Ingabire Victoire yemereye RIB ko hari amategeko y’igihugu atari asobanukiwe

39 9-10-2018 - saa 14:40, IGIHE

Ingabire Victoire yemereye Urwego rw’Igihugu rw’Ubugenzacyaha, ko hari amagambo yakoreshaga atari ngombwa bitewe no kudasobanukirwa neza amategeko y’igihugu.

Mu gitondo cyo kuri uyu wa Kabiri, Ingabire yitabye RIB kugira ngo baganire ku magambo aherutse gutangaza cyangwa se yamwitiriwe abusanya n’ibikubiye mu gitabo cy’amategeko ahana ibyaha mu Rwanda.

Ibiganiro byagarutse ku kuba guhamywa ibyaha kwa Ingabire bifatwa nk’ibishingiye ku mpamvu za ‘Politiki’ no kugaragaza abandi ‘nk’imfungwa za politiki’.

Iri tangazo rigira riti “By’umwihariko yibukijwe ko kwiyita cyangwa kwita abandi imfungwa za politiki, harimo ndetse n’abakiburana cyangwa abahamijwe ibyaha, ari ugukwirakwiza ibinyoma kandi ko ari icyaha gihanwa n’amategeko.”

Ubwo Diane Rwigara n’umubyeyi we bafungurwaga, Ingabire yabwiye abanyamakuru ko mu Rwanda ‘hari abanyapolitiki bafunzwe […] nta mpamvu n’imwe igihugu cyacu cyakomeza kwambikwa icyasha cy’uko dufite imfungwa za politiki’.

Mu bisobanuro bya Ingabire, RIB yagize iti “Yasobanuriye RIB ko ibyo yakoze ari ku bwo kutagira ubumenyi buhagije mu by’amategeko cyangwa kugirwa inama mbi.”

“Yanemeye ko agiye gukurikiza ibisabwa n’amategeko. Yabwiye RIB ko hari abantu bakoresha imbuga nkoranyambaga zimwitirirwa cyangwa se bakajya mu bitangazamakuru bakoresheje izina rye bagamije guharabika no gusebya Leta, bikaba binasebya izina rye bwite.”

RIB yavuze ko ibi biganiro byabaye mu mwuka w’ubwumvikane busesuye, bikarangira Ingabire yemeye ko yiteguye gutanga umusanzu we mu mahoro mu iterambere ry’igihugu.

Yanavuze ko hari gutegurwa uburyo abana be baza kumusura mu Rwanda binyuze muri gahunda ya ‘Ngwino Urebe, ujye kubwira abandi’ [Come and See, Go and Tell"].

Ingabire Victoire aherutse kumvikana avuga ko mu Rwanda hari imfungwa za Politiki
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2 | 3 | 4  

1
umusomyi sarah 2018-10-12 02:31:03

Nyakubahwa Perezida wa Repubulika wagize neza gufungura uyu mugore ariko nawe nagaragaze ubwitonzi, gusa turagusaba ngo udukurireho umuyobozi wa Gereza ya Karubanda/Butare kuko ibyo akorera abagororwa ntawabura kuvuga ko ari ukwihorera mu byabaye muri genocide, aho usanga umukecuru wagemuye ibiryo yaciye inshuro bamwirukana ngo nabanze ajye kumena ibyo yagemuye kugirango bigabanuke n’ibindi.......

2
Andreya Rudatinya 2018-10-11 03:51:34

Eheee!
Ingabire arajijisha!
Ngo ntazi amategeko y’Urwanda! Nibyo yavugiye ku rwibutso ntiyarabizi!
None se ko azazana abana be azabazana mu gihugu atazi uko kiyoborwa kigendeye ku mategeko ariho!
Burya sibuno di!

3
[email protected] 2018-10-10 08:34:33

Ariko uwo mugore wibigambo gusa byamatiku mubona yamarira iki igihugu,ubuse ibyo yarogombwaga yarabyibagiwe,yewee ahaa uwo muntu ni kazarusenya sinzi nimpamvu itangazamakuru rimutaho umwanya

4
jerome 2018-10-10 08:02:05

Andika hano: kanayoge sinkututse ark urumutswa sana kbx. ahubwose woe Niki atakurusha woe utazwi no mukagari? ubwoc ufite impamyabumenyi zingahe? wasanga usoje S6 ukumva ko haricyuzi muvandi apana simushimye kuko ntakiza yatugejejeho ark nawe ntacyo nkushimwe!!!!

5
Aly 2018-10-10 05:59:32

Uyu mubyeyi mukunda cyane iyaba twarikuzahura nkanamwisuhuriza

6
KOMERA 2018-10-10 03:35:24

Tuvuge yuko INGABIRE victoire atari umunyapolitiki kuki RIB imutumira ugasanga ibinyamakuru amaradiyo, ibinyamakuru byadikwa biravuga iyo nkuru za comentaires zikaba nyinshi igihe cyose bavuze INGABIRE.
RIB itumira INGABIRE nk’iki mu RWANDA ?cyangwa se tujye tuvuga yuko INGABIRE ari UMUSTAR kuko
president wacu KAGAME aherutse kubivuga mu intekishingamategeko.
ari RIB cyangwa uyu munyamakru wandika iyi nkuru ari INGABIRE ubwe ... Abanyarwanda muzatwemeza iki kuri
INGABIRE VICTOIRE si umunyapolitiki ni umusitar,
nyamara bavuga yuko uburyo bwo guhakana ikintu abantu bazi ni ubundi buryo bwo kukibatsindagiramo mu mitwe yabo..... ngayo nuko ....

7
uwayo 2018-10-09 23:46:34

ajye avuga ko ari umunyepolitiki wo mu mahanga apana uwa hano byo menya bizaba bikurikije amategeko ariko kuba atarajya ku rutonde rwacu rw’abafite amashyaka nkuko byanditswe na RGB yitonde ariko nibarize ko hari abategetsi hano tuzi badafite amashyaka nka mushikiwacu,evode,...buriya kubita abanyepolitiki ni icyaha,cg abadepite batowe bahagarariye abagore,urubyiruko,abamugaye mbese umuntu adahagarariye ishyaka ntabwo yakwitwa umunyepolitiki?MUDUSOBANURIRE WA MUGANI TUTAJYA TUBYITIRANYA

8
ukuri 2018-10-09 23:08:27

Ibi ni byiza cyane. Yigiraga ama ki se? Niyizanire umugabo nabana maze dufatanye kubaka igihugu. Ureke ba Twagiramungu birirwa bamushuka

9
Ruzindana 2018-10-09 20:10:37

Ese RIB ko ari ubugenzacyaha yahindutse ryari urwego rwo gusobanura ibya politike ? Ibyo umuntu avuganye na Rib biba birebana n ibyo ashinjwa mu bushinjacyaha.Kuki Rib ibitangaza mu binyamakuru ? Ingabire niyemerako nta mfungwa za politike ziri mu Rwanda azaba yiyahuye kandi yicishije n abo bafunganywe bamuzira.Ikindi wakwibaza igituma leta irwanira cyane kumvikanisha ko nta mfungwa za politike ifite.Ibyo ni ikimenyetso simusiga cya pressure ibabwira gufungura imfungwa n urubuga rwa politiki.

10
Bimawuwa 2018-10-09 17:16:42

President icyemezo cyo kurekura uyu mugore warihuse cyane yaragikeneye ikindi gihe abanze yige isomo neza naho ubu ntabwo yumvishije uburoko neza

Paji: 1 | 2 | 3 | 4  

Kwamamaza