U Rwanda rugiye gutanga kandidatire yo kujya mu Kanama k’Umuryango Mpuzamahanga w’Itumanaho

0 13-03-2018 - saa 11:18, Ndayishimye Jean Claude

Minisitiri w’Ikoranabuhanga n’Itunamanaho, Rurangirwa Jean de Dieu, yatangaje ko u Rwanda rwitegura kwiyamamariza kujya mu Kanama k’Umuryango Mpuzamahanga w’Itumanaho (International Telecommunication Union).

Icyemezo cyo gutanga kandidatire cyabwiwe Inteko rusange ya Sena, ku wa 12 Werurwe 2018, ubwo Minisitiri w’Ikoranabuhanga n’Itunamanaho yasobanuraga ishingiro ry’ Umushinga w’itegeko ryemerera kwemeza burundu Amategeko Shingiro n’Amasezerano by’Umuryango Nyafurika w’Itumanaho (ATU) byemerejwe i Cape Town muri Repubulika y’Afurika y’Epfo, ku wa 7 Ukuboza 1999.

Yagize ati “U Rwanda rufite gahunda yo kuba rwakwiyamamariza kuba ruhagarariye Afurika mu myanya 13 y’Umuryango Mpuzamahanga w’Itumanaho, iyo myanya ikaba izatorerwa mu nama yawo izaba mu mpera z’uyu mwaka.”

Yavuze ko u Rwanda rwari rumaze imyaka ine ruri muri ako kanama ariko ubu hakaba hagezweho gushyiraho Kandidatire z’umwaka utaha.

Muri Gicurasi 2014 uyu muryango wageneye igihembo Perezida Kagame n’abandi batandukanye ku bw’imbaraga bashyira mu iterambere ry’ikoranabuhanga ndetse no guteza imbere umurongo mugari w’itumanaho hagamijwe kugera ku iterambere rirambye.

U Rwanda ruri mu bihugu by’ibinyamuryango bya ITU guhera mu mwaka wa 2010.

Uretse kuba muri uyu muryango, u Rwanda ni n’umunyamuryango w’Umuryango nyafurika w’Ikoranabuhanga ATU guhera mu 1977.

Minisitiri w'Ikoranabuhanga n'Itumanaho, Rurangirwa Jean de Dieu
Kwamamaza
Kwamamaza

Izindi nkuru wasoma

19 3 20-08-2018
Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Nta gitekerezo kirajyaho. Ba uwa mbere!  

Kwamamaza