U Rwanda rwavuze ku bimukira bigaragambirije kuri Ambasade yarwo muri Israel

21 7-02-2018 - saa 17:38, Philbert Girinema

Ku gicamunsi cyo kuri uyu wa Gatatu, mu Mujyi wa Herzliya uherereye mu Majyaruguru ya Tel Aviv; ibihumbi by’abimukira bari muri Israel bigaragambirije kuri Ambasade y’u Rwanda binubira umwanzuro wo kubirukana.

Ibinyamakuru byo muri Israel byanditse ko aba bigaragambya bari biganjemo benshi mu bimukira bashaka ubuhungiro muri iki gihugu bari kumwe na ba kavukire basakuza ngo ‘ntabwo turi ibicuruzwa’. Mu byo binubiraga, ngo harimo ibijyanye no koherezwa mu Rwanda.

Ambasaderi w’u Rwanda muri Israel, Col.Joseph Rutabana, yatangarije IGIHE ko imyigaragambyo yabaye ariko ikorwa mu mutuzo. Abantu babarirwa hagati ya 700-1000 ni bo bari bayirimo bacungiwe umutekano ariko igihe bari bemerewe kirangiye baragenda.

Ibi bibaye mu gihe Guverinoma y’u Rwanda iherutse gutangaza ko nta masezerano y’ibanga yigeze ashyirwaho umukono hagati y’u Rwanda na Israel arebana no kwakira abimukira b’Abanyafurika nk’uko bimaze iminsi bivugwa mu itangazamakuru.

Umunyamabanga wa Leta muri Minisiteri y’Ububanyi n’Amahanga, Ubutwererane n’Umuryango w’Ibihugu bya Afurika y’Iburasirazuba, Nduhungirehe Olivier, yabwiye IGIHE ko abigaragambya ari abafite amakuru y’ikinyoma kuko u Rwanda rutigeze rusinya amasezerano yo kubakira.

Ati “U Rwanda ntirwigeze rusinyana amasezerano na Israel. Bigaragambya kubera ko bahawe amakuru atariyo kuko twagerageje kubibasobanurira ariko bikaba bigaragara ko bamwe muri bo batabyumva.”

Yakomeje agira ati “Amateka y’u Rwanda yagaragaje ihezwa ry’abanyarwanda n’ihohoterwa ryabo bituma dufungura amarembo aho twiyemeje kwakira abanyafurika n’abandi bose bari mu kangaratete bakeneye igihugu baturamo. Twabikoze tugamije kugira neza no gufasha, ntabwo ari ukubera indi nyungu […] ntidushobora kwakira umuntu wazanywe ku gahato, tuzakira abanyafurika bumva bashaka gutura mu Rwanda ku bushake.”

Guverinoma y’u Rwanda iherutse gutangaza ko muri ibi bihe birimo abimukira benshi, yifuza kongera gushimangira ubushake bwayo mu gutanga umusanzu uwo ariwo wose mu gufasha aba bagabo, abagore n’abana bari kwisanga bagana iy’ubuhungiro.

Ariko ku birebana n’abimukira bo muri Israel mu itangazo ryo ku wa 22 Mutarama 2018, yagize iti “Igendeye ku bihuha bimaze iminsi mu itangazamakuru, Guverinoma y’u Rwanda irifuza kuvuga ko itigeze isinya amasezerano y’ibanga na Israel arebana no kwakira abimukira b’Abanyafurika.”

Mu mpera za Mutarama ubwo yari i Davos mu Busuwisi mu nama mpuzamahanga yiga ku bukungu, Perezida Paul Kagame yabwiye Minisitiri w’Intebe wa Israel, Benjamin Netanyahu, ko ku birebana n’abimukira bari muri Israel, u Rwanda rwakwemera igikorwa icyo ari cyo cyose igihe cyaba gikurikije amategeko mpuzamahanga.

