Rwamagana yongeye kuza ku isonga mu mihigo, Nyanza iherekeza utundi

23 9-08-2018 - saa 12:23, Philbert Girinema

Akarere ka Rwamagana kongeye kuza ku mwanya wa mbere mu mihigo y’umwaka wa 2017/2018 gakurikirwa na Gasabo na Rulindo; mu gihe Nyamagabe, Ruhango na Nyanza aritwo twaje mu myanya ya nyuma.

Uyu muhango wo gutangaza uburyo uturere twesheje imihigo wabereye mu Ngoro y’Inteko Ishinga Amategeko ku Kimihurura ahari hateraniye abayobozi b’inzego z’ibanze n’abandi bari mu nkuru za Leta.

Mu mwaka ushize, Akarere ka Rwamagana ni ko kari kaje ku isonga mu mihigo y’umwaka wa 2016/2017, gakurikirwa n’aka Musanze na Huye ; mu gihe muri dutatu twa nyuma hari Ruhango, Rulindo na Rubavu.

Minisitiri w’Intebe, Dr Edouard Ngirente, yavuze ko isuzuma ry’iyi mihigo ribanze ku kureba niba yaragize uruhare mu kwihutisha iterambere ry’igihugu ndetse ko gutanga amanota bitibanze ku bikorwa ahubwo ku ruhare rwabyo mu iterambere ry’igihugu no kureba ko yashyizwe mu bikorwa ku gihe.

Minisitiri w’Intebe yavuze ko inzego zashyize mu bikorwa imihigo zihuriye ku kuba buri wese yumva uruhare rwe, gusobanukirwa neza ibigomba gukorwa no gukurikiranira hafi uko bikorwa.

Minisitiri w’Ubutegetsi bw’Igihugu, Francis Kaboneka, yavuze ko umwaka w’imihigo usojwe, waranzwe n’ibiza byibasiye uturere dutandukanye tw’igihugu bigira ingaruka ku musaruro wari uteganyijwe.

Mu bikorwa by’ingenzi byagezweho mu mwaka wa 2017/2018, yavuze ko urwego rw’ubukungu mu buhinzi hashyizwe imbaraga mu kongera umusaruro mu bihingwa byatoranyijwe.

Mu guteza imbere ubworozi hibanzwe mu gutera intanga inka, mu kurengera ibidukikije haterwa ibiti bisanzwe n’ibivangwa n’imyaka.

Yavuze kandi ko miliyari 53 na miliyoni 96 niyo mafaranga yinjijwe n’uturere mu misoro aho yavuze ko ari umuhigo weshejwe ku kigero cya 100. Naho muri gahunda ya girinka, imiryango 30 616 ikaba yarashyikirijwe inka.

Umwaka utaha, yavuze ko imisoro yinjizwa n’uturere izagera kuri miliyari zirenga 60 Frw, hubakwe ibilometero bigera kuri 135 by’imihanda muri Kigali.

Ibijyanye n’isuku no kutagira aho abantu batura bijyanye n’igihe ni ikindi bizitabwaho mu mihigo y’umwaka utaha, naho mu burezi hubakwe ibyumba by’amashuri ibihumbi 618, ariko abana bose bafashwa kugana ishuri.

Uko uturere twakurikiranye n’amanota y’icumi twa mbere

1. Rwamagana: 84.5%
2. Gasabo: 82.5%
3. Rulindo: 82.5%
4. Gakenke: 80.4%
5. Kicukiro: 77.5%
6. Gicumbi: 76.3%
7. Kayonza: 74.9%
8. Gatsibo:73.5%
9. Rubavu: 72.8%
10. Rutsiro: 72.4%
11. Bugesera
12. Ngororero
13. Kirehe
14. Nyagatare
15. Musanze
16. Muhanga
17. Nyamasheke
18. Nyabihu
19. Huye
20. Nyarugenge
21. Karongi
22. Ngoma
23. Rusizi
24. Nyaruguru
25. Gisagara
26. Kamonyi
27. Burera
28. Nyamagabe
29. Ruhango
30. Nyanza

Ubwo mu 2000 hatangizwaga gahunda yo kwegereza abaturage ubuyobozi n’ubushobozi bityo buri rwego rw’imitegekere y’igihugu rugahabwa inshingano akenshi rwabaga rudasanganwe byabaye ngombwa ko hashyirwaho uburyo bushya bwo gukora ikurikiranabikorwa n’isuzumabikorwa.

Iyo gahunda yatumye inzego z’ibanze zihabwa inshingano yo gushyira mu bikorwa gahunda z’iterambere maze biba ngombwa ko ubuyobozi n’Abanyarwanda bashyiraho uburyo abayobozi batandukanye bagomba gusobanurira abaturage uko buzuza inshingano zabo. Ni muri urwo rwego mu mwaka wa 2006 hatangijwe Imihigo.

