Michaëlle watsinzwe na Mushikiwabo muri OIF yavuze ku rubanza rw’abo kwa Rwigara yamaganirwa kure

72 8-11-2018 - saa 23:16, IGIHE

Umunya-Canada, Michaëlle Jean, uherutse gutsindwa na Louise Mushikiwabo ku mwanya w’Umunyamabanga Mukuru w’Umuryango w’ibihugu bikoresha Igifaransa (OIF), yokejwe igitutu ku mbuga nkoranyambaga nyuma yo kwita Diane Rwigara impirimbanyi y’uburenganzira bwo gutanga ibitekerezo n’uko urubanza rwe rukwiye gukurikiranwa byihariye.

Diane Rwigara ashinjwa gukora no gukoresha inyandiko mpimbano ubwo yashakaga kwiyamamariza kuyobora igihugu, agahurira n’umubyeyi we Mukangemanyi Adeline ku cyaha cyo kugambirira guteza imvururu cyangwa imidugararo muri rubanda. Mukangemanyi yiharira icyaha cy’ivangura n’amacakubiri.

Bombi kuri uyu wa Gatatu Ubushinjacyaha bwabasabiye gufungwa imyaka 22, igihe urukiko rwaba rubahamije ibyaha baregwa.

Mbere y’uko urubanza rwabo rusomwa, Michaëlle Jean uri mu minsi ye ya nyuma muri OIF dore ko azatanga imfunguzo z’ubunyamabanga muri Mutarama 2019, yanditse kuri Twitter ko urubanza rwabo rukwiye gukurikiranwa mu buryo bw’umwihariko.

Yagize ati “Dukurikirane n’ubushishozi bukomeye urubanza ruregwamo mu Rwanda impirimbanyi y’ubwisanzure bwo gutanga ibitekerezo Diane Rwigara na nyina baherutse gufungurwa by’agateganyo mu Ukwakira, bashinjwa mu Rukiko rw’i Kigali ‘guteza imvururu’.”

Umunya-Canada yahise yamaganwa, yerekwa ko ari kurengera.

Umunyamabanga wa Leta muri Minisiteri y’Ububanyi n’Amahanga n’Ubutwererane ushinzwe Umuryango wa Afurika y‘Iburasirazuba, Amb. Nduhungirehe Olivier, yahise amusubiza ati “ipfunwe ryo gutsindwa cyatumye uta umutwe.”

Yakomeje agira ati “Umunyamabanga Mukuru mushya yaratowe kandi muri ibi byumweru bike usigaje, nta burenganzira ufite bwo gukoresha umwanya urimo ngo wihimure ku musimbura wawe Mushikiwabo ndetse n’igihugu cye."

Si Nduhungirehe gusa wihanije Michaëlle Jean, hisukiranyije ubutumwa bw’abandi bantu batandukanye, bibaza ku magambo ye.

Uwitwa Utumatwishima yagize ati “Ni uku umuntu yirangiza. Waratsinzwe, icyiza ni uko wakwicecekera. U Rwanda na Mushikiwabo barakurenze, nta bushobozi muri politiki ufite bwo kubavugaho.”

Uwitwa Providence Tuyisabe we yabwiye Michaëlle Jean ko yajyaga amufata nk’umunyabwenge ariko ati “urantengushye. Ubu mpise nemeranya n’abanya-Canada bagukuyeho amaboko i Erevan.”

Michaëlle yaterewe icyizere bikomeye mu minsi ye ya nyuma nk’umuyobozi wa OIF, ndetse harabura amasaha make ngo amatora y’Umunyamabanga Mukuru mushya abe, Canada nk’igihugu cye cyari cyaragaragaje ko cyifuza ko yongererwa manda, cyamuvanyeho amaboko, kiyoboka umukandida ushyigikiwe na benshi, Louise Mushikiwabo.

Ni ibintu byariye Michaëlle kuko amaze kubona ko amaherezo asigaye wenyine, mu ijambo yavugiye imbere y’abakuru b’ibihugu i Erevan hatangizwa inama ya OIF, yabazaga niba biteguye gutatira amahame ya OIF kubera ubwumvikane bwa bamwe, asa n’uvuga ko yagambaniwe.

Mu mvugo ye yibajijweho cyane, hari n’aho yabajije abakuru b’ibihugu niba “twiteguye kwemera ko Demokarasi, uburenganzira n’ubwigenge bisigara ari amagambo.”

Gusa mu kiganiro aheruka guha RFI na France 24, Perezida Kagame yavuze ko uburakari bwa Michaelle nta gaciro bufite.

Yavuze ko Michaëlle akwiye kwibuka ko ajya guhabwa uwo mwanya habayeho gucikamo ibice hagati y’ibice bigize uwo muryango, bitandukanye na Mushikiwabo kuko we yatowe ku bwumvikane kandi ibihugu byinshi bikagaragaza ko bimushyigikiye.

Yavuze ko gushinja OIF akagambane ari igitutsi ku bihugu biyigize.

