Sena yahamagaje ibigo 13 bigaragaraho imicungire ishyira Leta mu gihombo

11 10-10-2018 - saa 20:00, Evariste Nsengimana

Abayobozi b’ibigo bya Leta bihora bivugwaho amakosa n’imicungire mibi y’umutungo wa Leta, bikayishyira mu gihombo, bagiye guhamagazwa ngo bisobanure imbere y’Abasenateri bagize Komisiyo y’Iterambere ry’Ubukungu n’Imari.

Uyu mwanzuro wafashwe kuri uyu wa Gatatu ubwo iyo Komisiyo yagezaga ku Nteko rusange raporo ku isuzumwa rya raporo y’Umugenzuzi Mukuru w’Imari ya Leta y’umwaka wa 2016/17.

Perezida wa komisiyo, Senateri Muhongayire Jacqueline, yagaragarije Inteko Rusange ko hagaragayemo amakosa mu miyoborere no mu micungire y’imari n’umutungo bya Leta.

Arimo imirimo idindira, iyatawe na ba rwiyemezamirimo, imitungo idakoreshwa, imishinga n’ibikorwa bitagera ku ntego bigatuma abaturage batagerwaho na serivisi zategenyijwe.

Harimo kandi imishinga ikorwa ariko amafaranga yayitegenyirijwe ntakoreshwe yose, gusesagura umutungo wa Leta, impapuro za ngombwa mu icungamutungo zituzuye, gusohora amafaranga mu buryo butemewe cyangwa nta nyandiko ziyasobanura.

Aya makosa akenshi agaragara mu bigo bya Leta bikora ubucuruzi n’ibikomatanyije bigera kuri 13 aho bakomoje gishinzwe amazi, isuku n’isukura (Wasac).

Abasenateri bavuze ko bibabaje kubona abayobozi b’ibyo bigo, Umugenzuzi Mukuru w’Imari ya Leta abagira inama ariko bakavunira ibiti mu matwi.

Senateri Sindikubwabo Jean Nepomuscène yavuze ko ‘Kuba badashyira mu bikorwa inama bagirwa umunsi ku wundi, umwaka ku wundi bikiyongera, ntabwo twazigera tubona impinduka’.

Senateri Niyongana Galican yagize ati “nubwo Sena itari yahamagaza abayobora ibigo bikunda kugira amakosa, basanzwe bisobanura muri PAC, hagafatwa imyanzuro ariko ntiyubahirizwe. Ahari Sena dukwiye gufata izindi ngamba zirenze.”

Komisiyo yasobanuye ko nta mpamvu yagaragarijwe, ituma inama itanga zitubahirizwa, ariko ngo ‘hari bamwe babiterwa n’agasuzuguro.’

Umugenzuzi Mukuru w’Imari ya Leta yabwiye Abasenateri ko aribo bemeza abayobozi b’ibyo bigo, banakwiye gukurikirana imikorere yabo.

Nyuma y’ibiganiro, Perezida wa Sena, Bernard Makuza, yavuze ko Inteko Rusange yanzuye ko ‘Komisiyo isabwa guhamagaza no kugirana ibiganiro n’ubuyobozi bw’ibyo bigo bikunze kugaragaraho imicungire mibi hagamijwe gusesengura neza impamvu no kumvikana izafatwa kugira ngo iyo micungire mibi ihagarare.’

Ibyo bigo 13 bivugwaho kugira uruhare mu gukoresha nabi umutungo wa Leta, byiharira hejuru ya 6o% by’ingengo y’imari y’igihugu.

Abasenateri bavuze ko biteye agahinda kubona abayobozi b'ibigo bagirwa inama bakanga kuzubahiriza
Perezida wa Sena, Bernard Makuza, yavuze ko Komisiyo igomba gutumiza abayobozi b'ibyo bigo bakisobanura
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2  

1
Jado 2018-10-11 12:35:08

Ubwo se Wasac murakirirwa muyivuga koko?
Twe mu murenge wa Ruli muri Gakenke district twarumiwe!
Ubanza abantu bazageraho bakicwa n’umwanda ndetse n ’umwuma.
Ababishinzwe muzatubarize.

