Minisitiri w’Intebe yasabye abacamanza mu rukiko rwa gisirikari guca imanza kinyamwuga

5 13-09-2018 - saa 12:14, Nshimiyimana Jean Baptiste

Minisitiri w’Intebe Dr Edouard Ngirente yakiriye indahiro z’abacamanza mu rukiko rwa gisirikari, abasaba kutazatatira igihango bagiranye n’ubuyobozi bw’igihugu, batanga ubutabera bwa kinyamwuga, kurinda ubusugire bw’igihugu n’uburenganzira bwa muntu.

Kuri uyu wa Kane nibwo abacamanza babiri bo mu Rukiko Rukuru rwa gisirikare na Visi Perezida w’urukiko rwa gisirikari.

Lt. Col. Asiimwe Charles Madudu yarahiriye kuba Visi Perezida w’Urukiko rwa Gisirikari naho Lt. Col. Ngabo Augustin na Maj. Sumanyi Charles, barahirira kuba abacamanza mu Rukiko Rukuru rwa Gisirikari.

Minisitiri w’Intebe yasabye abarahiye kuzuzuza neza inshingano igihugu cyabahaye, abibutsa ko indahiro bamaze kugirira imbere ye ari igihango bagiranye n’abanyarwanda.

Ati “Indahiro mumaze kugira izahora ibaranga kandi ni igihango mugiranye n’abanyarwanda twese n’ubuyobozi bukuru bw’igihugu cyacu”.

“Inshingano zanyu ni ugutanga umusanzu mu kubaka igihugu kigendera ku mategeko, mutanga ubutabera bunoze, muharanira ko ubusugire bw’igihugu cyacu n’uburenganzira bwa muntu buba ntavogerwa.”

Minisitiri Dr Ngirente kandi yabasabye kwirinda ruswa, gukora kinyamwuga bubahiriza amategeko, kuba inyangamugayo muri byose, gukorera mu mucyo, gushishoza mu manza bazajya baca n’ibindi.

Visi perezida w’urukiko rwa gisirikare Lt. Col Asimwe Charles Madudu, yavuze ko bazubahiriza amategeko kandi bakihutisha imanza, kuko ubutabera butinze atari ubutabera.

Ati “Ubutabera butinze nta butabera buba burimo. Abantu barategereza bagaheba ubutabera, ibyo nibyo umuntu agomba kwirinda bwa mbere, tukaguma gushyiramo imbaraga zikomeye kugira ngo imanza zihute.”

Abacamanza barahiye bashyizweho n’Inama y’Abaminisitiri yateranye kuwa 11 Nyakanga 2018.

Lt Col Madudu Asimwe Charles warahiriye kuba Visi Perezida w'urukiko rwa gisirikare
Lt. Col Augustin Ngabo warahiriye kuba umucamanza mu rukiko rukuru rwa gisirikare
Maj. Charles Sumanyi warahiriye kuba umuamanza mu rukiko rukuru rwa gisirikare
Minisitiri w'Intebe Dr Edouard Ngirente wakiriye indahiro ya Visi Perezida n'abamanza mu rukiko rwa gisirikare
Minisitiri w'Ingabo Gen James Kabarebe yitabiriye uyu muhango
Umugaba Mukuru w'ingabo z'u Rwanda, Gen Patrick Nyamvumba yitabiriye uyu muhango

Amafoto: Niyonzima Moses

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Shyaka David 2018-09-15 00:48:49

Congraturations Afande Sumanyi Charles for your advancement career!

2
Didy 2018-09-14 18:18:23

Congratulation Judge Maj. Sumanyi Charles, ni umugabo urangwa nikicyabufpura, akorana umurava., Imana izabigufashemo ukomeze ukore akazi neza nkuko uhora ugakora.

3
Lando 2018-09-14 00:03:36

Congratulation col Ngabol!Ntagushidikanya ko inshingano zawe zuzubshirizwa!Turakwishimiye

4
perime 2018-09-13 13:11:58

No kuri serivise zitangwa n’IREMBO hakwiye impinduka !niyo serivise igifite imikorere idasobanutse aho usanga serivise zabo zihora nta Network 2-Ikindi twasabaga leta ko yakosora ni perime . birazwi neza ko Perime y’u Rwanda ibona uwayikoreye bitandukanye no mubindi bihugu duturanye aho uyigura nkugura ibijumba kwisoko! ariko biratangaje kuba ariyo igira igihe ikaba itaye agaciro kuburyo niyo ugiye gusaba akazi kubanyamahanga bakubaza ati kombona perime yawe izata agaciro mu mwaka runaka ubwo bivuze ko umwuga uba ukuvuyemo ukazajya kwiga bundi bushya... mbeze bazabisubiremo niyo umuntu yajya yishyura menshi ariko kukintu kidata agaciro kuko ubu muri afurika yiburasirazuba usanga perime yacu ita agaciro mugihe izabandi zihorana agaciro .

5
Jimmy 2018-09-13 07:27:39

Turashimira Ingabo zacu kubwub’ubunyamwuga kandi tubifurije akazi keza.

Kwamamaza