Ubutumwa bwanyujijwe kuri konti ya Twitter ya Minisitiri w’Intebe wa Israel (@IsraeliPM), bugaragaza ko mu biganiro abayobozi bombi bagiranye “ku kibazo cy’abimukira, Minisitiri w’Intebe Netanyahu yemeranyije na Perezida Kagame, wagaragaje neza ko yakwemera igikorwa ari uko gusa cyubahirije amategeko mpuzamahanga.”

Ibinyamakuru byo muri Israel byavuze kenshi ko Guverinoma y’icyo gihugu yemeye guha u Rwanda cyangwa ikindi gihugu amadolari 5,000 kuri buri mwimukira ruzakira, nawe agahabwa impamba y’amadolari 3,500.

Ni umwanzuro utaravuzweho rumwe n’imiryango iharanira uburenganzira bwa muntu yumva ko Israel ikwiye kurengera abayihungiraho aho kubafunga, byanarimba bagashakirwa ikindi gihugu cyabakira kandi bakagenda ku bushake.

Ishami ry’Umuryango w’Abibumbye ryita ku mpunzi (HCR), ryo ryasohoye itangazo ryamagana imyanzuro ya Israel, rivuga ko abimukira badakwiriye kwimurwa ku gahato n’ubwo wagaragaje ko ushingiye ku bivugwa, hari abashobora kuba barimuwe.

HCR ivuga ko muri Israel hari abimukira baturuka muri Eritrea bagera ku 27 500 n’abava muri Sudani bagera ku 7800. Nyamara kuva Israel yambuye HCR inshingano zo gutanga ubuhunzi muri icyo gihugu mu 2009, Abanya-Eritrea umunani n’Abanya-Sudani babiri nibo gusa babuhawe.

Abigaragambyaga basabaga kutoherezwa mu Rwanda mu gihe Guverinoma yavuze ko nta masezerano yigeze abaho yo kubakira (Ifoto: Miriam Alster/Flash90)
Imyigaragambyo yabereye imbere ya Ambasade y'u Rwanda i Herzliya (Ifoto: Miriam Alster/Flash90)
U Rwanda rwatangaje ko ruzakira abimukira mu gihe bizaba bikozwe mu buryo bwemewe n'amategeko (Ifoto: Miriam Alster/Flash90)
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2 | 3  

1
Gisa 2018-02-10 08:15:05

Nibagumeyo nubundi nabo kuduteza inzara

2
eric NIYI 2018-02-10 00:47:06

Between 2007-2012 more than 65,000 African asylum-seekers, primarily from war-torn Sudan and Eritrea, fled to seek refuge in Israel, a country they believed would offer them protection from genocide and political persecution.

Today, only 38,540 remain, out of which 15,000 live in southern Tel Aviv, frequently in dismal conditions.

3
mahoro jack 2018-02-09 00:52:00

@Ntaganda: ndemeranya nawe 200% kabisa. Abantu ntibakifate nabi, ngo bateze akajagali n’umwanda aho bageze hose mu bihugu byabandi hanyuma nibarangiza ngo barabanga. Babanga nyine kubera imyifatire mibi no kutagira umumaro aho wagiye. That’s it. Abagenda muri Europe muzarebe amakaritsiye atuwemo na bene wacu bava west africa uko aba asa, urusaku, ubujura, guhangana na police, guteka muri za corridors z’amazu,.... ahubwo nge mbona biriya bihugu byihangana pe.

4
kaguru 2018-02-08 21:41:53

murabona u rda ari igihugu cyo kuza gusonzokeramo koko ? nabarurimo twabuze aho duhungira ... inzara yamaze abantu, ntiwabona icyo ukora kubera imisoro , igishoro cyose ubona kigupfira ubusa , mwe nka government iyo mubirebye mubona u rda ari igihugu kiri ku rwego rwibihugu nkiby’iburayi kuburyo abantu baruhungiramo baje gushak amaramuko ? never ko twirirwa tujya muri za uganda,zambia,,,,,gushakirayo uburyo twabaho ninde murabona wo muribyo bihugu uza gushabikira mu rda ? . abo bimukira mwibashuka nibigumire iyo bari kbsa nanjye sinaza mugihugu nkiki. naho kugira umutekano x utabona icyo urya cg ukora byo bizakumarira iki ? .

