Musenyeri Bimenyimana azashyingurwa ku itariki yahereweho Ubwepisikopi

2 13-03-2018 - saa 07:08, Cyprien Niyomwungeri

Umushumba wa Diyosezi ya Cyangugu, Musenyeri Bimenyimana Jean Damascène, yitabye Imana azize uburwayi bwa kanseri yo mu maraso yari amaranye igihe, azashyingurwa ku wa 16 Werurwe 2018, itariki ihuye n’iyo yahereweho Ubwepisikopi.

Musenyeri Bimenyimana yavutse tariki 22 Kamena 1953, i Bumazi muri Paruwasi ya Shangi muri Cyangugu. Yatorewe kuba Umushumba wa Diyosezi ya Cyangugu tariki ya 18 Mutarama 1997, ahabwa Ubwepisikopi tariki ya 16 Werurwe 1997, afite intego igira iti “In Humilitate Et Caritate” bishatse kuvuga ngo “Mu bwiyoroshye no mu rukundo.”

Itangazo ry’Inama y’Abepisikopi Gatolika mu Rwanda, rivuga ko Misa yo gusezera kuri Musenyeri Bimenyimana, izaba ku wa Gatanu w’iki Cyumweru muri Kiliziya ya Paruwasi Katedrali ya Cyangugu saa yine za mu gitondo.

Musenyeri Bimenyimana yitabye Imana ku mugoroba wo ku wa 11 Werurwe. Yari amaze imyaka 37 n’amezi atandatu ari umusaseridoti kuko yabuhawe tariki ya 6 Nyakanga 1980, n’imyaka hafi 21 ari umwepisikopi wa Cyangugu. Yahawe ubupadiri afite imyaka 27 n’amezi atanu, agirwa umwepisikopi afite imyaka 44 y’amavuko.

Musenyeri Bimenyimana Jean Damascène aha yari yitabiriye ibirori by'isabukuru y’imyaka 75 ya Musenyeri Ntihinyurwa Thaddée

Inkuru bifitanye isano: Musenyeri Bimenyimana wayoboraga Diyosezi ya Cyangugu yitabye Imana

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
serg mwezi 2018-03-14 14:48:13

imana imuhe iruhuko ridashira

2
Nepo 2018-03-13 01:52:20

May his soul RIP!!!

Kwamamaza