IGIHE

RIB yataye muri yombi umwe mu bakekwaho kwica Mutuyimana Anselme

7 12-03-2019 - saa 16:31, HABIMANA James

Urwego rw’Igihugu rushinzwe ubugenzacyaha (RIB), rwatangaje ko rwamaze guta muri yombi umwe mu bakekwaho kwica Mutuyimana Anselme w’imyaka 30 uvuka mu Karere ka Rutsiro, Umurenge wa Nyabirasi.

Ku wa Gatandatu tariki 9 Werurwe 2019 nibwo umurambo wa Mutuyimana wabonetse hafi y’ishyamba rya Gishwati, nyuma y’amezi atatu atagera iwabo.

Kuva icyo gihe Urwego rw’Igihugu rushinzwe Ubugenzacyaha (RIB) rwatangiye gukora iperereza kugira ngo hamenyekane imvano y’uru rupfu.

Umuvugizi wa RIB, Mbabazi Modeste, yabwiye IGIHE ati "Nyuma y’urupfu rwa Mutuyimana Ubugenzacyaha bwahise butangira iperereza, kugeza ubu umuntu umwe mu bakekwaho kumwica yamaze gutabwa muri yombi kandi iperereza rirakomeje kugira ngo hamenyekane ukuri ku rupfu rwe."

Umurambo wa Mutuyimana wabonetse nta gikomere ufite, ushyikirizwa Laboratwari y’u Rwanda y’ibimenyetso bishingiye ku bumenyi n’ubuhanga bikoreshwa mu Butabera (RFL) kugira ngo ukorerwe isuzumwa.

Mutuyimana yavukiye mu Murenge wa Nyabirasi mu Kagali ka Cyivugiza mu Karere ka Rutsiro.

Mukuru we witwa Tubanambazi Augustin uyobora Umudugudu wa Mukungu mu kagali ka Cyivugiza, yavuze ko "Hari hashize amezi agera kuri atatu atagera iwabo, ariko ku itariki ya 08 Werurwe 2019 yari yamubwiye ko yari buze kubasura."

RIB yatangaje kandi ko iperereza rigikomeje kugira ngo uwaba yaragize uruhare mu rupfu rwa Mutuyimana wese afatwe akurikiranwe n’amategeko. Isaba umuntu wese wamenya amakuru kuri uru rupfu ko yakwegera Ubugenzacyaha bumwegereye akayatanga kugira ngo afashe mu iperereza.

Umurambo wa Mutuyimana Anselme wabonywe hafi y'Ishyamba rya Gishwati, iperereza rikomeje hashakishwa abagize uruhare mu rupfu rwe
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
UMUKURU 2019-03-15 04:12:25

Cyakora kuko abamufashe bari benshi harimo n’abashinzwe umutekano .RIB nibagaragaza bagahabwa ibihano bibakwiriye .u Rwanda nzavuga ko ari Intangarugero noneho ,Gusa wa Mudamu witwa Illiminée bshimuse bite ,Rwisereka waciwe umutwe wa mupadiri wo muri Rusizi bishe bagasiga na Telephone mu modoka ye! Bakamutwika mu maso ariko bagasiga imodoka ifunze ntashye wese kdi uwari umuhamagaye arazwi.Rwose Nyakubahwa Kagame tubabarire ushyire igitsure ku bantu bica abandi ako kageni kandi bakora mu nzego zi Perereza,TURAGUSHIMIYE

2
Rwasa 2019-03-14 05:43:23

Rucamumpaka we, kubonera amahoro n’umutuzo mu guca abantu imitwe ntibishoboka! Ubikora kenshi bikagusama, kuko n’abakoze genocide ngo nibyo bashakaga! Ariko ubundi uwifuriza inabi igihugu umumenya ute ko ari amarangamutima wuzuye? Ubwo se uwitaga inkotanyi inyangarwanda yari mu kuri? Kdi ubu nawe yitwa umwanzi w’igihugu! Guteza imbere ubusumbane no kwimika ruswa se n’andi mabi mbona nibyo gukunda igihugu??

3
Joe 2019-03-13 18:25:15

ubwo rero ngo muraduhamije...ukuri kuzajya ahagaragara
bitinde bitebuke

4
mugenzi james 2019-03-13 14:30:32

Ndumva ibintubibikorwa murwanda aribintu bikwiye gusuzumwa byitondewe kuko ntibyumvikana ukuntu umuntu apfa iperereza rikorweneza ababigizemo uruhare azahanwe bihanukiriye.

5
Matsikomasa 2019-03-13 12:59:45

Kwifata se bibaho? Ukishyikiriza wowe ubwawe? Ukiburanisha ukikanira urugukwiye?

6
Kanyarwanda 2019-03-13 04:54:14

None se ko numva mu bamufashe harimo nabari bambaye imyenda ya Polisi.Ubwo ahubwo ni gute abamuhotoye atari abo .Ubwo hagiye kwigira nyoni nyinshi ngo uwamufashe yabyemeye.Ririya shyaka bariciye umutwe pe.Gusa mu RWANDA ibihakorerwa bisuzumwe

7
RUCAMUMPAKA JB 2019-03-13 02:20:11

Ariko ntitukajye tunyura ku ruhande kabisa. Njye mbona kuniga umuntu awariwewese utifuriza igihugu n’abagituye ituze nta problem.

Kwamamaza