IGIHE

Perezida Edgar Lungu yageze i Kigali yitabiriye inama ya SDGs (Amafoto)

2 13-06-2019 - saa 19:27, Akayezu Jean de Dieu

Perezida wa Zambia, Edgar Lungu uri mu bakuru b’ibihugu na za guverinoma bazitabira inama yo kurebera hamwe aho ibihugu bya Afurika bigeze mu rugendo rwo kugera ku ntego zigamije iterambere rirambye (SDGs), yageze i Kigali ku mugoroba wo kuri uyu wa Kane.

Iyi nama iri kubera mu Rwanda kuva kuwa 12-14 Kamena 2019, abayitabiriye bari kurebera hamwe urugendo rw’imyaka itatu intego z’iterambere rirambye zimaze zigiyeho, ibyuho n’imbogamizi no kureba uko hafatwa ingamba zo kugera ku ntego mu myaka 12 isigaye.

Perezida Lungu yageze ku kibuga cy’indege mpuzamahanga cya Kigali kuri uyu mugoroba, akazaba ari umwe mu bakuru b’ibihugu bazitabira iyi nama kuri uyu wa Gatanu.

Akigera i Kigali yakiriwe na Minisitiri w’Intebe, Dr Ngirente Edouard, wamwakiriye ku kibuga cy’indege banagirana ibiganiro mu biro bye.

Iyi nama ya SDGs, yitabiriwe n’abasaga ibihumbi bibiri bavuye hirya no hino ku Isi, baba abavuye mu miryango itegamiye kuri Leta, muri za Guverinoma, abikorera, abashakashatsi n’abandi.

Ku munsi wa nyuma w’inama, biteganyijwe ko abakuru b’ibihugu bagera kuri batandatu bazagaragaza ishusho y’uburyo intego z’iterambere rirambye zimaze kugerwaho muri Afurika.

Muri Nzeri 2015 nibwo Umuryango w’Abibumbye wemeje intego 17 z’iterambere rirambye (SDGS),nyuma y’uko hari hasojwe iz’ikinyagihumbi, MDGs.

Izi ntego zikaba zibumbiye mu mirongo migari y’iterambere mu bukungu hagamijwe kurandura ubukene, guteza imbere ubwubahane hagati y’imigabane no gukorera hamwe ntawe usigaye inyuma, ibi bikaba byarahujwe n’icyerekezo 2063 kigamije kwigira kwa Afurika.

Ubwo Perezida Lungu yageraga ku kibuka cy'indege cya Kigali, i Kanombe
Minisitiri w'Intebe, Dr Ngirente niwe wakiriye Perezida Lungu wa Zambia
Abayobozi bombi bagiranye ibiganiro byanitabiriwe n'abandi barimo na Minisitiri w'Uburezi, Dr Mutimura Eugene

Amafoto: Rwanda Government

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
bulale 2019-06-13 15:38:52

MUZE LUNGU WARAKOZE KUDUHA SANKARA

2
bulale 2019-06-13 15:38:52

MUZE LUNGU WARAKOZE KUDUHA SANKARA

Kwamamaza