Perezida Kagame yifurije ababyeyi umunsi mwiza wabo

5 14-05-2018 - saa 10:05, IGIHE

Perezida Kagame yifurije umunsi mwiza ababyeyi bose bo mu Rwanda, Afurika ndetse no ku Isi yose, by’umwihariko asabira imigisha Madamu Jeannette Kagame.

Buri Cyumweru cya kabiri cy’ukwezi kwa Gicurasi, mu Rwanda no mu bindi bice by’Isi hizihizwa umunsi wahariwe ababyeyi b’abagore. Kuri iyi nshuro wizihijwe ejo ku wa 13 Gicurasi 2018, abantu batandukanye berekana urukundo cyane cyane kuri ba mama babo ndetse no ku babyeyi b’abagore muri rusange.

Abinyujije kuri Twitter, Perezida Kagame yifurije umunsi mwiza ababyeyi b’abagore agira ati “Umunsi mwiza ku babyeyi bose bo mu Rwanda, muri Afurika no ku Isi yose. Ku mubyeyi udasanzwe mu rugo rwacu, mu buzima ndetse n’abana bacu bane, Jeannette, murakoze, Imana ibahe Umugisha.”

Nyuma y’ubu butumwa bwa Perezida Kagame, Madamu Jeannette Kagame yamusubije amushimira avuga ko we n’abana be ariyo mpamvu ituma aba uwo ariwe.

Ati “Ndanezerewe ku bwanyu, Paul Kagame, Ivan, Ange, Ian na Brian ku bwo gutuma mba uwo ndiwe.”

Uyu munsi wizihijwe bwa mbere muri Leta Zunze Ubumwe za Amerika bitangijwe na Ann Reeves Jarvis mu kinyejana cya 20.

[Mother’s Day] Umunsi w’ababyeyi b’abagore ni umunsi wizihizwa mu rwego rwo guha icyubahiro buri mugore wabyariye umuryango, wizihizwa ku minsi itandukanye mu bice byo hirya no hino ku Isi ariko cyane cyane muri Werurwe na Gicurasi. Wuzuzanya n’indi irimo uwo kwizihiza ababyeyi b’abagabo [Father’s Day], uwahariwe kwishimira abavandimwe [Siblings Day], n’uwiswe ‘Grandparents Day’ wizihizwaho abibarutse ababyeyi b’umuntu.

Igihe n’uburyo bwo kwizihiza umunsi w’ababyeyi bigiye bitandukanye bitewe n’uturere. Muri Leta Zunze Ubumwe za Amerika, kwizihiza umunsi w’Ababyeyi bikorwa buri cyumweru cya kabiri cya Gicurasi, mu Bufaransa uyu munsi wizihizwa ku cyumweru cya nyuma cy’uku kwezi, na ho mu Bwongereza “Mother’s day” yizihizwa ku cyumweru cya gatandatu cy’igisibo cya Pasika.

Mu 1914, ni bwo uwari Perezida wa Leta Zunze Ubumwe za Amerika Woodrow Wilson yemeje icyumweru cya kabiri cya Gicurasi nk’umunsi wo kwizihizaho “Mother’s Day”.

Ubutumwa bwa Perezida Kagame bwakurikiwe n'ubwa Madamu we, Jeannette Kagame
Perezida Kagame ubwo yari kumwe na Madamu mu nama y'Igihugu y'Umushyikirano yabaye mu mpera za 2017
Kwamamaza
Kwamamaza

Izindi nkuru wasoma

19 3 20-08-2018
Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Umusemuzi John 2018-05-14 15:54:50

First Lady : "Nshimishijwe cyane no kuba mbafite. Paul Kagame, Ivan, Ange, Ian na Brian mbashimiye kuba ari mwe mpanvu yanjye yo kubaho."

Paul Kagame : " Umunsi mukuru mwiza cyane ku babyeyi bose b’Abategarugori bo mu Rwanda, abo muri Afurika n’abo ku isi yose. Tuwifurije kandi mubyeyi w’indashyikirwa tubana mu rugo, uba mu buzima bwacu no mu mitima yacu, uwanjye n’iy’abana bacu uko ari bane. Jeanette, ndagushimiye kandi nzagushimira ubuziraherezo. Imana iguhe umugisha..."

Muri Ababyeyi beza, nti musiba kuduha urugero rwiza, Imana ibahe umugisha.

2
Ganza 2018-05-14 15:13:48

Umuryango mwiza ishema ry’igihugu cyacu.
Murakoze kutwifuriza umunsi mwiza wabayeyi

3
kfb 2018-05-14 10:59:20

natwe tubifulije umunsi mwiza

4
ishimwe 2018-05-14 09:39:43

Happy mother’s day to Mama of Rwanda "First Lady"

5
didi 2018-05-14 06:43:54

waouh mbega byiza, Turabakunda cyane babyeyi beza

Kwamamaza