Mushikiwabo yashimangiye ko u Rwanda rurambiwe kugaraguzwa agati n’u Bufaransa

37 11-10-2017 - saa 07:18, Cyprien Niyomwungeri

U Rwanda rwagaragaje ko rurambiwe gukomeza kugaraguzwa agati n’u Bufaransa bukomeje kwiyambika umwambaro w’ubutabera, bugahimba ibinyoma ndetse bugaha umwanya abatavuga rumwe n’ubutegetsi ngo bashinje bamwe mu bayobozi bakuru b’igihugu ko ari bo bahanuye indege ya Habyarimana.

Mu ntangiro z’uku kwezi nibwo ibitangazamakuru byanditse ko hari umutangabuhamya wirukanywe mu ngabo z’u Rwanda agahungira mu Bwongereza wagiye i Paris agatanga ubuhamya bw’uko yagize uruhare mu gutwara ibisasu bya missile byahanuye indege ya Habyarimana mu ijoro ryo kuwa 6 Mata 1994.

Muri iki Cyumweru AFP yongeye kwandika ko uyu mutangabuhamya yanagarutse ku mazina abiri mashya y’abasirikare babigizemo uruhare.

Uyu mutangabuhamya yabwiye abacamanza ko yari ashinzwe kurinda misile ebyiri zo mu bwoko bwa SA-16 zari ku cyicaro cya FPR ku Mulindi ndetse muri Werurwe 1994, yaje kuzitwara i Kigali mu modoka y’ikamyo.

Anavuga ko abaziteye ari abasirikare babiri bari i Masaka ahitegeye neza ikibuga cy’indege.

Minisitiri w’Ububanyi n’Amahanga, Louise Mushikiwabo, abinyujije ku rukuta rwe rwa Twitter, yatangaje ko u Rwanda rurambiwe iyi myitwarire y’u Bufaransa yo kwiyoberanya mu mwambaro w’ubutabera bugahimba ibirego by’ibinyoma ku bayobozi bakuru b’igihugu.

Yagize ati “U Rwanda rutangiye kurambirwa ibirego bitarangira bidafite ishingiro, bihimbwa n’abacamanza b’Abafaransa, ni politiki ariko iri kwambikwa isura y’ubutabera.”

Mushikiwabo yavuze ko hazakomeza kwaduka abatangabuhamya ndetse n’ingingo nshya mu rwego rwo guhisha uruhare rw’iki gihugu muri Jenoside yakorewe Abatutsi.

Ubutumwa bwa Minisitiri Mushikiwabo kuri Twitter

Mu 2006, umucamanza w’Umufaransa Jean-Louis Bruguière utarigeze akoze ikirenge cye mu Rwanda, yakoze raporo yashinjaga bamwe mu ngabo zari iza FPR-Inkotanyi kuba mu barashe indege ya Habyarimana, ashyiraho n’impapuro zo guta muri yombi abagera ku icyenda.

Iyi raporo yanenzwe n’abatari bake kuko uwayikoze yagendeye ku buhamya yumviye i Paris atageze aho ibivugwa byabereye. Mu 2012 abacamanza b’Abafaransa, Marc Trévidic na Nathalie Poux, bakoze iperereza bari mu Rwanda batangaza ko ibisasu byarashe indege ya Habyarimana byaturutse mu kigo cya gisirikare cya Kanombe cyacungwaga n’abamurinda, ntaho bihuriye n’ingabo za FPR bivugwa ko zari i Masaka.

Gusa u Bufaransa ntibwanyuzwe kuko umwaka ushize bwasubukuye iperereza mu isura nshya yo kwifashisha abatavuga rumwe n’ubutegetsi bw’u Rwanda, ngo babushinje ihanurwa ry’indege ya Habyarimana.

Ku ikubitiro bwakoresheje Kayumba Nyamwasa wigeze kuba Umugaba w’Ingabo z’u Rwanda kuva mu 1994 - 2002, uri mu buhungiro muri Afurika y’Epfo. Uyu yakatiwe n’inkiko za gisirikare mu Rwanda igifungo cy’imyaka 24 ndetse anamburwa impeta zose za gisirikare.

Minisitiri Mushikiwabo ubwo yari mu kiganiro n'abanyamakuru muri Mata 2017
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2 | 3 | 4  

1
Kaje 2017-10-15 10:06:47

Guhanura indege si kibazo uwayihanuye ntayihushe numuntu w umugabo ntitaye aho yaturutse nimana yamudukijije aba yaratumaze.aheza abantu hanze nabandi yica uko ashatse .

2
JOECOLE 2017-10-14 04:22:08

MWIBARENGANYA NISONI YIBYO BAKOZE UMUTIMA UBA URI KUBAKOMANGA

3
Rebero 2017-10-13 14:02:04

Ni ishyari abafaransa bafitiye abanyarwanda kubera ko tumze kubasiga mu iterambere. Dufite umuyobozi w’ icyitegererezo, bo bafite perezida warongoye agakecuru, dufite convention center ihuruza amahanga, bo ntayo bafite, dufite amashuri menshi kubarusha, ikoranabuhanga twarabasize, turihaza mu biribwa bo barya imigati,.. ibyo byose kandi bibaye mu myaka 23 u Rwanda rubayeho. Hahahahaha.

4
Fifina 2017-10-13 12:35:03

ariko nakumiro ubwo urupfu rwa Kinani rubazwa Rpf gute?ubundi babibajije abari bashyizwe kumurinda Inkotanyi Ko barwanaga bari ubanyezamu be? ngo ni politique babibaze abamurindaga cgwa abavugaKo bamurashe .

5
Bizimuremyi 2017-10-13 10:02:15

abafaransa baduhe amahoro nkuko natwe twabahaye amaho urwanda ruritonda ariko ayandi mahanga akatw,,,,,,,,,.

6
jean Pierre 2017-10-13 08:55:26

Abafaransa kugeza ubu ntasoni bagira budashakaho iki ?
Ariko tuzahora tubereka amasomo.

7
beatrice 2017-10-13 08:12:50

Babuze icyabakuraho urubanza bicira mumitima yabo .niyo mpamvu bashaka kuyobya uburari.hari uwavuze ngo wabeshya abandi ariko ntiwabeshya umutima wawe.

8
Mateso 2017-10-13 03:24:21

Muzareke dutere ubufaransa ko bataturusha kurwana, muzabyigeho yr exclelensi

9
kamegeri 2017-10-12 22:54:23

hahaha yewe yewe.

10
Haguma 2017-10-12 22:52:21

Nabongereza batangiye kuduhagurukira.Ibihe turimo birakomeye.

Paji: 1 | 2 | 3 | 4  

Kwamamaza