Perezida Kagame yavuze ku gihembo cy’umunyafurika w’umwaka yahawe

9 3-12-2018 - saa 12:50, IGIHE

Perezida Kagame akaba n’Umuyobozi wa Afurika yunze Ubumwe (AU), aherutse guhabwa igihembo cy’umunyafurika w’umwaka wateje imbere ubukungu kuri uyu mugabane, mu bihembo bigenerwa abayobozi mu bya politiki n’ubucuruzi bizwi nka ‘All Africa Business Leaders Awards, AABLA.’

Ibihembo by’umwaka wa 2018 byatangiwe mu Mujyi wa Gauteng muri Afurika y’Epfo, byatanzwe ku bufatanye na CNBC Africa.

Nk’uko abateguye ibi bihembo babitangaje, “Igihembo cy’umunyafurika w’umwaka cyagenewe Perezida Paul Kagame, akazagaragara ku kinyamakuru cya Forbes Africa cya Ukuboza na Mutarama.”

Mu kiganiro Perezida Kagame yagiranye n’umwanditsi mukuru wa Forbes Africa, Renuka Methil, yatangaje abo atuye iki gihembo gihabwa abantu bari mu myanya ifatirwamo ibyemezo bagize uruhare mu kuzana impinduka mu bukungu bwa Afurika, kandi bagaragaza ubushobozi bwihariye mu bikorwa by’ubucuruzi muri iki gihe.

Umukuru w’Igihugu mbere na mbere yashimiye abanyarwanda bamufasha buri munsi, yemeza ko ari bo batuma agera kuri byinshi kuko ngo wenyine ntacyo yageraho.

Ati “Ku ruhande rumwe ni abaturage b’igihugu cyanjye, abanyarwanda, baranshimisha kandi bakantera ishema ko ibyo tugerageje gukora dufatanyije bigenda neza kurusha n’uko nabiteganyaga, ibi tukabikora twongera kubaka igihugu cyacu kandi ubu kirimo gutera imbere. Ntacyo nashobora kugeraho njyenyine tudafatanyije”.

Perezida Kagame yakomeje avuga ko iki gihembo kigaragaza ko hari ibyo umugabane wa Afurika wagezeho mu nzego zitandukanye, ari ho n’iterambere ry’u Rwanda rigaragarira.

Ati “Icyo nshaka kuvuga ni uko atari twe twenyine dutera imbere, ahubwo ndashaka kuzirikana n’ibyo ibindi bihugu bya Afurika byagezeho”.

Yakomeje ashimira abatekereje gushyiraho iki gihembo kuko ari uburyo bwo kuvuga amakuru ya Afurika ndetse no gutuma abanyafurika bavuga ibyabo bityo bigashimangira ko iterambere ry’umugabane rinagendana no kuvuga ibyawo.

Perezida Kagame by’umwihariko yashimiye CNBC na Forbes Africa, bamutekereje bamugenera igihembo abizeza kubashyigikira.

Mu myaka ishize Perezida Kagame ayoboye u Rwanda, ubukungu bwarwo bwakomeje kuzamuka cyane ndetse muri uyu mwaka nk’Umuyobozi wa Afurika yunze ubumwe, yabaye ku ruhembe rw’amavugurura muri uyu muryango yagejeje ku kwemezwa kw’isoko rusange nyafurika n’ibindi.

Mu mwaka wa 2017-2018 kandi ubukungu bw’u Rwanda bwazamutse ku mpuzandengo ya 8.9% mu gihe nko mu 2016-2017 bwari bwazamutse ku mpuzandengo ya 3.4%.

Mu bindi bihembo byatanzwe, icy’uwageze ku bintu by’indashyikirwa mu buzima bwe cyagenewe Sol Kerzner, umunyafurika y’Epfo w’imyaka 83 ufite ibigo nka Kerzner International Limited, Sun International, Southern Sun Hotel Group.

Uwahawe igihembo cy’umugiraneza w’umwaka ni Sir Donald Gordon, washinze ikigo Liberty Group SA. Ikigo cy’umwaka muri Afurika cyabaye Ethiopian Airlines, mu gihe umuyobozi w’ikigo cy’ubucuruzi w’umwaka yabaye Peter Mountford, Umuyobozi Mukuru wa Super Group yo muri Afurika y’Epfo.

