IGIHE

U Rwanda rugiye kwakira inama mpuzamahanga ya ICASA yiga kuri virusi itera Sida

3 24-08-2019 - saa 07:56, Iradukunda Serge

U Rwanda rugiye kwakira inama mpuzamahanga yiga uko icyorezo cya Sida n’indwara zandurira mu mibonano mpuzabitsina bihagaze muri Afurika, izwi nka ICASA (International Conference on AIDS and STIs in Africa).

Iyi nama ihuza abakora ubushakashatsi, abanyeshuri, abarimu muri za Kaminuza, abaganga, abakora mu by’imiti ndetse n’abayobozi mu nzego zitandukanye, iteganyijwe kubera i Kigali taliki ya 2 Ukuboza kugeza taliki ya 7 Ukuboza 2019.

Iyi nama u Rwanda rugiye kwakira izaba ibaye ku nshuro ya 20, izahuriza hamwe abantu bagera ku 10 000 baturutse ku Isi hose biga ku kibazo cya Sida n’indwara zandurira mu mibonano mpuzabitsina ku mugabane wa Afurika.

Umuyobozi wa ICASA, Prof Idoko John, mu kiganiro n’abanyamakuru yavuze ko iyi nama ije nk’uburyo bwo kwisuzuma urwego bagezeho bashyira mu bikorwa ingamba zo kurwanya virusi itera Sida.

Yagize ati “Intego nyamukuru y’iyi nama ni ukureba ibyo twabashije gukora mu myaka ibiri ishize ubwo inama ya ICASA yabaga bitari ku gakoko gatera Sida gusa ahubwo n’izindi ndwara nk’igituntu, hepatite, kanseri ndetse n’indwara z’umutima”.

Minisitiri w’ubuzima Dr Gashumba Diane avuga ko iyi nama azaba ari umwanya mwiza wo kureba aho abandi bageze mu kurwanya Sida ndetse nabo bagasangiza abandi zimwe mu ngamba bafashe ngo barusheho guhashya iki cyorezo.

Yagize ati “Twiteze kumva uko mu bindi bihugu bari kurwanya icyorezo cya Sida, aho imibare igeze, aho ubushakashatsi bugeze ariko no kubasangiza natwe aho tugeze mu gukumira iki icyorezo n’ibindi bigishamikiyeho kuko icyorezo cya Sida kigira izindi ndwara zigishamikiyeho.”

Yongeyeho ko bishimishije kuba u Rwanda rwaragiriwe icyizere cyo kwakira iyi nama izitabirwa n’abagera ku 10 000.

U Rwanda rugiye kwakira iyi nama ruhagaze neza mu kurwanya Sid adore ko igenzura ryakozwe ku rwego rw’ubuzima bw’abaturage mu Rwanda DHS (2014-2015) ryerekanye ko ubwandu bw’agakoko gatera Sida bwagumye ku kigero cya 3% mu gihe cy’imyaka isaga 10 ishize.

U Rwanda rwiteguye kwakira iyi nama ya ICASA izaba ibaye ku nshuro ya 20
Prof Idoko John avuga ko muri iyi nama hazasuzumwa ishyirwa mu bikorwa ry'imwe mu myanzuro yafashwe mu nama iheruka
Minisitiri w'ubuzima Dr Gashumba Diane avuga ko muri iyi nama u Rwanda ruzaboneraho gusangiza abandi aho bageze mu kurwanya Sida
Umuyobozi mukuru w'Ikigo gishinzwe kumenyekanisha Ubukerarugendo bushingiye ku Nama (RCB) Mukazayire Nelly ari mu bitabiriye ikiganiro n'itangazamakuru
Abategura iyi nama bavuga ko ifatirwamo ingamba zifasha guhashya icyorezo Sida

Amafoto: Munyarugerero Gift

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
muhrwA 2019-08-24 18:19:15

murakoze kubwinkuru zanyu nziza mutugezaho

2
muhirwa claude 2019-08-24 18:17:21

murakoze kubwamakuruyanyu meza mutugezaho

3
muhirwa claude 2019-08-24 18:17:16

murakoze kubwamakuruyanyu meza mutugezaho

Kwamamaza