Minisitiri w’Intebe yagaragaje ko hari uturere twabeshye nkana mu mihigo

2 10-08-2018 - saa 12:50, Mathias Hitimana

Mu gihe intego y’imihigo ari ukwihutisha iterambere ry’igihugu n’abaturage mu bikorwa, Minisitiri w’Intebe, Dr Ngirente Edouard, yabwiye Perezida Kagame ko hari inzego zagaragaweho kubeshya, zishaka kwibonera amanota nyamara hari ibyo zitakoze.

Mu Rwanda hamaze kumenmyerwa igikorwa ngarukamwaka cyo guhigira imbere y’Umukuru w’igihugu ibyo inzego z’ibanze zizakora mu mwaka w’ingengo y’imari ndetse hakazabaho isuzuma ry’uko byashyizwe mu bikorwa.

Hirya no hino nta karere kaba kifuza guseba kubera amanota make kabonye mu kwesa imihigo, bigatuma abayobozi bamwe babishyiraho umutima bagakora batikoresheje bashingiye ku igenamigambi ryiza no gukorera hamwe, gusobanukirwa ibigomba gukorwa bakanakurikiranira hafi ishyirwa mu bikorwa ryayo.

Mu isuzuma n’itangwa ry’amanota ku ishyirwa mu bikorwa ry’imihigo y’umwaka wa 2017-2018, Minisitiri w’Intebe yabwiye Umukuru w’igihugu ko basanze mu nzego zitashyize mu bikorwa neza imihigo, hari izaranzwe no kubeshya uko zakoze ibyo zari ziyemeje.

Nubwo atagaragaje neza izo nzego, Minisitiri w’Intebe yagize ati “Hari ukutagaragaza ukuri ku byakozwe, aho inzego zimwe na zimwe zashoboraga kubeshya nkana uko ibyo zashyize mu bikorwa bingana kandi bitarakozwe cyangwa byarakozwe igice.”

Dr Ngirente yanavuze ko hanagaragaye ko abaje inyuma baranzwe no kudategura neza imihigo bigatuma itagerwaho neza cyangwa ntinagerweho; ahandi ugasanga abagomba gushyira mu bikorwa imihigo batayumva neza.

Ikigo cy’igihugu cy’Ibarurishamibare kizobereye mu kazi ko gukusanya amakuru y’ibarurishamibare ni cyo cyafashije Guverinoma mu isuzuma no gutanga amanota y’uburyo imihigo yeshejwe.

Minitiri w’Intebe yasobanuye ko mu itangwa ry’amanota hanitawe cyane kureba niba ibyakozwe byaragize impinduka ku buzima bw’abaturage. Nko ku bikorwaremezo nk’amashuri, amavuriro, amasoko, hatangwaga amanota 100 % iyo byabaga byararangiye neza bishobora gukoreshwa, aho bitararangira bagahabwa 0%.

Amanota yavuye mu igenzura yagaragaje impinduka ugereranyije no mu bihe byashize, aho wasanganga uturere twose twagize ari hejuru ya 70 % nyamara hari byinshi bitakozwe.

Kuri ubu Akarere ka Rwamagana kaje ku isonga kagize 84.5%; Gasabo (82.5%); Rulindo (82.5%) naho dutatu twa nyuma Nyamagabe (54.1); Ruhango (53.4%) naho aka Nyanza kaherutse utundi kagize 53%. Impuzandengo y’amanota y’uturere twose mu gihugu iba 68.8%.

Mu mwaka ushizwe uturere dutatu twa mbere twari dufite amanota ari hejuru ya 80 % aritwo Rwamagana (82.2%), Musanze (81.28%) na Huye (80.55%) naho utwa nyuma twari dufite hejuru ya 70% ari two Ruhango (75.27%), Rulindo (75.19%) na Rubavu (72.76%).

Minisitiri w'Intebe Dr Edouard Ngirente ubwo yatangazaga ibyavuye mu mihigo kuri uyu wa Kane

[email protected]

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Innocent 2018-08-10 14:29:37

Harya Bibaye ngombwa ko RAB ya MINAGRI ijya mu rutonde rw’abahabwa amanota y’imihigo yaba iya kngahe mu gihugu. Kugirango ubone icyangombwa gituma business yawe ikomeza ugomba kuba utarambirwa kandi witeguye guhomba no gutakaza abaterankunga bawe umwanya uwo ariwo wose kuko nta kintu ishami ryabo rishinzwe ubuhinzi rishobora gukora ngo kirangire, ndavuga abakorera mu biro naho abato bo kuri tere ibyabo baba babikoze neza.

2
Alice Mico 2018-08-10 08:39:27

Muri iyi mihigo habayemo technique idasanzwe kuko Rubavu niyo yateka ibuye rigashya ntiyaba iya 9ukurikije amatiku ahaba,kudatanga service bagahora basirasiza abantu kdi amakosa aribo yaturutseho,nkubu hari umuntu wabuze uko yishyura mutuel de sante kuko ID ye mu byiciro by,ubudehe yanditswe nabi ahora ajya kubikosoza bakamusirasiza nta ruhare yabigizemo,umwanda ukihagaragara,abana bata ishuri,abahohoterwa bakoreshwa imirimo ivunanye yewe yatumye tutizera imitangire y,amanota !Ibirarane bihora mu mpapuro ,kugena amanota azatangwa mu mihigo biturutse Ku Karere ngo batazatanga amashimwe n,ibindi ntavuze yewe ni agahomamunwa !!!!!!

Kwamamaza