2
keza 2018-10-11 04:20:46

Akarere ka MUhanga nako muzagatumize kisobanure Ku mafaranga yingurane yagenewe abaturage batuye ahateganyijwe kunyuzwa imihanda MU mudugudu was gakombe na kavumu na nyagacyamu ahubwo bakaza kubabwira NGO bigomwe batange imihanda kubuntu!ubwo se wakwigomwa ukajya kwangara?amafaranga yagenewe uwo mushinga barayariye none barabwira abantu NGO bigomwe ibyo biradindiza iterambere RYA muhanga ejo nibongera kuba abanyuma MU kwesa imihigo NGO byatewe Niki?nibasabe leta ibongerere ayo kurya ayagenewe imishinga yo kuzamura akarere nimibereho yabaturage bayakoreshe ibyo agenewe

3
KUBWIMANA 2018-10-11 02:53:34

Ngaho nimunyumvire namwe nimurangiza mukore analyse :"Ibyo bigo 13 bivugwaho kugira uruhare mu gukoresha nabi umutungo wa Leta, byiharira hejuru ya 6o% by’ingengo y’imari y’igihugu" .Abo niba bagenda muri za V8 ;Abana babo biga muri USA, europe n’ahandi ,naho RRA yongera imisoro umunsi ku wundi .

4
madudu 2018-10-11 01:56:00

Hhhh! ngo WASAC mubigo bikomeza gukoresha umutungo w’igihugu nabi, Sano arihe ubu? ntimwamurekuye? ibyo yanyereje se byaragaruwe? SENA, mujye mureka inkinamico turarambiwe, nimuve mumagambo mugaragaze ukuri imitungo ijya mumifuka yabo basahuzi igaruzwe kd mumucyo ntawe muhohoteye plz!

5
madudu 2018-10-11 01:51:07

Ahaaaa,kubatumiza bakisobanura......basobanura ibiki se,n’iki mutazi? umuyobozi w’imali yababwiye ko arimwe mubahitamo mubagira abayobozi none ngo harimo nabo mugira inama bakabasuzugura kuki se mutabirukana nkuko mwabashyigikiye mubashyira muriyo myanya niba bangiza umutungo waba nya Rda. Aho byavugiwe koko? ninde se wartiwabiryozwa murabo bose bavugwa? nukuvuga ko amafuti yabo muyashyigikiye. Nimubareke rero bakomeze boreke u Rda mw’iterambere twese twifuzaga. Ariko muribeshya "SENA" Mzee wacu umunsi azabahagurukira muzumirwa, reka tube turetse ahuguke muzibonera. Ntabwo azajya yirirwa ahahira u Rda hirya no hino kw’isi hose hanyuma ngo utwo yazanye n’imisoro yacu mubishyire mubifu byanyu ngo mwumve ko bizakomeza bityo!

6
saud 2018-10-11 01:07:01

Ba nyakubahwa ba Senateurs ibyo muvuga nibyo mukora birumvikana kandi birasobanutse cyane ariko hari Urwego mugomba kurenga cyane cyane bijyanye no gufatira ibyemezo ibigo nkibyo bigaragaraho kugira imikorere mibi ihombya leta, gukosa cg imikorere mibi nibintu bibaho kandi bisanzwe ariko noneho biba ikibazo cg bigera ho kutihanganirwa igihe cyose ukora nabi cg ukora amakosa agirwa inama kenshi ndetse agafashwa no kwerekwa uko yakosora ariko NTAGIRE IGIHINDUKA AMAKOSA AGAKOMEZA AGAKORWA NDETSE AKABA MABI KURUSHAHO.

7
Muhwituzi 2018-10-10 23:19:28

Ibyo bigo 13 bivugwaho kugira uruhare mu gukoresha nabi umutungo wa Leta, byiharira hejuru ya 6o% by’ingengo y’imari y’igihugu.Yebabaweee!!!!Murumva uburyo abanyarwanda twashize!!!! Ayo yose ni imisoro ya wa muturage utabasha no kwiyishyurira mituelle cg se ni inguzanyo zizishyurwa n’abana bacu urubyaro rw’abayariye rwibereye USA ,Europe n’ahandi rufite za PhD ,inganda ,etc

8
munyandekwe 2018-10-10 23:08:56

Andika hano
ibyobigontabwo twabimenye

9
nkurujamari 2018-10-10 16:15:54

Ni byo koko sena yacu nikore akazi kayo neza.Abanyereza umutungo w’igihugu bawuryozwe.

10
Theogene 2018-10-10 15:44:03

Ibyo bigo bige bitangazwa bimenyekane bizatuma bibicikaho.

Paji: 1 | 2  

Kwamamaza