Kuva Imihigo yashyirwaho yatumye abayobozi barushaho gusobanurira abaturage uburyo bubahiriza inshingano zabo kandi inafasha mu kwihutisha ibikorwa na gahunda by’iterambere bigenewe abaturage. Umuco w’Imihigo wakwirakijwe muri za Minisiteri, muri za Ambasade no mu bakozi ba Leta.

Uko uturere twari kurikiranye mu kwesa imihigo y’umwaka ushize wa 2016/17

1. Rwamagana: 82.2%
2. Musanze: 81.28%
3. Huye: 80.55%
4. Gakenke: 80.12%
5. Nyarugenge:73.71%
6. Gatsibo: 79.55%
7. Kirehe: 79.39%
8. Burera: 79.33%
9. Gasabo: 79.19%
10. Gicumbi: 79.19%
11. Nyamasheke: 79.1%
12. Rutsiro: 78.74%
13. Karongi:78.62%
14. Rusizi: 78.60%
15. Nyaruguru: 78.40%
16. Muhanga: 78.40%
17. Ngororero: 78.33%
18. Nyagatare: 77.85%
19. Kamonyi: 77.51%
20. Ngoma : 77.50%
21. Nyanza: 77.15%
22. Bugesera: 76.95%
23. Kayonza: 76.86%
24. Nyabihu: 76.15%
25. Kicukiro: 76.02%
26. Gisagara: 75.66%
27. Nyamagabe: 75.55%
28. Ruhango: 75.27%
29. Rulindo: 75.19%
30. Rubavu : 72.76%

Perezida Kagame ubwo yageraga mu Ngoro y'Inteko Ishinga Amategeko
Perezida Kagame yitegereza ibyavuye mu isuzuma ry'imihigo
Perezida Kagame aganira na Minisitiri w'Intebe, Dr Edouard Ngirente
Abadepite basoje manda yabo, bafashe ifoto y'urwibutso na Perezida Kagame
Umukuru w'Igihugu yashimye abadepite uburyo bashyize mu bikorwa inshingano zabo
Perezida Kagame ari kumwe na Minisitiri w'Ubutegetsi, Francis Kaboneka (ibumoso), Umuyobozi w'Akarere ka Rulindo, Kayiranga Emmanuel (uwa kabiri uhereye ibumoso), Umuyobozi w'Akarere ka Rwamagana, Mbonyumuvunyi Radjab (uwa gatatu uhereye ibumoso), Umuyobozi w’Akarere ka Gasabo, Stephen Rwamurangwa (uwa kabiri uturutse iburyo) n'Umuyobozi w'Akarere ka Gakenke, Nzamwita Deogratias (ubanza iburyo)
Umuyobozi w'Akarere ka Rwamagana, Mbonyumuvunyi Radjab (hagati) mu ifoto y'urwibutso hamwe na Perezida Kagame na Minisitiri w'Ubutegetsi bw'Igihugu, Francis Kaboneka
Umuyobozi w'Akarere ka Rwamagana, Mbonyumuvunyi Radjab (hagati) mu ifoto y'urwibutso hamwe na Perezida Kagame na Minisitiri w'Ubutegetsi bw'Igihugu, Francis Kaboneka
Umuyobozi w'Akarere ka Gakenke, Nzamwita Deogratias, afite igihembo cyahawe akarere ke ka kabaye aka Kane
Umuyobozi w’Akarere ka Gasabo, Stephen Rwamurangwa, afite igihembo cyahawe akarere ke ka Kabiri
Umuyobozi w'Akarere ka Rwamagana, Mbonyumuvunyi Radjab, afite igihembo cyahawe akarere ke kongeye kuba aka mbere
Umuyobozi w'Akarere ka Rulindo, Kayiranga Emmanuel, afite igihembo cyahawe akarere ayobora ku bwo kwegukana umwanya wa gatatu
Abadepite baririmba Indirimbo y'Igihugu mbere y'umuhango wo gusesa Umutwe w'Abadepite

Amafoto: Village Urugwiro

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2 | 3  

1
busy mm 2018-08-10 12:31:00

Ariko nyanza urantangaza ,uzagaragara ryari koko ?nukuvugwa gusa ko dufite urugo rwumwami gusa.yewe. aha abaturage bi nyanza inzara iravugiriza kubera inkeke zabayobozi no hutekinika amashuli make nibindi,namatiku naza munyangire ,Niko mwakoze ibyo mwasabye leta kuyikorera mukareka kwigagaza muri caravatte zidashinga ahha,ubanza nubashyiraho nawe aba yabeshywe imyirondoro yanyu,nugufata umweyo akarere kose bakirukana nukoropa akagenda
.

