Rubavu: Abanyeshuri umunani bahagaritswe ku masomo kubera kwironda n’amacakubiri

14 11-07-2018 - saa 10:31, Mukwaya olivier

Abanyeshuri umunani bo mu ishuri rya Kanembwe II riherereye mu Kagari ka Gikombe, Umurenge wa Rubavu, kuva ku wa Gatatu w’icyumweru gishize bahagaritswe ku masomo yabo icyumweru kimwe kubera kwironda banga kwicarana ndetse no gusangira na bagenzi babo.

Ku ikubitiro hahagaritswe abanyeshuri batandatu barimo umuhungu umwe, nyuma hiyongeraho abandi bakobwa babiri bitewe n’ubutumwa bohererezanyije kuri Facebook bashinjanya kuroga mugenzi wabo wapfuye bigakekwa ko yarozwe.

Uwajeneza Aline umwe mu banyeshuri bahagaritswe avuga ko byose byaje nyuma y’urupfu rwa mugenzi wabo wapfuye bakavuga ko abaturutse mu gihugu cya Congo aribo bamwishe.

Yagize ati “Icyavugwaga mu banyeshuri ni umukobwa wapfuye nuko abatuye hepfo ahitwa Haiti [abimuwe mu manegeka ku musozi wa Rubavu], bakavuga ko abatuye ruguru mu Mbaho [abavuye muri Congo], ari bo bamwishe bakavuga ko ariko yasize avuze”.

Uwajeneza Esperance umwe mu bahagaritswe kubera ubutumwa bwa Facebook, avuga ko abandi banyeshuri bahagaritswe babashinjaga ko bavuze ngo ntabwo bakwicarana n’Abahutu, akavuga ko we atazi icyo yazize.

Ati “Njye simbizi kuko nabonye nisanga ku rutonde kandi ntawe unshinja. Abandi bo babashinjaga ngo baravuze ngo ntabwo bakwicarana n’abahutu ariko njye ntacyo banshinje, ubu maze icyumweru ntiga Gitifu yaravuze ngo tuzitabe ku murenge”.

Ubuyobozi bw’ishuri bwabwiye IGIHE ko aba banyeshuri bahagaritswe nyuma yo kwitabaza ubuyobozi bw’Umurenge kuko byari bigeze aho abana banga kwicarana no gusangira.

Umuyobozi Ushinzwe amasomo ku ishuri rya Kanembwe II, Uwayezu André, yagize ati “Twashyize abana mu matsinda (Group work), abana bamwe ukabona baragenda bakijyana mu yandi wababaza bakavuga ko bashaka kwegerana na bagenzi babo. Ejobundi bwo abanyeshuri baturuka ahitwa mu Mbaho banze kurya bituma twiyambaza ubuyobozi bw’Umurenge”.

Umunyamabanga Nshingwabikorwa w’Umurenge wa Cyanzarwe ukomokamo abana bahagaritswe, Nsabimana Mvano Etienne, yasobanuye ko abana bamwe bagaragaje imyitwarire itari myiza bakanga kwicarana na bagenzi babo ndetse bagashyamirana.

Yavuze ko ubuyobozi bw’Umurenge bwanenze ubw’ikigo kuba butarabakebuye, hanyuma bugafata icyemezo cyo guhagarika abo bana kugira ngo umwuka wongere kuba mwiza mu ishuri.

Yagize ati “Twafashe icyemezo cyo guhana abo bana tubanyuzaho akanyafu tubaha icyumweru kimwe bari mu rugo kugira ngo umwuka mwiza wongere ugaruke mu kigo nyuma yo kuganira n’ababyeyi bakazasubira mu ishuri. Ntabwo ari ukubahutaza ni ukurerera igihugu”.

Colonel Muhizi ukuriye brigade ya 201 ikorera mu turere twa Rubavu na Nyabihu, avuga kuri iki kibazo, ko bagiye kugira inama aba banyeshuri batazubahiriza bagakurwa mu banyarwanda beza.

