Njyanama yemeye ubwegure bwa Nyamulinda wayoboraga Umujyi wa Kigali

15 14-04-2018 - saa 14:02, Cyprien Niyomwungeri

Njyanama y’Umujyi wa Kigali yatangaje ko yemeye ubwegure bw’Umuyobozi w’Umujyi Nyamulinda Pascal, wayisobanuriye ko yeguye ku mpamvu ze bwite.

Ku wa Gatatu w’iki cyumweru nibwo Nyamulinda yeguye ku mirimo ye nyuma y’iminsi 418 atorewe gusimbura Monique Mukaruriza ku buyobozi bw’Umujyi wa Kigali.

Perezida wa Njyanama y’Umujyi wa Kigali, Rutabingwa Athanase, yabwiye IGIHE ko bateranye ku mugoroba wo ku wa 13 Mata, basuzuma ubwegure bwa Nyamulinda bafata icyemezo cyo kwemera ubusabe bwe.

Yagize ati "Yatubwiye ko ku mpamvu ze bwite yumvaga yahisemo guhagarika akazi."

Yakomeje avuga ko itegeko riteganya ko mu minsi 90 aribwo hatorwa umuyobozi mushya ariko ngo ntibizatwara iki gihe cyose kuko Umujyi wa Kigali ukeneye umuyobozi cyane.

Nyamulinda wahoze ari Umuyobozi Mukuru w’Ikigo gishinzwe Indangamuntu, NIDA, yatowe ku wa 17 Gashyantare 2017 agize amajwi 161 atsinda Umuhoza Aurore bari bahanganye yagize 35.

Umujyi wa Kigali umaze kuyoborwa n’abayobozi umunani kuva mu 1994 , muri abo bose batatu (Théoneste Mutsindashyaka, Dr Aissa Kirabo Kakira na Ndayisaba Fidèle) nibo bawuyoboye imyaka myinshi (itanu buri umwe).

Babiri baheruka (Mukaruriza Monique na Pascal Nyamurinda) bombi bayoboye umwaka umwe n’amezi make. Ni mu gihe Rose Kabuye yawuyoboye imyaka itatu, Protais Musoni ayobora imyaka ibiri ingana n’iya Marc Kabandana.

Nyamulinda Pascal weguye ku buyobozi bw'Umujyi wa Kigali
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2  

1
www 2018-04-17 14:59:16

Birababaje

2
kk 2018-04-15 15:46:40

Mini. GATETE kurikirana umuhanda Rugarama muri GATSIBO =Kalambi muri Kayonza H.E yemeye 2016 mumwiherero wa Gabiro

3
jonas 2018-04-15 09:46:41

Nyamulinda bigenze bite cgw nawe yaguye mu mutego wa satani.

Gusa uzwiho ubwitonzi cyaneee

4
Habimana Ismail 2018-04-15 03:32:38

Biragaragara ko nibyo yakoraga yahukaga nimyanzuro yayifataga yidyamiye kuko ariko bangiye bafata urugyero Ku ntore izirushi ntabwe bagakudwa nabo bayobora

5
Kosima 2018-04-15 02:43:52

Hahahaa, @Mironko patrice we ko amagambo yakurenze nk’aho uzapfa ejo, aho ya SIDA ntikumereye nabi ibinini bikaba byananiwe !? Uriya muhanda ni 2 Km gusa, ni ukuvuga milliards 2 zonyine.

6
kabayiza 2018-04-15 02:30:42

Ubu se tugiye kongera gutora mwokagira Imana mwe uzajya adushora mu matora akegura ataramara manda ye ajye akurikiranwa kereka niba yegujwe n’amatiku ari hanze aha ariko nabwo ajye abivuga

7
Balthazar 2018-04-15 01:05:09

Ndashimira P. Nyamulinda kubutwari yagize akegura nkaba nibaza kuki nta muyobozi numwe muri WASAC wari wegura kandi abantu bamaze imyaka bataka ikibazo cyamazi,ndagaya bamwe muri bo banditse tract kandi imyanya bafite bayihawe na J. Sano muri ubu buryo bo bavuga ko banenga uyumunsi kuko abenshi ibyo bize bitandukanye nibyo bakoramo. Kirya abandi bajya kukirya kikishaririza, utageze ibwami abeshywa byinshi. Nidukomeze imihigo

8
Beatrice Ufitingaire 2018-04-14 23:43:33

Mumureke yigendere amahoro. Nibgwe ma we are guys ntiyirukanwe burundu mu kazi ka leta! Uzi amakuba akurikira uwirukanwe burundu? Ariko de tutu mba? Twakubda tombora turakanyagwa! Harya ngo ntawakwikorera igikwiye byibura akazira ibyo yemera ngo mpaka anyure umuroha ngo kuko amukuriye? Ndahamya ko ex-mayor azize kubaha abamukuriye bamuyobya. Niboneye naniyumvira aho n’uruca-abana rumunanira kuko yatamitswe ibyo agomba gusubiza ataranasesengura ikibazo! Yemwe I ibi birarutana, dukwiye kurya duke tukoza akarenge. Abo njye mbagirira impuhwe, ngirango uwabasubizamo ahari noneho bamenya icyo gukora.

9
Pascal 2018-04-14 23:28:50

Pascal niyeguzwe koko cyane ko yari yarananiwe gushyira mu bikorwa ibyemezo byinkiko.
NYUMA yubwegure bwe hari hagombye kweguzwa Christophe umunyamategeko w’Umujyi wa Kigali na Kanamugire Damascene ushinzwe Imiyoborere myiza ndetse na Ndikunwenayo Everien ushinzwe Imari. Bose bananiwe gushyira mu bikorwa ibyemezo byinkiko. H.E natabare City Capital

10
jean d amour 2018-04-14 14:54:39

Ahubwo se Dr Nkurunziza Alphonse bita City Engineer asigayemo amara iki ko ariwe wakagiye mbere we na Mugabo Vianney. umujyi wacu urababaje, inzego nkuru nizitabare.

Paji: 1 | 2  

Kwamamaza