Rusizi: Intwarane za Yezu na Mariya zajyanywe mu kigo ngororamuco

22 23-04-2016 - saa 15:09, Ferdinand Maniraguha

Abantu 38 bari mu itsinda ry’Intwarane za Yezu na Mariya mu Kagali ka Gahinga mu Murenge wa Mururu, ho mu Karere ka Rusizi bajyanywe mu kigo ngororamuco kugirwa inama nyuma yo kwihanangirizwa zikanga kubyumva.

Izo ntwarane zaraye zijyanywe mu kigo gisanzwe cyakira inzererezi giherereye mu Murenge wa Gashonga, nyuma yo kugirwa inama n’ubuyobozi bw’inzego z’ibanze zo guhindura uburyo basengamo bwashoboraga guteza umutekano muke ntibabikore nk’uko byatangajwe n’Ubuyobozi bw’Umurenge wa Mururu.

Umunyamabanga Nshingingwabikorwa w’agateganyo w’Umurenge wa Mururu Habyarimana Déogratias yatangarije IGIHE ko hashize amezi agera kuri atatu abo bantu bahagaritswe na Kiliziya diyoseze ya Cyangugu, kubera ko imyemererere yabo inyuranye n’amahame kiliziya igenderaho, aho ngo bo bavuga ko basengera abarwayi bagakira ariko bakabikora nijoro gusa.

Habyarimana avuga ko n’ubuyobozi bwagerageje kubagira inama ngo bahindure uburyo basengamo ariko banga kubyumva. Avuga ko igiteye impungenge cyane ari uko basengera mu ngo no mu bihuru mu masaha y’ijoro, bikaba byateza umutekano muke. Ngo hari nubwo abashinzwe umutekano bigeze kubikanga bari gusengera mu bihuru nijoro.

Habyarimana avuga kandi ko ibi bikorwa by’Intwarane byanatangiye guteza amakimbirane mu miryango ziturukamo.

Ati “Ubungubu bari kuza kwaka gatanya ku Murenge bitewe nibyo tsinda, abagabo nibo bari kuza kubera abagore baragenda ntibarare mu rugo bakarara muri ibyo bya nijoro. Nk’ubu ngubu hari ibirego bitanu by’abagabo batari kwihanganira ibyo bintu.”

Habyarimana yavuze ko abo bafashwe i saa yine z’ijoro barimo basengera mu rugo rw’umuturage bakaba bazagirwa inama, bakongera bakagarurwa mu miryango yabo.

Umuvugizi wa polisi mu Ntara y’Uburengerazuba IP Jean Damascene Hodari Ngemanyi mu kiganiro yagiranye na IGIHE yavuze ko atari yakamenya iby’ayo makuru.

Musenyeri wa Diyosezi ya Butare akaba n’umuvugizi wa Kiliziya Gatolika mu Rwanda Phillipe Rukamba, yatangarije ko abo bantu bahagaritswe muri kiliziya kandi ko ibyo bakora binyuranye n’amahame yayo.

Yagize ati “Intwarane turazizi ariko kugeza ubu zarahagaritswe, niba ari n’ubuhanuzi bakora ntabwo bikurikiza amahame, hari inzira binyuramo kuko na Yezu iyo yagiraga ibyo akorera abantu yarababwiraga ngo mugende mubyereke umusaseridoti.”

Muri Mata 2015 abantu umunani bari mu itsinda ry’Intwarane za Yezu na Mariya mu Mujyi wa Kigali bagizwe abere, nyuma yo gufatwa bakekwaho gukora imyigaragambyo itemewe hafi y’urugo rw’Umukuru w’igihugu, ngo banavuga ko mu Rwanda hari ubutegetsi bw’igitugu.

Icyo gihe nabwo Kiliziya gatolika yari yaratangaje ko iryo tsinda ritazwi kandi ibyo rikora bidahuye n’ibyo yemera.

Ubwo Intwarane zari zijyanywe ku kigo Ngororamuco cya Gashonga
Abafashwe bakajyanwa mu kigo ngororamuco bagera kuri 38

[email protected]

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2  

1
jamari 2016-04-24 20:34:03

abanunkabobigenga.bakangakumva.amategekobagombaguhanwabyinangarugero?

2
bwenge 2016-04-24 15:31:28

Iyi Nterahamwe se ivuga ibihunyira kandi yo ari umutereri ni ibiki koko? Pfa urwo upfuye wa nyamaswa we!

3
[email protected] 2016-04-24 10:40:39

intwarane Mwihangane, ni Uko Bagenjereje Abahanuzi Bababanjirije.

4
Mike 2016-04-24 06:51:48

Ndahamya ko bazavayo basobanukiwe ko ibyo bakoraga atari byiza. Iyo biba mu bindi bihugu baba bafunzwe, ariko Leta yacu iragoragoza kugira ngo irebe ko umuntu yagaruka mu murongo muzima.

5
Gahongayire 2016-04-24 05:18:04

Ikibazo cyo gusengera abarwayi ntimwagombye kukibaza intwarane,ahubwo mwakibaza abajyanayo abarwayi!

6
Libonukuri 2016-04-24 04:59:35

Musenyeri Rukamba yongeye kwerekana aho ubwenge bwe bugarukira kweli. Ngo iyo Yezu yakoraga igitangaza blabla...ibintu byabaye rimwe risa, abigize iteka! Mwakwemeye ko igihugu kiyobowe n’ibihunyira n’abo basenyeri barimo? Puuuu!

7
Gahongayire 2016-04-24 04:27:43

Ikibazo cyo gusengera abarwayi ntimwagombye kukibaza intwarane,ahubwo mwakibaza abajyanayo abarwayi!

8
john 2016-04-24 03:22:12

Imana yumva umuntu wese usenga Mandi akabikora mu masaha yamanywa yaba anahisemo gusenga nijoro akabikorera iwe ataraje abandi rwankamba.

Ibintu byo kwitwikira ijoro mugashora abaturage mubibi ntawabyihanganira, hari abagore bagiye baterwa amada nabiyita abapasteur cg abavugabutumwa, hari abakobwa bahohotewe....

Mujye mujya ahabona niba ntabyo mwikeka, ninde wababeshye ko Imana ikunda umwijima.

9
john 2016-04-24 03:20:14

Imana yumva umuntu wese usenga Mandi akabikora mu masaha yamanywa yaba anahisemo gusenga nijoro akabikorera iwe ataraje abandi rwankamba.

Ibintu byo kwitwikira ijoro mugashora abaturage mubibi ntawabyihanganira, hari abagore bagiye baterwa amada nabiyita abapasteur cg abavugabutumwa, hari abakobwa bahohotewe....

Mujye mujya ahabona niba ntabyo mwikeka, ninde wababeshye ko Imana ikunda umwijima.

10
2016-04-24 02:44:36

Erega abanyarwanda b’iki gihe baracanganyikiwe. Hasigaye kwiturikirizaho ibisasu

Paji: 1 | 2  

Kwamamaza