Ati “Kuvuga gutyo ni igitutsi ku buhanga bw’abantu benshi n’ibihugu bigize Francophonie. Ariko ndabyumva yakigize ikibazo cye bwite, bituma arakara, biragaragara mu mbwirwaruhame ye yari arakaye cyane.”

Gusa kuri Perezida Kagame, ngo ntacyo byari bimubwiye kuko imyitwarire nk’iyo yahuye nayo inshuro nyinshi.

Michaëlle Jean yokejwe igitutu kubera imvugo ye ku rubanza rw'abo kwa Rwigara
Nduhungirehe ni umwe mu basubije Michaëlle ku butumwa yashyize ahagaragara
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2 | 3 | 4 | 5 | 6 | 7 | 8  

1
kanguru 2018-11-11 23:33:44

uyu ngo ni MIchaelle ibyo yanditse nta kuri afite na busa, yivanze cyane; ariko nuyu wamushubije nta kinyabupfura yakoresheje; yavuze nk’umuntu utari umuyobozi. diplomatie ntayo.

2
Kayizari 2018-11-11 17:03:17

Nta ntore itukana, sinzi rero icyo Bamporiki ategereje ngo yambure uyu mugabo ubutore. Cyangwa ubutore babwambura ba underground gusa?

3
Ingwe 2018-11-11 08:09:24

Mukinyarwanda baravuga bati ´´´Utazi ikimuhatse areba i..mb..oro yase igitsure…
Mwe mumenye ko ntautarafashije RPF, ntibitwaze uburozi bwabo bwamatabi, niko basha bazi amasasu yahuhaga mumatwi yacu?
Bazi imirambo yingimbi yaribwaga nako yarangizaga isari yinkongoro?
Mujye mureka ibigambo rero, hali imiryango yagizwe incike, ikinege kikitanga ubu abakecuru barasabiriza kandi abana babo barayameneye urwanda, murebe ka Kajoliti casualties mutugare iyo Rwamagana , mwumva bigaragambya?
Jye nanga abasivili bavumvura hano, jye ndi Sergent amahe amaheru yumu commando , RNC FDLR , muzaze tubamene imitwe mwa ngunzu mwe.
Aba Rwigara bitwaza bibiliya nigitabo cyindirimbo zagakiza kandi urugandababurana rukora uburozi bwa Cancer, niyo mpavu Imana itabitaho. Indyadya.

Murebe Rujugiro, Supermatcht Goma, Kenya, SA, ubu ageze Uganda, ubu koko babuze ibindi bakora koko? ITABI si wenda nikigage, cg Chips, akumiro namavunja byo.

4
gezi 2018-11-11 07:31:09

Najyaga kuvuga ko Nduhungirehe yagowe n igifaransa........ arko oya, si ubwa mbere asubiza mu buryo butari diplomatique, byongeye ibisubizo bye ntibijyanye n umwanya ariho cyane cyane ko biba bisa n ibihagarariye igihugu cyose. Sinzi ikiri gukorwa gusa akomeje gutya yazatwicira isura. Ikindi bantu mwanga ubavugaho mukamutwama kare cyane nabyo sibyo, nul n est parfait, U Rwanda ruratera imbere yego.... arko se nta makosa rukora rwakabaye paradizo, ese kwihutira gutwama abanenze ni cyo cyaduteza imbere.... oya. Babiharire ubutabera buzatumenyesha. God bless Rwanda

5
@Kalimba 2018-11-11 07:00:22

Wowe witwa Kalimba, ubanza waba igihubutsi. Wasomye neza ibyo uwitwa Ebi yanditse?

6
Sakega 2018-11-11 05:48:37

Ibibazo byose bigira iherezo, bihangane .

7
Kayizari 2018-11-11 05:28:45

Uyu muntu ufite imvugo yuzuye ibitutsi ntakwiye kwitwa ko avugira u Rwanda, iri ni, ikosa rikomeye. Genda gahoro @ Bwana muyobozi!!! Ubwo se gukangurira abantu gukurikirana urubanza ni ko guta umutwe? Ahubwo hano bihita bigaragara ko urubanza rwariwe kera, ibindi ari ikinamico. Shame on you, injiji.

8
Rr 2018-11-11 05:13:28

Ntabwo Amb. Nduhungirehe yari gukoresha Ariya magambo mu gusubiza Michaëlle Jean rwose , byari Kuba byiza iyo amusobanurira kuruta Kumubwira muri buriya buryo yakoresheje.

9
nkunda 2018-11-11 04:57:30

Abantu Bose batuka Nduhungire suko babajwe nibyo yavuze ahubwo nabo bari mubabajwe nintsinzi yurwanda kuko ntibakunda government iriho bitewe nuko batsinzwe nubundi...

10
vincent 2018-11-11 04:12:49

Iyi reaction ya Minister ko ikakaye ra! Nta bundi buryo umuntu uvuze ibitari mu murongo yasubizwa atabwiwe n’umudiplomate mugenzi we ngo yataye umutwe?

Paji: 1 | 2 | 3 | 4 | 5 | 6 | 7 | 8  

Kwamamaza