Nyagatare: Urusengero rwaguye ruhitana abantu babiri

7 7-11-2018 - saa 20:55, Thamimu Hakizimana

Urusengero rwitwa Good Foundation ruherereye mu Kagari ka Bushoga mu murenge wa Nyagatare, rwaguye abantu babiri bitaba Imana, abagera kuri 18 barakomereka barimo batanu bakomeretse cyane.

Ahagana saa Cyenda n‘igice zo kuri uyu wa Gatatu tariki 7 Ugushyingo 2018, nibwo imvura ikomeye yaguye maze ishyira hasi urwo rsengero, abantu babiri bahita bahasiga ubuzima.

Umuyobozi w’Akarere ka Nyagatare, Mushabe D. Claudian yabwiye IGIHE ko iyi mvura yanasenye inzu 38 zo muri aka gace.

Yagize ati “Yaguye Saa cyenda n’igice nibwo urwo rusengero rwahise rugwa ruhitana abantu babiri abandi barakomereka, ariko yanasenye inzu 38 zo muri uyu murenge wa Nyagatare.”

Yongeyeho ko ubwo uru rusengero rwagwaga abandi bantu batatu bari hanze yarwo bahise bahura n’ihungabana.

Akomeza avuga ko batanu mu bagwiriwe n’uru rusengero bakomeretse bikomeye bagiye koherezwa ku bitaro mu Mujyi wa Kigali.

Uyu muyobozi yasoje asaba abaturage kuzirika inzu zabo no kujya bagenzura ko ibisenge biziritse neza, bakanatera ibiti kugira ngo birinde ibiza nk’ibi.

Uru rusengero rwaguye ruhitana abantu babiri
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
GUSWERA NEZA ERIC 2018-11-08 08:01:24

NQDqfm

2
Ngenzi Alain 2018-11-08 04:41:43

Yego iyi nkuru irababaje ariko rero, ariko rero ibi ni bya bindi byo kubaka inyubako rusange yakira abantu benshi hanyuma ikubakwa ku buryo buciriritse.Mu minsi ishize habaye kuzenguruka igihugu hafungwa insengero zitujuje ibyangombwa...Gusa abagenzura bashobora kuba bararebaga isuku( ubwiherero, sima mu rusengero ndetse n’irangi). Inyubako ubwayo ntibayibazeho byinshi.Njye inama natanga cya kigo gikorana n’amadini n’amatorero nicyongere umurego. Ndetse abashaka kubaka bajye berekana plan; hanyuma abazobereye mu by’imyubakire bakurikirane ibyo bikorwa. Naho ubundi ubuzima bw’abanyarwanda buzakomeza kujya mu kaga kubera insengero abayoboke bazamura mu mikoro no mu buhanga bwabo buciriritse. Hanyuma icyiza cy’umunsi umwe kikaza kigahitana byose.

3
sezibera 2018-11-08 00:33:37

Iyi ni inkuru ibabaje cyane.Ariko ubwo barimo gusenga,wenda imana izabazura ku Munsi w’Imperuka.Jyewe nk’Umukristu,nagirango nibutse abantu icyo Bible ivuga uko bigenda iyi dupfuye.Nta hantu na hamwe Bible yigisha ko umuntu upfuye aba yitabye imana.Dore uko Bible yigisha ku Rupfu.Upfuye ntabwo aba yumva (Umubwiriza 9:5).None se yakitaba imana gute kandi atumva?Umwuka Imana yashyize muli Adamu,ntabwo ari Roho itekereza nkuko benshi bibeshya.Ahubwo ni “neshamah “ mu Giheburayo (breath mu Cyongereza,Souffle mu Gifaransa).Uwo mwuka imana yashyize muli Adamu,siwo utekereza.Hatekereza “ubwonko gusa†.Umwuka uba mu mubiri wacu,ni imbaraga zidukoresha.Twabigereranya n’amashanyarazi akoresha Radio.Ntabwo rero umwuka wakitaba imana kandi “udatekereza†.Iyo dupfuye,uwo mwuka uragenda,nkuko amashanyarazi nayo agenda,RADIO ntiyongere kuvuga.Dore urugero rwiza rwerekana ko iyo dupfuye tutaba twitabye imana: Igihe Yakobo bamubwiraga ko umuhungu we witwaga YOZEFU yapfuye,ntabwo yavuze ko umwana we yitabye imana.Ahubwo yavuze ko azasanga umwana we mu gitaka (Itagiriro 37:35).Bible yigisha ko upfuye yakoraga ibyo imana idusaba,azazuka “ku munsi w’imperuka†,agahembwa ubuzima bw’iteka muli paradizo (Yohana 6:40).Ni Yesu ubwe wabivuze.Abantu bapfa biberaga mu byisi gusa,biba birangiye batazazuka kuko imana ibafata nk’abanzi bayo (Yakobo 4:4 ).Barabora bikarangira (Abagalatiya 6:8).

4
Peace voice NTIRENGANYA Samuel 2018-11-08 00:00:40

Yoooo! Imana ibakire disi. Kandi bakomeze kwihangana

5
Frank 2018-11-07 20:32:03

Imana ibafashe abagihumeka ibakize

6
Murenzi john 2018-11-07 19:26:10

Arko se ,ntimunashobora no kuvuga amazina yabaruguyemo.nabarukomerecyeyemo.ndumva ataribaga.

7
Ngoga 2018-11-07 14:54:43

Imana ibakire mubayo kuko yabakundiye murusengero rwayo.

Kwamamaza