2
[email protected] 2018-08-10 11:07:52

Salim ntago nyarugenge yishwe na *Kayisime * yazambijwe na *Fed vedaste, Coporate division nabandi*!
Aho usanga abakozi bakora nkaho babaye inyeshyamba kuburyo hari nabitwa HADUYI!

Mbese uzarebe uzasanga hari agatsiko gashaka kurwanya mayor!
Reba nawe nigute mukwezi kumwe hamaze kwegura abakozi benshi noneho kuburyo Imirenge yose *Kanyinya, nyamirambo, kimisagara, nyakabanda, rwemezamo ntamukozi numwe bafite ushinzwe ubutaka n’ibikorwaremezo!!

Nsanga akarere kazagera aho kaba aka 31!

Naho *NYABIHU yo nugusenga cyane!!!!

3
Albert 2018-08-10 10:48:26

Salim rwose jyewe ndebye mbona Kayisimu ntakibazo afite pe! Ahubwo uriya mugabo umwungirij witwa *VEDASTE* ngo ni FED niwe wishe akarere rwose ndabarahiye!gusa bizakemuka nibaramuka bacishe umweyo muri Nyarugenge kuko kuva kuri FED kugeza kuri ba directors nibo bamubangamira!! Kayisime numubyeyi!!!!

4
Alexis 2018-08-10 03:13:51

Nyarugenge ubwashize yari ifite 79.71%. Mukosore.
Kandi byaba byiza bagiye babara ibice birenze kimwe inyuma y’akitso. Wasanga nta karere kanganya n’akandi amanota neza.

5
Kadafi Salim 2018-08-10 02:12:24

Ariko hari aho mbona bibeshye rwose. Nyarugenge ni yo yakagombye kuba iya 30. Bakora iki se uretse guhora mu matiku, ubwirasi no kwirukana abakozi babarenganya. Mayor Kayisime Nzaramba Akarere karamunaniye. Icyo azi ni ukurebana iseseme abaturage. Uzagire amahirwe ntuzagire impamvu ikwinjiza mu biro bye cg ngo mugire ahandi muhurira. Ubu agiye gushaka abakozi abigerekaho abirukane. Ba gitifu b’utugari n’imirenge baragatoye ahubwo! Umwaka ushize yabaye uwa 5 gatanu afata abakozi na njyanama yose bajya muri hotel bajya kurya imisoro y’abaturage ngo barishimira ko babaye aba 5 bahera muri urwo none ndebera. Ibi na byo bikwiye gucika. Kwirirwa avuga ko akarere kahoranye abayobozi babi ko we yaje guhindura amateka, ngo: "Jyewe sindi nka ba bayobozi mwahoranye babamenyereje imyanya ya nyuma... !" Hahahahhh! Genda KAYISIME uratangaje. Icyakora ndizera ko abareba bamaze kukubona ko uri feblesse mu miyoborere. IPAR yarakubereye umwanya wa 20 ntabwo uwukwiriye rwose. Wakagombye kuba uri mu majyepfo nawe!

6
rajesh 2018-08-09 23:56:59

Amatiku ya Jeraridina na Muzungu mu karere ka Kirehe nayo akwiye guhagurukirwa. Minisitiri Kaboneka na Guverineri Mufurukye mutabare abaturage n’abakozi. Jeraridina yazengereje abarimu n’abagana azi kuvuga gusa nta kindi azi no koza amenyo cg gukura imyanda mu nzara byaramunaniye. Abanyakirehe bari mu rujijo baterwa n’inshingano nshya zo kujujubya abaturage Meya Muzungu jerari yahawe aho yirirwa ahiga abacuruzi, abakozi kuva ku karere kugera ku kagari. Nuriya mwanya nti twari tuwukwiye ukurikije uko duhangayitse muri Kirehe nuko dusanzwe turi abakozi. Duheruka umwanya mwiza n’ituze mbere ya Muzungu.

7
adeper munyarenzi 2018-08-09 16:25:34

ndashima akarere ka ngororero kangize umwanya mwiza

8
norbert 2018-08-09 13:03:12

RWAMAGANA courage kbs kandi mukenyere mukomeze imihigo irakomeje?

9
gatari 2018-08-09 10:58:50

reka duhe umwabya abayobozi bashya bomu Ruhango dufatanye nabo turebe ko twazaza mumyanya 5yambere.kdi ikizere kirahari.

10
Alias 2018-08-09 10:50:01

Congratulations ku turere twazamutse, ariko nanone hari utwo mbona tugenza ibitsi! Ubu se nka Ngoma iwacu mbonye! Ahaaa! Birababaje! Ubutaha umenya ari uguherekeza abandi inzego z’ubuyobozi nizidakora icyo zashyiriweho.

Paji: 1 | 2 | 3  

Kwamamaza