Ibi kandi biduha icyizere ko igihe igisenge cyaba kigize ikibazo tutagomba kuzenguruka mu bantu benshi batugurishije ibikoresho n’abatwubakiye, ahubwo tukajya kureba ikigo kimwe gusa kigakemura ikibazo cyaba cyavutse.”

Malonko yavuze ko igisenge cyubakwa na Safintra gifite uburemere buri hasi ku kigero kirenga 50% ugereranyije n’ubw’ibindi byukakwa mu Rwanda, ubu buremere buke bukarinda inkuta z’inzu kwiyasa no kugwa biterwa no kuremererwa n’igisenge.

Yongeyeho ko ibyuma Safintra ikoresha muri izi serivisi nta handi biboneka mu Rwanda kuko bikorwa na Safintra gusa, asaba urwo ruganda ahubwo kugeza izi serivisi ku bantu benshi mu gihugu.

Umuyobozi Mukuru w’ikigo cya Safintra, Sandeep Phadnis, yabwiye IGIHE ko iki kigo cyazanye izi serivisi zo gutanga igisenge cyuzuye mu rwego rwo gusubiza ibyifuzo by’abakiliya.

Yagize ati “Dufite ubushobozi n’ubunararibonye bwo gukora iyo mirimo mu gihe gito gishoboka tuba twahawe. Abubatsi bacu bakora igishushanyo cy’igisenge, bagatanga inama ku isakaro ryiza kandi bakabyubaka ku buryo bwiza, bakakwereka igisenge cyuzuye.”

Safintra imaze igihe iteza imbere urwego rw’ubwubatsi mu Rwanda kuva mu 2008, aho imaze gushyira ku isoko ibikoresho bishya kandi biramba, bishingiye ku bunararibonye ifite mu bwubatsi. Ikoresha ibyuma bifite ubuziranenge bizwi ku izina rya ‘ULTRASPAN’ na ‘Simbachuma’.

Imaze kurangiza imishinga itandukanye aho yagiye yubaka ibisenge birimo muri Kaminuza y’Ubuvuzi iri i Butaro mu Karere ka Burera, hoteli z’inyenyeri enye ziri i Nyagatare n’i Musanze, ikigo gitangirwamo amahugurwa kiri i Remera muri Gasabo, inyubako z’ibyicaro bikuru by’ibigo bya Leta n’ibindi . Yujuje n’ibisenge by’amashuri menshi agezweho n’inyubako zo guturamo n’iz’ubucuruzi.

Safintra Rwanda Limited ikomoka mu kigo kinini ‘Safal Group’ kiza ku isonga mu gukora isakaro n’ibijyana na ryo muri Afurika yose ndetse cyanabaye icya mbere mu gukoresha ‘aluminium’ na ‘zinc’ ku isakaro kuri uyu mugabane.

Ku myaka irenga 50 y’uburambe, Safal Group imaze gufungura inganda 36 mu bihugu 12 byo muri Afurika y’iburasirazuba, iyo hagati n’amajyepfo, ndetse ikomeje kuba mu ba mbere mu gutanga ibikoresho byujuje ubuziranenge kuri uyu mugabane.

Safintra Rwanda igukorera igishushanyo mbonera cy'igisenge, ikacyubaka, ikakikwereka cyuzuye
Safintra Rwanda Ltd yubaka igisenge cy'inzu yifashishije ibikoresho yihariye mu Rwanda
Safintra Rwanda yatangiye kubakira abantu ibisenge ku buryo uwubaka asabwa kuzamura inkuta ibindi akabiharira uru ruganda rusanzwe rufite ubunararibonye mu gukora isakaro
Ushobora kubaka ibindi bice by'inzu naho igisenge ukagiharira Safintra Rwanda Ltd
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
hakizimana 2018-07-11 04:48:38

ikibazo nuko ibyo mukora mutabikora kinyamwuga nibikoresho byanyu ntibyizewe keretse abatabazi urugero uzamuka shyorongi iriyanzu ihari ikora iyihe sorte ya advertisement hafi ya magerwa

Kwamamaza