Ishimwe rya Dr Rufuku ku burenganzira bw’Umunyarwanda mu miyoborere y’igihugu

2 13-09-2018 - saa 11:25, Ishimwe Israel

Mu myaka ya 1980 hari indirimbo zahangwaga, abantu bakabyina amahoro n’iterambere, bikanigishwa muri perefegitura zose z’u Rwanda ariko ntayo bari bafite.

Ikimenyetso kibigaragaza ni uko mu myaka 14 yakurikiyeho igihugu cyaguye mu kangaratete ka Jenoside yakorewe Abatutsi mu 1994, yahitanye ubuzima bw’abasaga miliyoni mu mezi atatu.

Yateguwe, inashyirwa mu bikorwa n’ubutegetsi bubi bwariho.

Leta y’ubumwe bw’Abanyarwanda imaze kubohora igihugu, yashyizeho politiki idaheza abaturage mu iterambere ribagenewe.

Kuva ku b’imbere mu gihugu n’abo hanze, bemererwa uruhare mu kugena imiyoborere y’igihugu binyuze mu gutora abayobozi bababereye.

Dr Rufuku Charles ni Umunyarwanda umaze imyaka 30 muri Amerika. Atuye mu Mujyi wa South Bend muri Leta ya Indiana.

Ubwo yamaraga gutora abadepite bazahagararira rubanda mu Nteko Ishinga Amategeko mu myaka itanu iri imbere (yabaye ku wa 2 Nzeri 2018) yabwiye One Nation Radio ko yishimira uburenganzira bwimakajwe bwo kugena uko igihugu kiyoborwa.

Dr Rufuku yagiye muri Amerika ahunga ubutegetsi bubi. Ashima Umuryango wa FPR Inkotanyi wamubereye ubwugamo ukamusubiza agaciro akwiye nk’umwenegihugu.

Yagize ati “Mbere tukiza ntabwo twari dufite uburenganzira bwo gukorana n’ubuyobozi bwacu; ubu twemerewe gutora abaduhagararira. Ibyo rero ni ishema rikomeye cyane, tuza aha tubyishimiye.”

Yagaragaje ko kuba Abanyarwanda bari muri Amerika n’ahandi ku Isi bafite uburenganzira bwo kuganira n’abayobozi no guhitamo uburyo igihugu kiyoborwa ari ishema. Byerekana ko ibyo baharaniye mu myaka 24 ishize byatanze umusaruro.

Icyegeranyo kigaragaza ishusho y’imiyoborere mu Rwanda (Rwanda Governance Scorecard ) cyakozwe na RGB mu 2016, cyagaragaje ko inkingi y’umutekano ari wo shingiro ry’amahoro ifite amanota 92,62% muri rusange mu gihe Ubumwe, Ubwiyunge n’Imibanire y’abantu byari bifite amanota 87,11%.

Dr Rufuku yashimangiye ko kwishimira intambwe igihugu cyateye kiva mu bihe bikomeye, bigaragaza umurunga ukomeye w’ubumwe Abanyarwanda bubakiyeho.

Yagize ati “Igihugu cyacu kidutera ishema. Ntidushobora gusubira inyuma kuko tuzi ko ibyo twagezeho twabirwaniye kuva kera. Twashyigikiye igihugu cyacu mu bihe bikomeye kandi tubona umusaruro ari mwiza.”

Yakomeje ati “Guhura no kwishimana nk’Abanyarwanda ni ibikorwa bitwemeza ko tutacitse ku gihugu cyacu ahubwo twakomeje kujyana nacyo.”

Yasabye Abanyarwanda kutibagirwa igihugu cyabibarutse no gutoza ababakomokaho isoko bavomaho no gukomera ku muco gakondo.

Dr Rufuku Charles w’imyaka 70, afite umugore n’abana batatu. Yitabira ibikorwa by’Umuryango RPF Inkotanyi, Rwanda Day n’ibindi bihuza Abanyarwanda baba muri Amerika.

Dr Rufuku n'umugore we
Dr Rufuku n'umuryango we ubwo bari bavuye gutora
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Kamina 2018-09-13 14:07:38

Ngo nta mahoro yabaga mu Rw muri 1980? Ntitugakabye kabisa . Akarere k’ibiyaga bigari kari gatekanye bihagije harimo n’u Rwanda. Ibintu byatangiye kuba bibi mu myaka ya88 nyuma ya sommet de la Baule n’isibaniro hagati ya monde francophone na anglosaxon.abafransa barashaka kugarura ubukoloni bwabo abandi nabo barashaka natural resources mu muri aka Karere. Akarere k’ibiyaga bigari kazagira amahoro kigobotoye politiki ya mpatsibihugu.u Rwanda ntirwagira umutekano abaturanyi batawufite. Igisubizo ni ugushyira hamwe bose bagaharanira umutekano w’akarere apana kwireba nk’igihugu.Ikindi guca ukubiri na politiki ya mpatsibihugu. Ikibazo ni I kumenya niba twese dufite icyerekezo kimwe.

2
Kamina 2018-09-13 14:07:36

Ngo nta mahoro yabaga mu Rw muri 1980? Ntitugakabye kabisa . Akarere k’ibiyaga bigari kari gatekanye bihagije harimo n’u Rwanda. Ibintu byatangiye kuba bibi mu myaka ya88 nyuma ya sommet de la Baule n’isibaniro hagati ya monde francophone na anglosaxon.abafransa barashaka kugarura ubukoloni bwabo abandi nabo barashaka natural resources mu muri aka Karere. Akarere k’ibiyaga bigari kazagira amahoro kigobotoye politiki ya mpatsibihugu.u Rwanda ntirwagira umutekano abaturanyi batawufite. Igisubizo ni ugushyira hamwe bose bagaharanira umutekano w’akarere apana kwireba nk’igihugu.Ikindi guca ukubiri na politiki ya mpatsibihugu. Ikibazo ni I kumenya niba twese dufite icyerekezo kimwe.

Kwamamaza