Nyarugenge: Umugabo yashatse gutwikira umugore we mu nzu, aba ari we ushya

5 13-03-2018 - saa 09:19, Thamimu Hakizimana

Umugabo w’imyaka 31 witwa Hakizimana Eugene wo mu Murenge wa Nyakabanda mu Karere ka Nyarugenge, yagerageje gutwikira umugore we mu nzu akoresheje lisansi aba ari we ushya.

Ahagana saa munani z’ijoro ryo ku wa Mbere tariki ya 12 Werurwe 2018, ni bwo uyu mugabo usanzwe ari umumotari yatashye mu gicuku asanga ab’iwe baryamye ahita atangira kunyanyagiza lisansi mu nzu ashaka gutwika umugore we.

Umukozi wo muri urwo rugo avuga ko uyu mugabo wahoraga agirana amakimbirane n’umugore we yatashye mu gicuku atangiye kunyanyagiza lisansi mu nzu yose we na nyirabuja bahita batabaza irondo rihita rihagera.

Gusa avuga ko bakihagera uyu mugabo yasabye abanyerondo kumureka akajya kwambara ageze mu cyumba aba ariho acanira ikibiriti yari yahishe mu mwenda w’imbere inzu ifatwa n’inkongi na we atangira gushya.

Uyu mukozi yabwiye IGIHE ko mbere y’uko uyu mugabo asuka lisanze mu nzu yabanje gusohora abana be bose.

Yagize ati “ Yaje asanga twaryamye anyanyangiza lisansi mu nzu ahita anayimena mu mutwe ariko yari yabanje gusohora abana nibwo twatabaje umugore we ahita atangira kurwana na we kugira ngo adacana umwambi.”

Inzu yahise ishya n’uyu mugabo arashya ariko ku bw’amahirwe umugore we ntiyagira icyo aba.

Bombi bahise bajyanwa ku bitaro bya Muhima kugira ngo bakurikiranwe n’abaganga.

Ubwo iyi nzu yashyaga Polisi yahise itabara iyizimya itarafata izindi nzu ziyegereye.

Inzu uyu muryango wari utuyemo yahiye
Bimwe mu bintu byari mu nzu byahiye
Abanyerondo ni bo batabaye bwa mbere
Inkongi yazimijwe itarafata inzu zegeranye n'iyahiye
Abaturanyi b'uyu muryango ngo bagize uruhare mu kuwutabariza
Kwamamaza
Kwamamaza

Izindi nkuru wasoma

19 3 20-08-2018
Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
NIyonkuruDjuma 2018-03-31 03:05:25

Andika hanoDjuma

2
uwumukiza honorine 2018-03-13 05:22:15

ubuyobozi bugomba kumenya ingo zibanye nabi

3
mahoro jack 2018-03-13 04:49:10

Aba ni babandi birirwa bakanarara banywa ibiyobyabwenge bataha bagakora amahano nk’aya. Iyo bamureka agashya akarangira akumva ibyo yifurizaga uwo babyaranye!

4
Denys KWIHUGURA 2018-03-13 03:47:51

Minisiteri y’umuryango niba itararaniwe birabonekako idashoboye cyangwa hari ibyayinaniye, kimwe nuko hashobora kuba harimo abayinaniza. Birabonekako amakimbirane ari kunzego zose kuko iyo bigaragara muri ba Afande, abayobozi bakuru b’igihugu, abamotari, ndetse na rubanda rwagiseseka mbese ikibazo ni general. Amategeko mbonezamubano yubatse nabi cyane gusa ababishinzwe ntibyumvikana inyungu babifitemo.

5
Denys KWIHUGURA 2018-03-13 03:47:51

Minisiteri y’umuryango niba itararaniwe birabonekako idashoboye cyangwa hari ibyayinaniye, kimwe nuko hashobora kuba harimo abayinaniza. Birabonekako amakimbirane ari kunzego zose kuko iyo bigaragara muri ba Afande, abayobozi bakuru b’igihugu, abamotari, ndetse na rubanda rwagiseseka mbese ikibazo ni general. Amategeko mbonezamubano yubatse nabi cyane gusa ababishinzwe ntibyumvikana inyungu babifitemo.

Kwamamaza