U Rwanda rwasabye itsinda rya Loni rirwanya iyicarubozo ibimenyetso by’uko ryananijwe

4 11-07-2018 - saa 11:33, IGIHE

Guverinoma y’u Rwanda yongeye guhakana ibyatangajwe n’abagize Itsinda rito rya Loni rishinzwe kurwanya iyicarubozo, ryavuze ko ryatashye ritarangije akazi karyo kuko ryashyizweho amananiza ubwo ryakoraga iperereza muri za gereza zitandukanye n’ahandi hafungirwa abantu.

Iyi Komite yari igizwe n’abantu icyenda yaje mu Rwanda mu Ukwakira umwaka ushize igamije kumenya uko imfungwa zifatwa mu Rwanda no kugira inama Leta ku gushinga urwego rw’igihugu rugenzura ahafungirwa abantu.

Izo ntumwa zatangaje ko Guverinoma y’u Rwanda yanze gukorana nazo ntizibashe kugera muri gereza n’ahandi hafungiye abantu. Zihamya ko aho zageze zitabashije kuganira n’imfungwa n’abagororwa mu ibanga kandi n’abo zaganiriye nazo bakazibwira ko bashobora kubiryozwa.

Mu itangazo rya Guverinoma yongeye gusohora kuwa 5 Nyakanga 2018, yavuze ko ibyo Itsinda rya Loni ryakoze ari ugukomeza kwica amahame agenga imikoranire hagati y’iri tsinda n’ibihugu, aho ryananiwe kubahiriza ibijyanye n’imikoranire ndetse n’ibiteganywa mu masezerano yo kurwanya iyicarubozo.

Yavuze ko ‘ibivugwa by’uko nta mikoranire yabayeho ari ibinyoma bidafite ishingiro n’icyizere gike kandi Guverinoma y’u Rwanda ibyamaganye nk’uko itahwemye kubyamagana’.

Iri tangazo rivuga ko ‘u Rwanda rwongeye gusaba itsinda rya Loni rishinzwe kurwanya iyicarubozo gutanga ibimenyetso bigaragaza ukuri kw’ibirego rishyira ku Rwanda kandi rugitegereje igisubizo mu buryo bweruye’.

Risobanura ko Guverinoma y’u Rwanda yafashije bihagije mu ruzinduko rw’iri tsinda harimo kuriha uburenganzira ku hantu hose hafungirwa ndetse no kuganira n’abarekuwe. Rivuga kandi ko ikibazo icyo aricyo cyose cyaba cyaragaragajwe mu ruzinduko rw’iri tsinda cyitayeho ku gihe kandi kigakemuka.

Guverinoma y’u Rwanda ivuga ko iri tsinda ryishe amahame y’imikoranire kuko ryasubitse akazi karyo ritayimenyesheje cyangwa ngo rigirane ibiganiro n’inzego zirimo Minisiteri y’ubutabera.

Minisiteri y’Ubutabera yigeze gutangaza ko iri tsinda ryasuye ahantu hatandukanye ryihitiyemo harimo Gereza ya Rilima na Muhanga, Sitasiyo za Polisi za Nyamata, Kimihurura, Nyamirambo, Transit Center ya Gikondo, icyicaro cya Diviziyo ya Mbere y’Ingabo z’u Rwanda cya Kami n’Ibitaro bya Ndera.

Iri tsinda ryari rigizwe na Arman Danielyan, ukomoka muri Armenia, ari nawe wari uyiyoboye, Kosta Mitrovic wo muri Serbia, Zdenka Petrovic wo muri Montenegro, Aneta Stanchevska wo muri Macedonia, Joao Nataf, Maria Toyanova, Smitry Cherepanov na Jean Christophe Deslandes.

Iri tsinda rya Loni ubwo ryari mu Rwanda ryakiriwe n'abakozi ba Minisiteri y'ubutabera
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
.Nyoninyinshi 2018-07-11 09:49:37

Amenyo ni amabuye koko.

2
kakai 2018-07-11 08:28:15

Ngo ngo ngo aha ha ha ha ha ahuiiiiiiiiiiiii ahahahahahahahaaaa oyiiiiiiii ayiweeeeeeeee ahuuuuuuuu ho hohohohohohoooooooooo ngo barashaka kureba iki ha ha hahaaaaaaa

3
Cacana 2018-07-11 07:32:37

Hummmmmmm! Ngo mwabemereye kuganira n abafunguwe kandi bo barashakaga kuganira n abafunze?

4
Tudra 2018-07-11 07:27:54

Ariko ntimukigore, ubwo se niyo wahera kuri statiins za police, wasanga ari shtashya? Umunuko, kwihagarika 02/umunsi; ibiryp bike... ariko se absnyamajuru mwazikoze mugasura nkavbrigade 03 muri Kigali?
LONI mbere yo kubibona, twagombaga kugira icyo tubons

Kwamamaza