Yagize ati “Ntabwo umudugudu wacikamo kabiri ngo abangaba bo mu Mbaho ngo ntibavugana n’aba-Haiti. Tuzagenda tubaganirize tubagire inama nibanga tuzabakura mu banyarwanda beza bashake ahandi bajya kuko nta Munyarwanda ugifite ingengabiterezo iteye ityo”.

Ababyeyi b’abana bahagaritswe bavuga ko ibyo kwironda n’amacakubiri abana babo bakoze batabizi kandi ko batigeze babimenyeshwa. Umubyeyi wa Uwajeneza Esperance, yanenze kuba ubuyobozi bwarafashe umwanzuro wo guhagarika abana babo butababwiye.

Iri shuri riri hagati y’Imirenge ya Cyanzarwe na Rubavu, aho abanyeshuri bahiga bagiye baturuka mu bice bitandukanye bakaza kuhatuzwa mu midugudu.

Ishuri rya Kanembwe II ryigaho aba banyeshuri
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2  

1
Semahane Simon 2018-07-12 09:43:30

Najyaga nibaza impamvu Rubavu iza inyuma no mu bipimo by’ubwiyunge naho ni ibi. Inzego nyinshi zaramunzwe! Koko ikibazo gifite ubukana nka kiriya kikajenjekerwa bene aka kageni!!! Urugendo ruracyari rurerure!

2
Ni akaga 2018-07-11 11:17:43

Ibi bintu nibyo byuzuye mu mashuri, udutsiko, incyuro, kwironda ,ahubwo fidel nahaguruke naho ubindi ibintu byafashe indi sura kndi si ibyo kujenjeka. Ngaho abitana interahamwe, inyenzi, imiserebanya, ....
Ikintu abantu bakomeza kwibagirwa nuko hejuru ya 97 % by anyarwanda ari byimanyi, bafite ubwoko buvanze. Nyabuneka amacakubiri ni igihombo kugihugu doreko ari nabyo bidindije Africa

3
Gatare 2018-07-11 10:59:24

Fora abahagaritswe abaribo.

4
cri 2018-07-11 10:28:30

ubwo c niba hajemo ingengabitekerezo y’amoko,umurenge niwo ukwiye kubikurikirana cg ni RIB haraho bitaniye nibya wamu visi mayor wafashwe na RIB kuko ashinjwa kutakira urumuri mugihe cyokwibuka genocide.

5
Fore 2018-07-11 09:39:55

MINEDUC nitabare hakiri kare, nta kujenjeka. Abafite ingengas babajyane mu ngando, ku mugaragaro kandi babavane ku ishuri.

6
Mupende 2018-07-11 08:56:32

Huum ! MWa bana mwe se shahu abahutu muzabahungira he muri uru Rwanda ?! Ndemeza ntashidikanya ko icyo kigo nta bibuga n’imipira ya foot cg volley gifite. Solution iri extreme kandi yavamo isomo rikmeye ni uko iki kigo mwagifunga, abahigaga bose bagahagarara bagashaka ahandi bajya kwiga cg ibindi bajyamo, hanyuma aho hagashyirwa umushinga wo korora ingurube, cyane cyane ko Congo hari isoko ryazo.

7
Kamina 2018-07-11 07:12:11

Nuko bitangira nimugarurire hafi urwo rubyiruko Iyo ngengabitekerezo ihagarare mu maguru mashya.

8
Semana 2018-07-11 06:12:52

Babyamaganire kure kuko wasanga bibyaye urugomp

9
Bobo 2018-07-11 05:57:27

BIRABABAJE!UBWO SE ABAFITE INGENGABITEKEREZO NI ABATUTSI CG NI ABAHUTU?CG NI BOSE?

10
Ngabo 2018-07-11 05:10:49

Ariko ndumiwe!ubwo iyo aba aruwavuz ngo sinakicarana numuntutsi umubyeyi we aba yageze kuri police bamubaz ibyo umwana we Aho yabikuye,ntaho igihugu kiva ntanaho kijya mugihe abantu batarumv ko bagomba kungana!ibi birababaje pe....

Paji: 1 | 2  

Kwamamaza