Ntiwabuza uwiyahura kwiyahura - Col. Muhizi ku bashaka guhungabanya umutekano w’u Rwanda

3 10-07-2018 - saa 20:34, Mukwaya Olivier

Umuyobozi wa brigade ya 201 ikorera mu turere twa Rubavu na Nyabihu, Colonel Muhizi Pascal, yasabye ababaturage kwirinda guhishira abagizi ba nabi bakwinjira baciye mu tuyira tutemewe hagati y’u Rwanda na Repubulika Iharanira Demokarasi ya Congo (RDC), bagambiriye guhungabanya umutekano.

Colonel Muhizi yabitangaje mu nama y’umutekano yaguye yabaye mu mpera z’icyumweru gishize, ubwo yaganiraga n’abaturage bo mu Murenge wa Rubavu uhana imbibi na RDC.

Yasabye abaturage kubumbatira umutekano bakirinda guhishira abagizi ba nabi kandi ko uzahishira umucengezi azaba yiyemeje ko iwe habaye ikigo cya gisirikare.

Yagize ati “Ingabo z’u Rwanda zihagaze neza, ziri mu birindiro, impungenge dufite ni uwasesera muri utu tuyira tutemewe akaza mukamuha indaro, uwo ni we uduteye ubwoba kuko mwaba mwabigizemo uruhare. Dufite amakuru ko hari abashaka kugerageza ariko ntiwabuza uwiyahura kwiyahura.”

Yakomweje ababwira ko Ingabo z’u Rwanda zitifuza ko hari umuturage wahungabana bitewe n’abacumbikiwe n’umuturanyi wabo.

Yakomeje agira ati “Bariya bakeya bari Nyiragongo na Rusayo, iyo babonye umuntu ubafasha mu bugizi bwa nabi bashobora kuza bakadukuramo umuntu cyangwa bakarasa amasasu abaturage bagahungabana, ibyo nibyo tudashaka.”

“Ntabwo dushaka ikintu kiduteranya n’abaturage, ntidushaka kuza gushaka umuntu wihishe mu nzu kuko yacumbikiwe n’umuntu wakabaye amufata akamushyikiriza ubuyobozi, aho kugirango uhagire ‘Camp Militaire’ kuko iyo wafashe umwanzi ukamushyira iwawe, ukamucumbikira, ubwo uba wiyemeje ko iwawe habaye ikigo cya gisirikare.”

Abaturage bo muri iyo mirenge biyemeje kurushaho kubumbatira umutekano wabo kuko bazi aho bavuye, cyane cyane mu bihe bikomeye banyuzemo by’intambara z’abazengezi ahagana mu 1997.

Umuyobozi wa brigade ya 201 ikorera mu turere twa Rubavu na Nyabihu, Colonel Muhizi Pascal
Colonel Muhizi yaganirije abaturage mu nama yaguye y’umutekano yabaye ku wa Gatanu w'Icyumweru gishize
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
citoyen 2018-07-11 04:26:05

Ko ndeba se ari abagore n’abana baje mu nama abagabo barihe? Afande ubanze umenye ba se w’abo bana aho baherereye!

2
Nsanzuwera 2018-07-11 02:43:04

Yakoze kubadadiza abo baturage rwose, twese tuzi aho intambara y’abacengenzi yari itugeze kandi yakomejwe cyane n’abaturage bacumbikiraga abacengezi, rwose umuturage uzagerageza gukorana n’umwanzi w’igihugu ajye abiryozwa ntakubabarira kubayeho nabandi babifatireho urugero.

3
nduhuye silas 2018-07-10 20:45:57

imbwa yiroteye nabi ihiga ingwe mbese barabona iki gihugu twarakirenzwe? nibaze neza tubasogongeze ku bwiza bwacyo nibashima tubahe ibibanza tunabubakire bature mu mahoro. naho gutera u rwanda se aha!! baribeshya cyane pe! !

Kwamamaza