IGIHE

MINISPOC yihanganishije umuryango wa Alexia Mupende wishwe

5 10-01-2019 - saa 09:44, Muvunyi Arsène

Minisiteri y’Umuco na Siporo yatangaje ko yababajwe n’urupfu rw’umunyamideli Alexia Uwera Mupende, yihanganisha umuryango we.

Alexia Uwera Mupende yishwe mu ijoro ryo ku wa 08 Mutarama 2018. Amakuru y’ibanze yemejwe n’Ubugenzacyana ni uko bikekwa ko uyu mukobwa w’imyaka 35 n’umukozi wo mu rugo iwabo witwa Niyireba Antoine w’imyaka 23 nk’uko bigaragara ku indangamutu ye. Kugeza ubu uyu musore ari gushakishwa.

Iyi nkuru y’urupfu rwa Alexia Mupenda yashegeshe abantu benshi, barimo ibyamamare by’umwihariko abanyamideli bakoranaga nawe bya hafi. Icyashenguye abantu kurushaho ni uburyo yitabye Imana mu gihe yiteguraga gukora ubukwe mu kwezi gutaha.

Mu itangazo Minisiteri y’Umuco na Siporo yashyize ku rubuga rwa Twitter, yagaragaje ko yababajwe n’urupfu rw’uyu munyamideli, inihanganisha umuryango we n’abanyamideli muri rusange.

Riragira riti “Minisiteri ya Siporo n’Umuco ibabajwe n’Urupfu rw’Umunyamideli Alexia Uwera Mupende witabye Imana kuri uyu wa 8 Mutarama 2019, iboneyeho kwihanganisha by’umwihariko Umuryango we ndetse n’umuryango mugari w’abanyamideli n’abahanzi nyarwanda muri rusange.”

Impuzamiryango Pro –Femmes Twese Hamwe, ibinyujije ku rukuta rwayo rwa Twitter, nayo yamaganye ubu bwicanyi, inihanganisha umuryango.

Yagize ati “Twamaganye iyicwa ry’umwari Mupende Alexia, bikekwa ko yishwe n’umukozi wo mu rugo. Biteye agahinda kumva urupfu rw’uyu mwari. Twihanganishije cyane umuryango we. Reka tuvuge oya ku ihohoterwa rikorerwa abagore n’abakobwa.”

Umwe mu bantu bo mu muryango wa Alexia yavuze uko ababyeyi be bamenye urupfu rwe.

Ati “Yavuye ku kazi nimugoroba nka saa kumi n’ebyiri atashye, apariki imodoka, ngira ngo yari arushye aragenda araryama, niho bamwiciye mu cyumba. Ababyeyi be bavuye mu kazi babona imodoka iraparitse baza bahamagara akabyiniriro ko mu rugo bamwitaga ‘Toto’, barinda bagera mu nzu we n’umugabo we, bageze mu cyumba basanga umwuka waheze, bamukase ijosi, ako gahungu katorotse kagiye nibwo batangiye guhuruza.”

Abanyamideli baganiriye na IGIHE batangaje ko Alexia Uwera Mupende, yari umunyangeso nziza, agira urugwiro kandi yubaha Imana cyane.

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
mammy 2019-01-11 06:35:15

ariko mana yanjye gusa birababaje
Rip mama mwiza

2
Xr 2019-01-10 08:05:47

Tubiharire RIB kandi izadutangarize, idatinze, ibyo iperereza ryagezeho. Barakoze. Gusa birababaje.

3
anne 2019-01-10 05:18:27

REST IN PEACE ALEXIA imana ikwakire mubayo kd ikomeze umuryango wawe

4
Valens 2019-01-10 02:36:07

Twamaganye ubwobwicanyi
ubutabera bukore akazi bufate ueomwicanyi
tumwifurije iruhuko ridashira
wicanyi

5
Iradukunda Issa 2019-01-10 02:23:37

mana yanjye ubugome nk’ubu buzarangira ryari?? imana imwakire mubayo.

Kwamamaza