IGIHE

Kwihutisha SDGs nicyo kibazo cya mbere n’inshingano dufite nk’Abanyafurika-Perezida Kagame

1 14-06-2019 - saa 15:13, Cyprien Niyomwungeri

Perezida Paul Kagame yavuze ko umugabane wa Afurika utari mu nzira nziza zo kugera ku ntego z’iterambere rirambye (SDGs) mu 2030, ashimangira ko uburyo bwo kuzihutisha ari ikibazo n’inshingano z’Abanyafurika, nta wundi uzaza kuzibashyirira mu bikorwa.

Intego z’iterambere rirambye zivuga ko mu 2030 hazaba haranduwe ubukene, inzara, abaturage bafite ubuzima bwiza n’imibereho myiza, uburezi bufite ireme, uburinganire n’ubwuzuzanye bwagezweho, bafite amazi meza n’isukura, bagerwaho n’amashanyarazi, iterambere ry’ubukungu, inganda, guhanga udushya n’ibikorwa remezo, ubusumbane bwagabanyijwe, imijyi imeze neza, umusaruro wiyongereye n’ibindi.

Muri Nzeri 2015 nibwo Umuryango w’Abibumbye wemeje izi ntego 17 z’iterambere rirambye, nyuma y’uko hari hasojwe iz’ikinyagihumbi, MDGs.

Ku munsi wa gatatu w’inama yiga ku rugendo rw’imyaka itatu ishize izi ntego zishyirwa mu bikorwa, Perezida Kagame yagarutse kuri raporo y’ikigo cy’intego z’iterambere rirambye muri Afurika (SDGC/A), yerekana ko hafi buri ntego, uyu mugabane utari mu nzira nzira yo kuyigeraho mu 2030 ndetse ko n’abahagaze neza bari inyuma y’abandi ku Isi.

Umukuru w’Igihugu yagize ati “Ibi ariko ntabwo bikwiye kuduca intege mu gihe ikigero cy’impinduka zakozwe kiri hejuru. Twese tuzi aho Afurika irimo kuva ndetse n’intambwe dukwiye gutera ngo tuve aho turi. Icyakora, ku bipimo byinshi, intambwe yo gutera imbere yarahagaze cyangwa isubira inyuma”.

Perezida Kagame yavuze ko icya mbere ari ukugira imitekerereze myiza yo kumva ko ‘intego z’iterambere rirambye ari mpuzamahanga kandi zifite icyo zigamije kuko zashyizweho kugira ngo zikoreshwe n’ibihugu mu nzego zose z’iterambere ry’ubukungu’.

Yavuze ko kugera kuri SDGs bisobanuye kugera ku rwego rwiza rw’uburumbuke n’imibereho myiza, atari gusa kurandura ubukene bukabije, bityo bikaba bikenewe ko Afurika ibifata nk’ikibazo n’inshingano z’ibanze ifite.

Ati “Inkunga z’ibijyanye n’iterambere ntabwo ziyongera ndetse birumvikana ko bizakomeza gutyo. Ishoramari ry’amahanga naryo ntirizamuka. Ku rundi ruhande ariko kwihutisha kugera kuri SDGs ni cyo kibazo cya mbere n’inshingano dufite nk’Abanyafurika.”

Raporo ya SDGC/A yerekana ko Afurika ifite icyuho mu gutera inkunga ishyirwa mu bikorwa ry’intego z’iterambere rirambye (SDGs), aho hakenewe nibura miliyari hagati ya 500 na miliyari 1200 z’amadolari ku mwaka.

Perezida Kagame yavuze ko gukorana n’abafatanyabikorwa n’abandi bose bireba ari ingenzi ariko mbere na mbere ari iby’abanyafurika. Yakomeje avuga ko amafaranga aturuka mu banyafurika baba mu mahanga (diaspora), ari umutungo uyu mugabane wakura ahandi ukawufasha.

Ikigo cy’intego z’iterambere rirambye muri Afurika giherutse gutangaza ko nyuma y’imyaka itatu umugabane wa Afurika utangiye gushyira mu bikorwa intego 17 z’iterambere rirambye (SDGs), imbaraga nyinshi zigiye gushyirwa mu burezi, ubuzima n’ubuhinzi kuko byagaragaye ko ari ishingiro ry’izindi ntego.

Perezida Kagame yashimye iki gitekerezo, avuga ko gushyiraho ibigega bya Afurika by’uburezi, gukoresha umutungo w’amazi mu buhinzi n’iterambere ry’ubuzima bikwiye cyane.

Ati “Ni amahirwe yo gukorana n’abafatanyabikorwa ba Afurika mu buryo bushya mu mishinga ikora ku buzima bw’abahinzi, imiryango n’amashuri y’abana”.

Umuyobozi Mukuru wa SDGC/A, Dr Belay Begashaw, na we yashimangiye ko nta wundi uzafasha Afurika kugera ku ntego z’iterambere rirambye, ko byose bireba abatuye uyu mugabane.

Yifashishije umugani w’Ikinyarwanda ugira uti “Ak’imuhana kaza imvura ihise”, Dr Begashaw, yavuze ko Abanyafurika ari bo bakwiye kujya muri iyo mvura, bishatse kuvuga ko ibibazo byabo bagomba guharanira kubyikemurira ubungubu.

Ati “Ibisubizo byose bihamye ku gutera inkunga gahunda z’iterambere rirambye muri Afurika, zizabyara umusaruro kandi zizane impinduka mu gihe zizaba zakorewe muri Afurika. Ubufasha mpuzamahanga burakenewe ariko buzabyara umusaruro mu gihe mu gihe atari bwo shingiro ryo kugira icyo tugeraho”.

Umuyobozi wa Komisiyo ya Afurika yunze Ubumwe (AU), Moussa Faki Mahamat, yavuze ko uruhare rw’abikorera mu ntego z’iterambere rirambye n’Icyerekezo 2063 cya AU, rukenewe mu kubitegura, kubishyira mu bikorwa, kubikurikirana no mu kugenzura niba byarageze ku ntego.

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Nyamagabe 2019-06-16 03:06:54

I think what the President is saying is correct frica still behind in meeting SGs goals, but I think leaders are not on the same at the level they understand what SGs is, what it means, what the objectives are, once understood that the whole planning must be in line with 17 goals include, from there they will come to know how to evaluate themselves in reaching out to the expectations by 2030.
Howver, since 2015, the SDGs are in place but I doubt if even where it has been in implemented, people really know what it is ? Are Leaders at all level understand it ? We still have more 10 years to go I think a lot of effort must put in place to crate awareness about the SGDs, countries translating it in their local language, youth been told about it because, they are future leaders, Women being included, PWDs etc.. otherwise reaching them without clear strategies based on the guidelines given by UN will be hard.
In Rwanda we are trying but let us do more and make them know country wide.Thus by designing program and projects in line with SGDs. If we do not plan carefully even Agenda 2063 : Africa we want: wil be hard to reach too because it works hand in hand with SDGs.Good Luck Rwanda let us together move ahead

Kwamamaza