MasterCard igiye gufasha urubyiruko 30,000 kubona akazi mu bukerarugendo mu Rwanda

4 13-09-2018 - saa 21:12, Mathias Hitimana

MasterCard Foundation iri gukorera mu Rwanda umushinga witezweho guhanga imirimo ibihumbi 30 mu bukerarugendo, ukanakemura bimwe mu bibazo by’ingutu bigaragara muri uru rwego.

Ubushakashatsi bwakozwe ku bufatanye bwa MasterCard Foundation na Restless Development, bwagaragaje hari ikibazo cy’ubumenyi budahagije ugereranyije n’ubukenewe ku isoko.

Umwe mu bakoresha bo mu Rwanda wabajijwe mu ikorwa ry’ubwo shakashatsi, yagize ati “Icyuho gihari ni iyo baje (abakozi), baba bazi ibyo bize mu magambo nta bumenyi bwinshi mu kubishyira mu ngiro. Bidutwara imbaraga mu kubageza ku rwego tubifuzaho.”

Ikindi kikiba imbogamizi ni ubumenyi butigishwa mu ishuri, ubunyangamugayo, uko umuntu aganiriza neza umugana n’ibindi.

Uretse ikibazo cy’ubumenyi, ubushakashatsi bwakozwe mu gikorwa “Youth Think Tank’, cyitaye ku kumva ibitekerezo, bugaragaza ko hari n’abataramenya amahirwe ari mu bukerarugendo cyangwa abumva ko ababujyamo ari ukubura andi mahitamo y’akazi.

Aradukunda Peace, umwe mu rubyiruko wakoze muri ubu bushakashatsi yavuze ko n’abakoresha bafite ikibazo cyo kutizera urubyiruko, kuko iyo rubonye ahandi akazi ruhita rugenda.

Hamwe n’ibindi bibazo, MasterCard Foundation, ibinyujije mu mushinga Hanga Ahazaza watangijwe mu 2018, ifite intego yo kubisubiza, kandi hakanaboneka imirimo mishya 30,000 mu bukerarugendo mu gihe cy’imyaka itanu.

Umuyobozi wa Hanga Ahazaza, Rica Rwigamba, yabwiye IGIHE ko bufatanye na Minisiteri y’Urubyiruko, bafite intego yo kongera ubumenyi bijyanye n’ubukerarugendo.

Ati “Muri gahunda dufite harimo kwigisha abo banyeshuri ibikenewe ku isoko, gukorana n’abafatanyabikorwa nk’Ishuri Rikuru ry’u Rwanda ry’Imyuga n’Ubumenyingiro kugira ngo turebe ibijyanye n’integanyanyigisho zo mu mashuri yigisha ubukerarugendo, kugira ngo zihindurwe zigishe amashuri yigishe ibisabwa.

Yanavuze ko bari gukorana na Minisiteri y’Urubyiruko, bakanyura muri za “Yego Center” harebwa ubumenyi abashaka akazi bakeneye.

Rwigamba avuga ko usanga hari amahoteli menshi ariko hari indi mirimo mishya yahangwa. Nk’igihe habaye inama, abayitabiriye bakenera aho bidagadurira, aho bagurira ibikorerwa mu Rwanda n’andi mahirwe menshi yabyara akazi.

Yanavuze ko Hanga Ahazaza ifite gahunda yo gufasha abahanga imirimo y’ubukerarugendo kubona inguzanyo muri banki, bakabasha kwishyura mu buryo bwihariye.

Gahunda ya ‘Hanga Ahazaza’ izashorwamo miliyoni 50 $.

Ubuyobozi bwamuritse ubushakashatsi ku mirimo mu bukerarugendo
Bagize ibiganiro mu matsinda bavuga ku byavuye mu bushakashatsi
Minisitiri w'urubyiruko Rosemary Mbabazi, yakurikiranye ibyavuye mu bushakashatsi bwakoze ku rubyiruko mu bukerarundo
Umuyobozi Mukuru uhagarariye Mastercard Foundation mu Rwanda, Alemayehu Konde Koira
Umuyobozi wa Hanga Ahazaza, Rica Rwigamba (Iburyo)

Amafoto: Regis Nzeyuwera

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
StreetBoy 2018-09-15 04:54:34

Alex na Diddy, ubwo ese mwebwe mwatwemeza mute ko mushoboye, mugihe mwandika imirongo 4 nta “.†cyangwa “,†.

2
StreetBoy 2018-09-15 04:54:32

Alex na Diddy, ubwo ese mwebwe mwatwemeza mute ko mushoboye, mugihe mwandika imirongo 4 nta “.†cyangwa “,†.

3
Alex 2018-09-14 01:13:38

Turabizi ko kubona akazi mu Rwanda haterebwa ushoboye ahubwo harebwa ese woherejwe nande ubwo ninye president niwe uzajya akoresha ibizamini kugirango akazi kabone abagashoboye

4
Didy 2018-09-13 19:50:12

Biterwa nabo bafashe suko Bose bakagobye kunanirwa rwose muratuvuna mumutwe iyo dutekereje ubushomeri dufite hanyuma twajya guhatana hakajyamo abo muvuga ngo nibo batsinze hanyuma babagora ngo nibose badashoboye knd arimwe mwabashizeho !!! ntimukadusebye rwose turashoboyee

Kwamamaza