Rubavu: Minisitiri w’Ubuzima yafunguye inyubako nshya y’ababyeyi ifite ibikoresho bigezweho

7 15-05-2018 - saa 10:52, Mukwaya olivier

Minisitiri w’Ubuzima, Dr Diane Gashumba, yafunguye ku mugaragaro inzu nshya y’ababyeyi n’impinja mu Bitaro bya Gisenyi, yuzuye mu Ugushyingo 2017 itwaye amafaranga y’u Rwanda agera kuri miliyari.

Minisitiri yavuze ko leta yiyemeje kwegereza amavuriro abaturage hagamijwe kubarinda gukora ingendo ndende, akaba yizeye ko iyi nyubako izagabanya imfu z’ababyeyi n’abana.

Yagize ati ‘’Iyi ni inyubako nziza nshyashya irimo ibikoresho bishya, twishimiye ibikoresho biri mu ibyariro rishyashya n’ahajya utwana tw’impinja dufite ibibazo ku buryo twizera ko abaganga nibashyiraho umwete serivise zitangwa zigatangwa neza, abarwayi bakakirwa neza, iyi nyubako n’ibikoresho bizagabanya imfu z’abana n’ababyeyi.’’

Iyi nyubako ifite ibitanda bigera ku 100, ikabagira ahari ibikoresho byabugenewe mu kwita ku bana bavuka batagejeje igihe.

Ababyeyi babyariye muri iyi nyubako nshya bemeza ko bahaboneye serivise nziza.

Uwamahoro Gisele ubyariye ku Bitaro bya Gisenyi ubugira kabiri abazwe, yagize ati "Nkurikije aho twabyariye ubushize mu nyubako ya kera n’iy’ubu harimo itandukaniro kuko hano hakozwe neza kandi harimo ibikoresho bigezweho n’ibitanda byiza.’’

Umuyobozi w’ibi bitaro, Lt Col Dr Kanyankore William, yishimiye ko nta Kibazo kizongera kubaho cy’ababyeyi babyiganira mu cyumba.

Yagize ati ‘’Ubusanzwe twakira ababyeyi batarenze 20 ku munsi kandi ababyaye neza barara batashye mu gihe ababazwe bahamara iminsi itanu kandi iyi nyuibako y’ababyeyi ifite ubushobozi bwo kwakira abantu ijana, bivuze ko nta kibazo kizongera kugaragara cy’umwanya muto.’’

Muri ibi bitaro ababyeyi bajyaga binubira ubuke bw’ibitanda kuko hari n’ubwo baryamaga hasi.

Minisitiri w’Ubuzima, Dr Diane Gashumba, yafunguye ku mugaragaro inzu nshya y’ababyeyi n’impinja mu Bitaro bya Gisenyi
Inyubako nshya y’ababyeyi n'abana ifite ubushobozi bwo kwakira neza abarenga ijana ku munsi
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Bimawuwa 2018-05-16 04:00:50

Ariko uziko nta bitaro bya bana bonyine biri mu gihugu,ubundi hariya kuri CHK hakagombye kugirwa ibitaro bya bana gusa,bifite impuguke mu ndwara za bana gusa..

2
Muganga 2018-05-16 03:12:04

ibitaro bya MUHORORO nabyo byubakwe vuba kuko aho bakirira ababyeyi n’abana harashaje nihato ntabwo hajyanye n’igihe rwose usanga ababyeyi baryamye babiri babiri .

3
b 2018-05-16 00:49:46

serivise rwose ishobora kuba ari nziza ariko nanone nihaza abarwayi benshi cyane kurusha abaganga bahari bahakorera kubera ubwinshi bw’abantu babagana nabwo service izaba mbi.muge mureba ubwinshi bw’abarwayi bagana ibitaro ,mwongere abakozi,,kugira ngo service twifuza irusheho kunozwa neza.

4
Uwineza Jocelyne 2018-05-15 14:50:34

Ubuyobozi bw’ibitaro bya Gisenyi bumaze gushyira ku murongo ibibazo bimwe na bimwe byabangamiraga imitangire myiza ya services z’ubuzima.
Gusa hongerwe imbaraga mu guhwitura abaganga bite ku barwayi uko bikwiye.Nubwo bigaragara ko umubare w’abaganga ari muke ugereranyije n’abarwayi bagana ibi bitaro.Ariko basi abahari nibakore uko bikwiye.

5
Theogene d 2018-05-15 07:56:59

turashimira ubuyobozi bw’igihugu cyacu uburyo bwita k’umubyeyi n’umwana. Imana ikomeze kubagura muri byose bifitiye igihugu akamaro.

6
king 2018-05-15 07:56:45

heee ibi bitaro byigeze kuvugwamo ikibazo cyingenga bitekerezo kutita kubarwayi kubera uko imana yabaremye byaravuzwe cyane ariko hashize nkumwaka.

7
king 2018-05-15 05:39:21

harimo abaganga bafite imikorere idahwitse hakavugwamo nokurangara kubarwayi ndetse nibindi ntavuze mukurikire

Kwamamaza