Kicukiro: Umunyeshuri arashinja umwarimu kumukubita akamukomeretsa amuziza ko yanze gusenga

48 7-11-2018 - saa 13:36, Thamimu Hakizimana

Umunyeshuri wiga mu mwaka wa Gatatu w’amashuri abanza, muri Ecole Mère Agathe riherereye ku Kicukiro, arashinja umwarimu kumukubita irate akamukomeretsa mu mutwe amuziza ko yanze gusengana n’abandi.

Mu gitondo cyo kuwa Mbere nibwo ngo uyu mwarimu yakomerekeje uyu mwana w’imyaka umunani.

Uyu munyeshuri ubusanzwe asengera mu bahamya ba Yehova. Yabwiye IGIHE ko mwarimu we yamukubise kuko yanze kujya gusengana na bagenzi bo muri Kiliziya Gatolika no kuririmba indirimbo zo muri iyi kiliziya kuko Se yabimubujije.

Ati “Baraje baratubwira ngo dusenge noneho kuko Papa yabimbujije ndanga ankubita irate mu mutwe mpita mva amaraso.”

Umwarimu ushinjwa gukubita no gukomeretsa umunyeshuri, arabihakana ndetse akavuga ko atiyumvisha impamvu uyu mwana amubeshyera kuko atigeze anakandagira muri iryo shuri icyo gihe umwana avuga ko yakomerekejwe.

Ati “Icyo gihe agwa njye nari mu rindi shuri turi gutegura ibijyanye n’ibizamini.”

Umuyobozi wa Ecole Mère Agathe, Nzale Kahindo Lucie, yahakanye yivuye inyuma ko uyu mwana yakubiswe, yemeza ko yaguye hasi bimuviramo gukomereka.

Ati “Ntabwo bamukubise arabeshya ahubwo yari arimo gukina n’undi mwana witwa Rukundo mu ishuri aragwa ahita akomereka ariko nta mwarimu wamukubise.”

Yongeyeho ko nyuma y’aho Se w’uyu mwana asobanuye ko adashaka ko asengera ku ishuri, byubahirizwa nk’uko n’ubusanzwe ntawe uhatirwa gusenga. Ashimangira ko ikigo ayobora kitavangura kuko cyigamo abanyeshuri baturuka mu madini atandukanye.

Mu nama yahuje ubuyobozi bw’ikigo, umubyeyi w’umwana n’umwarimu bivugwa ko yamukubise, bagiye kubaza abandi banyeshuri uko byagenze bose bemeza ko yarimo gukina mu ishuri n’undi mwana, akagwa intebe ikamusharura.

Ntagungira Aimable ubyara uyu mwana wari wagaragaje uburakari mbere, ndetse yabwiye ubuyobozi bw’ikigo ko yagejeje ikirego ku rwego rw’igihugu rw’ubugenzacyaha, akaba ategereje ubutabera.

Minisiteri y’uburezi kimwe n’izindi nzego zirengera umwana bemeza ko guhana umwana atari ukumukubita ahubwo byanyuzwa mu zindi nzira zitabangamira umubiri we, imitekerereze ye n’ubuzima bwe muri rusange.

Uburyo umwana yemeza ko yakomerekejwemo na mwarimu we kuko yanze gusenga
Ishuri Mère Agathe umwana yigaho
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2 | 3 | 4 | 5  

1
Abdon 2018-11-12 01:12:35

Abafata ibyemezo n’ibihano mujye mushishoza nyamuneka!njye ndi umwalimu umwana w’umunyeshuri aherutse kurwara agezwayo mukuzanzamuka akavugako aringe wamukubise mu mutwe kandi nge sinamuzi pe ababyeyi bahise bahamagara ubuyobozi bwose ndetse nange bakampamagara ariko nkababwirako Muganga niyemezako yakubiswe tuzabiburana!ubu yarakize twaranahaniriye ambwirako atazi uko byaje

2
Uwineza 2018-11-08 15:52:55

None se abahamya nabo bajya batanga ibirego mu buyobozi ? Bakagombye guhita batanga imbabazi kuko guhagarara mu rubanza byabagora kandi bafite ububasha bwo kwemeza ko rudakenewe.

3
maniraguha damasente 2018-11-08 14:48:48

Andika hano niba uwomusirikare koko yabarashe ahanwe namategeko bikwiye

4
Natal 2018-11-08 12:29:49

None se hari uwagiye koshya abana bose ngo bajye ku ruhande rwa mwarimu? Uyu mwana nawe ashobora kuba ari kadurumbanya, bibaho hari abana babeshya cyane.

5
ABDUL 2018-11-08 09:50:38

Niba babajije abana uko byagenze, bose bakemeza ko yakomeretse akina n’undi, ikibazo ni ukumenya impamvu ubuhamya buhabanye!

6
Theos 2018-11-08 09:13:38

None se niba umwana yacyinaga n,undi ikibazo n,ikihe? Ndumva abana bigaho bose hatabura mo abavugisha ukuri reka tureba icyo iperereza rizageraho. Gusa byaba bibabaje uwo murezi yarakimerekeje uwo mwana ark nanone bikaba agahomamunwa uwo mubyeyi arimo gukoresha uwo mwana mu gikorwa nk,icyo cyigayitse cyo kubeshya.

7
Rwema 2018-11-08 04:51:09

@Hitimana ubu nkawe uravuga ibiki?Amadini yaradusajije neza neza

8
Mahoro 2018-11-08 04:44:08

Igihe.com mu bunyamwuga bwanyu muzatubwire ikizaba mw’iperereza.Biteye amatsiko

9
Nti 2018-11-08 04:36:25

Ariko kuki communication yabuze hagati yabantu koko, uyu mubyeyi kuki atahamagaye ishuri mbere yuko yirukankira mu itangazamakuru no kuri RIB? Yakumva atanyuzwe akajya yajya aho ngaho hose ko mbona nagasebe kadakanganye cyane. Okey reka dutegereze

10
Oroha Muntu 2018-11-08 03:14:34

Gukubita birimo gukomeretsa byo ni amakosa ariko na none abantu nibige kubahiriza amabwiriza cg se uburenganzira bw’ibigo, IMYIZERERE ni iyo kwitondera kandi ntampamvu yo guhindurwa cg kuganzwa n’ugukeneye agambira kukuvana kubyo wizera. Buri wese ajye akora ubushishozi mbere yo gufata icyemezo kugirango niyiyemeza kujya mukintu akijyemo yubahiriza amahame ahasanze. Ngo : Ugiye iburya sazi, azirya bunguri. Urugero : Ugiye kwiga mu mashure ya Islam, ntabwo uzazana ibyo guhita kwiga BIBLE cyangwa se kwambara uko ushatse, cyane ku umukobwa.

Paji: 1 | 2 | 3 | 4 | 5  

Kwamamaza