5
kubwimana 2018-02-08 12:17:05

Niba nta nyungu babifitemo se babihoreye: wasanga ari impuhwe za Bihehe.

6
Ntaganda Abdul-Rahman 2018-02-08 11:59:42

Abantu bangana kuriya batuye muri Israel bisobanuye ko Israel yabakiriye , ariko ubu hageze ko birukanwa muri Israel kubera ko batera akaduruvayo. Njye mfite gihamya cy’umuvandimwe w’ Umurundi utuyeyo wambwiye ko bariya bany-Afrika batihesha agaciro habe na mba. Benshi bazwiho ibikorwa bigayitse bihabanye n’imico ya Israel nk’Igihugu cya kera kigendera kumahame n’imico y’Idini yabo. Hagyeze ubwo batakibashaka muri Israel. Cyane cyane aba abaturuka muri Eritrea, bazwiho gusinda bakabuza abantu amahoro, aba-Nigeria bazwiho ibiyobya-bwengye, aba-Sudani bica amategeko yose abaho kuko ntibigyeze baba muri society igendera kumategeko, hakiyongyeraho kubaho gisarigoma. Haragyeze ko abany-Afrika babwirwa ukuri kutanyuze muri diplomacy, bakabwirwa ko kutiyubaha no kutiha agaciro aribyo bituma basuzugurwa ahantu henshi. Ntabwo bishoboka ngo umuntu akwakire, aguhe icumbi hanyuma ngo yakurakariye nta mpamvu, ngo nuko uri Umwirabure ! None se mbere hose bakwakiriye batabona ko uri Umwirabure ! Nubwo baza m’ u Rwanda, bagomba guhabwa umurongo bagyenderaho. Israel mwakagombye kuyishimira no kuba yarakiriye bariya bantu bose, ikaba yarabihanganiye kugyeza mangyingo aya.

7
Jonico Alain 2018-02-08 10:09:18

Yewe, urigarambya ku isi wajeho utabisabye, nkuko warize uvuka ninako uzakomeza kubaho nubwo uzagira imimerere utuma wishima iyisi ntacyiza ikwifuriza byongeye kandi njye nemera ko isi yose iri mumaboko yumubI.

8
lg 2018-02-08 07:22:08

ubundi se barinda bugaragambya, mwabaretse inyungu ni zabo twe ntayo tubufitemo bagiye hariya bazi ko nu Rwanda ruhari nibagumeyo, cyangwa babspakire, indege bajye iwabo bavane, induru kuli embassy yacu

9
Masaro 2018-02-08 05:17:39

Aba bantu mushaka kuzana mugomba kuba mutazi imico yabo. Ushobora kubikururira ngo ni kugira ubuntu, ukazicuza bamaze guteza akaduruvayo. None se wibwira ko bava muri za senegali, mari, nijeriya, etiyopiya bahunze intambara? baba bashaka ibihugu bikize by’iburayi na isiraheli n’ahandi. Kuki se bataza mu bihugu by’afurika nuko baba bayobewe inzira? Ujya gufasha abandi arabanza agafasha abe, reka dukomeze dufashe abanyarwanda babuze akazi, abatishoboye, n’’abandi. Nitumara kumera nkabari muri paradizo, n’abazungu bazajya bizana ntawe duhatiye kuza ngo ni ubumuntu. None se bariya bo muri aziya tubona ngo bitwa abaruhinya ba birmaniya bo ko tutabahamagara ngo baze kandi bo si intagondwa, baza ari benshi. Niko mbibona

10
richard 2018-02-08 03:01:50

Islael kuba itanga ariya $ ugira nimpuhwe idufitiye? Barareba long term interest to islael. Abayahudi bagiye bigarurira ibihugu byinshi kubera kwimuka. Some will be africans and some juish (islaelites).

Paji: 1 | 2 | 3  

Kwamamaza