Ambasaderi w'u Rwanda muri Afurika y'Epfo, Karega Vincent ni we wakiriye igihembo cyagenewe Perezida Kagame
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
mugabo 2018-12-06 09:46:41

intwari ihumeka uwabazima ,jye narebye inzira ye ntangazwa n’ukuntu yagiye ahabwa ibintu atanabirwaniye, ntiyihaye akazi uganda, ntiyategetse abadepite kumushyiraho 1999, n’itegeko nshinga rihinduka nitwe twabyikoreye, ubu se yihaye kuyobora AU?

2
Jules Uwimana 2018-12-05 00:01:45

Njye nsigaye nfite ubwoba ko rimwe Isi izadusaba kuyiha his Excellency ngo ajye kuyobora ibihugu byananiranye.
Ukuntu abazungu batwohererezaga aba expert ngo batuzamure, ninako mbona his excellency agiye gufatwa ku rwego mpuzamahanga. Iyo uganiriye nabaturage bibihugu byinshi usanga barota kuzadusaba ko twabaha his excellency ngo abafashe kuba igihugu wenda tukazamusubirana nyuma yigihe. Sinababeshya njye nzashiraho Veto ndamutse mbifitiye ububasha.
Imana irinde urwatubyaye , abayobozi barwo nabarutuye

3
mukasaj 2018-12-04 15:56:34

Arabarenze

4
shamimum 2018-12-04 02:27:46

NYAKUBAHWA KAGAME PAUL PRESIDENT WACU ndagukunda nkabura icyo nguha pee, ibisubizo utanze bigaragaza umugabo ufite ubwenge budasanzwe. Twese tujye twemera ko Kagame arumugabo udasanzwe twahawe n’Imana rurema ngo abe ariwe uyobora u Rwanda bitewe naho rwari ruvuye, nubundi koko ntasanzwe ku myaka 30 gusa yarakuriye iperereza ra Uganda kandi afatwa nk’Umunyamahanga ariko kubera ubuhanga bwe ako kazi yaragahawe kandi agakora neza cyane. Ku myaka 37 gusa yari Vice president wa Repubulika kandi mu gihugu cyari kivuye mu bibazo bikomeye cyane nako nticyari kibivuyemo ahubwo byaribikiri byose. kandi yabikoze neza. URUMUGABO NYAMUGABO

5
Gahinda 2018-12-04 00:47:49

Ba Mpatsibihugu abanyafrika bakunda banaha ibihembo barazwi.

6
Nkaka 2018-12-03 08:48:25

Ibihembo nk’ibi ni ishema ndetse n’ingufu ku rwanda n’abanyawanda kuko bituma twonera ingufu mu kazi tukarushaho kwegera aho twifuza.

7
Pascal 2018-12-03 06:01:51

Ibisubizo Umukuru w’igihugu atanga nkunda byerekana iterambere rishingiye kubanyarwanda n’Afrique muri rusange.

8
sigasira 2018-12-03 05:33:57

ibihembo ubundi bibaho ariko nkatwe abanyarwanda tumuhembera akazi
akora kigihugu.

9
kamali 2018-12-03 05:18:20

Yes indeed.Habura gato ngo President Kagame abe Igihangange nka Mandela,Gandhi,Luther King,etc...Azi kureba kure no gushishoza.He is a great strategist.Ese mwaba muzi Umuntu ukomeye kurusha abandi wabaye mu isi? (The Greatest Man who ever existed).
Ni YESU.Yazuye abantu,akiza abamugaye n’abahumye,akiza abantu benshi cyane indwara zose,etc...Nkuko Ibyahishuwe 11 umurongo wa 15 havuga,niwe Imana izaha ubutegetsi bw’isi ku munsi w’imperuka,ibanje gukuraho abategetsi bose bo ku isi nkuko Daniel 2 umurongo wa 44 havuga.Niyo mpamvu Yesu yasize adusabye gushaka cyane ubwo bwami,niba twifuza kuzabubamo.Yerekanye inshuro nyinshi yuko abibera mu byisi gusa ntibashake imana batazaba muli ubwo bwami buri hafi kuza.Dukore kugirango tubeho,ariko dushake n’imana dushyizeho umwete,niba twifuza ubuzima bw’iteka muli paradizo.

Kwamamaza