Minisitiri Uwacu yasabye abapadiri kwigira kuri Ubald wafungiye amasakaramentu abakirisitu kubera gutoteza uwarokotse Jenoside

7 15-04-2018 - saa 18:21, Ferdinand Maniraguha

Minisitiri w’Umuco na Siporo, Uwacu Julienne, yasabye abapadiri kujya basuzuma niba koko ibyo bigisha abakirisitu babo bibagiririra akamaro, bahereye ku rugero rwa Ubald wigeze kubafungira amasakaramentu kubera ko umwe mu barokotse Jenoside watotezwaga n’abo baturanye.

Mu Isengesho ryo gukiza abarwayi no gukira ibikomere ryateguwe na Paruwasi ya Regina Pacis, ryabereye kuri Stade Amahoro kuri iki Cyumweru, Padiri Ubald Rugirangoga uzwi mu masengesho yo gukiza indwara z’umubiri n’umutima yigishije ku gusabana imbabazi haba ku wahemutse ndetse n’uwahemukiwe.

Padiri Ubald yavuze ko nta mahoro uwahemutse ashobora kugira igihe adasabye imbabazi uwo yahemukiye kandi ngo n’uwahemutse ntayo yagira ataratanga imbabazi ku wamuhemukiye.

Uyu mupadiri wayoboye Paruwasi ya Mushaka muri Diyosezi ya Cyangugu nyuma ya Jenoside yakorewe Abatutsi, yavuze ko ubwo yahayoboraga haje kugaragara ikibazo cyo gutoteza uwarokotse Jenoside, agahitamo gufungira amasakaramentu abayobozi b’imiryango remezo.

Ati “Muri Paruwasi ya Mushaka bari bafite imyumvire ko nta warokotse uzabaho kugira ngo bakureho ibimenyetso byose. Nkumva ngo bamwe bahora batera amabuye hejuru y’inzu zabo. Njye ntabwo nshobora kwihanganira ibintu by’ibifuti. Buri wa mbere wa buri kwezi nakoreshaga inama n’imiryango remezo, ‘nti muze tuganire twumve uko ibintu bimeze muri paruwasi’.
“Rimwe barambwiye ngo erega ‘ibintu bimeze nabi, hari umuntu barara baterera amabuye hejuru y’inzu’. Nahise mbabwira nti ‘ubu mwebwe abayobzi b’imiryango remezo mbafungiye amasakarementu, nta muntu uzabatirisha, ntawe nzahaza kuko nta rukundo ruri mu muryango remezo.”

Padiri Ubald yavuze ko abo bayobozi n’abakirisitu babo bahise biyemeza kujya kurara irondo ku rugo rw’uwatererwaga amabuye ku nzu kandi ngo byahise bihagarara.

Ati “Narababiwye nti ‘murebe ukuntu mukemura icyo kibazo’, bati ‘ahubwo tugiye kujya turara irondo iwe’. Nti ‘mugende murare irondo iwe. Umuntu abure amahoro kandi muri aho? Uwo muntu ntiyongeye guterwa amabuye.”

Minisitiri Uwacu yavuze ko abandi bapadiri bakwiye kwifashisha urwo rugero kugira ngo bamenye niba koko ibyo bigisha bishyirwa mu bikorwa.

Yavuze ko nta kuntu waba wigishwa urukundo ngo mugenzi wawe ahangayike kandi uhari.

Ati “Ubukirisitu nyabwo bukwiye kubakira ku bunyarwanda nyabwo, ntibibe bya bindi by’umusonga w’undi utakubuza gusinzira, ahubwo tukazirikana ko n’iyo yaba ari umwe ubangamiwe hari igipimo kuri bwa bukirisitu bwacu kitwereka ko hari aho tutaragera […] guhinduka bisaba ko buri wese yiheraho. Nidukora ibitandukanye n’ibyo tuvuga cyangwa ibyo dusaba abandi gukora, tuzaba twigiza nkana.”

Yasabye abapadiri kujya basuzuma abakiristu babo, byaba na ngombwa bagafata ibyemezo.

Ati “Ba nyakubahwa basaseridoti, nubwo mwese mutafata icyemezo cyo guhagarikira amasakaramentu abakirisitu, ariko kijye kiba igipimo mupimiraho iyogezabutumwa mukora niba koko ribyara umusaruro mwari muritegerejeho.”

Padiri Ubald yavuze ko kwikuraho icyaha umuntu yakoze atari ukwikiza uwo yagikoreye cyangwa kumugirira nabi.

Ati “Uwo wagiriye nabi afite urufunguzo, aragufite imbere y’Imana,zamura ukuboko imbere y’Imana usabe imbabazi kimwe n’uko n’uwo wakugiriye nabi na we aragufite imbere y’Imana, aragukingiranye. Mukingurirane.”

Isengesho ryo kuri iki Cyumweru ryaranzwe no gukira indwara zitandukanye z’umubiri ndetse hari n’abahavuye bafashe umwanzuro wo kubabarira abo bari bafitanye ibibazo.

Minisitiri w’Umuco na Siporo, Uwacu Julienne, yasabye abapadiri kujya basuzuma niba koko ibyo bigisha abakirisitu babo bibagiririra akamaro

Kanda hano urebe andi mafoto menshi

Kwamamaza
Kwamamaza

Izindi nkuru wasoma

20 3 20-08-2018
Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
dushakamahoro reo 2018-04-16 17:49:47

kubarira niyonzirayo gucyira kandimwibuke
ugirimbabazi nawe
azigirirwa ntitukababazwe nokuba baratwiciye
cg sebarishe abavandi
mwebacu kuko urupfu
rutarusha imana
imbaraga kabarira ningobwa kugirango tubohoke mumutima
kandi tukerekako tubarusha umutima
tutarinkabo birinyamaswa(....)

2
Mayita 2018-04-16 10:28:46

Ikibazo kiri muri bamwe mu bayobozi nuko buri wese abona ibyo undi akwiye gukora we ntahere kubyo yagakwiye gukora! Niba buri wese yajyaga abanza akavuga ati ngewe nakoze ibi nibi mumirimo yanjye nshinzwe noneho akabona umwanya wo kuba yavuga ibyo abandi bakwiye gukora. leading by example.

3
Daniel 2018-04-16 08:11:17

Padiri komeza iyo nzira ufite inkororano mwijuru!!

4
Muhire 2018-04-16 01:28:36

Ariko se Nyakubahwa Minister ko ushinzwe umuco abo wafatiye ibyemezo ko bataye umuco ni bangahe?Ubald we yavuze icyemezo yafashe nawe tubwire icyo wafashe ku bica umuco n’abazambije sport mu gihugu.

5
Maniriho 2018-04-16 00:52:51

uyu mudamu uri kujyijyura abahungu b’i Roma ko nawe ari intiti ra!!!!!huuuuuuuuuu umupadiri ahora ari Padiri ariko ministre we biragoye!!!!

6
nsengumuremyi maritn 2018-04-15 17:30:00

Andika hano nubundi twarabibonye kd nubu turabibonako byose byaturuste Umuyobozi bubi bwijyishaga amacakubiri

7
Gatolika yacu 2018-04-15 15:49:42

Uyu mubyeyi arahugura abapadiri ku byerekeranye n’ikenurabushyo yize amasaha angahe ya théologie pastorale ? Birakwiye ko buri wese aguma muri domaine ye ! Iyo ufashe iy’abandi ibintu birivanga. Ibi byo kutavanga fields uwabyigisha na Padiri Ubald !

Kwamamaza