Hagaragajwe amacakubiri mu madini, muri ADEPR no mu ba Méthodiste haboneka ashingiye ku moko

44 5-11-2018 - saa 19:42, Ferdinand Maniraguha

Komisiyo y’Igihugu y’Ubumwe n’Ubwiyunge yatangaje ko mu icukumbura yakoze mu madini mu Rwanda, hari aho yasanze amacakubiri ashingiye ku moko nko muri ADEPR no muri Eglise Méthodiste Libre au Rwanda (EMLR).

Byatangajwe kuri uyu wa Mbere ubwo iyo Komisiyo yagezaga ku Nteko Rusange ya Sena raporo y’ibikorwa byayo by’umwaka wa 2017-2018 na gahunda y’ibikorwa by’umwaka wa 2018-2019.

Perezida wa Komisiyo y’igihugu y’Ubumwe n’Ubwiyunge, Musenyeri John Rucyahana yavuze ko mu byakozwe umwaka ushize harimo icukumbura ryimbitse ku bumwe n’ubwiyunge muri imwe mu miryango ishingiye ku idini.

Yavuze ko muri ayo madini hari ahagaragaye ibibangamira ubumwe n’ubwiyunge ku gipimo kirenga 10%.

Muri yo harimo Itorero ADEPR, Eglise Méthodiste Libre au Rwanda n’Umuryango w’Abayisilamu mu Rwanda.

Mu Itorero EMLR na ADEPR hagaragaye ibibazo by’amacakubiri ashingiye ku moko naho muri Isilamu hagaragaye kutumvikana ku buryo bwo gushyiraho ubuyobozi n’uburyo bwo gusenga.

Senateri Ntawukuriryayo Jean Damascène, yabajije impamvu baterekwa abanyamadini bahaniwe amacakubiri kandi ari ibyaha bihanwa n’amategeko y’u Rwanda.

Yavuze ko abanyarwanda basa n’abatinya amadini ku buryo nta we uyacyaha igihe yagaragayemo amacakubiri.

Ati “Iyo ufashe nk’ibibazo byo muri EDPR, abayisilamu na EMLR ni ibibazo byatangiye kuvugwa no mu mwaka wa 2010. Umuntu yabaza igihe sosiyete y’u Rwanda ikumira.”

Yakomeje agira ati “Harimo ikintu gikomeye cyo kuvuga ngo niba uvangura abanyarwanda ushingiye aho baturutse, ugashingira ndetse no ku idini kandi Itegeko Nshinga ribibuza, kuki tutabahana? […] Kubera ko bigera ku iyobokamana twese tugafunga amaferi.”

Rucyahana yavuze ko akazi ka Komisiyo ari ukugaragaza ibibazo bishobora kubangamira ubumwe n’ubwiyunge, inzego zishinzwe gukurikirana nazo zigakora akazi kazo.

Yagize ati “Nta munyarwanda uri hejuru y’amategeko, nta n’umwe wari ukwiriye gukora amakosa utari ukwiriye kubihanirwa. Ikibazo kiri mu mikurikiranire y’ikibazo n’icyaha cyakozwe. Komisiyo icyo ikora ni ukugaragaza ikibazo”.

Islam yagiye ivugwamo ibibazo byo kutumvikana ku buyobozi kubera ko bamwe batemera ko iyoborwa n’abayobozi baturuka mu ishyirahamwe AMUR. Hagaragaye kandi kutumvikana hagati y’aba Shia n’aba Sunni n’ibindi.

Muri ADEPR naho hakunze kuvugwamo ibibazo bishingiye ku miyoborere, imikoreshereze y’umutungo n’ibindi byatumye bamwe mu bayobozi bayo batabwa muri yombi umwaka ushize.

Mbere yaho nabwo hari havuzwemo amacakubiri ndetse bamwe bashinja abandi gukorana n’abanzi b’igihugu.

Perezida wa Komisiyo y'igihugu y'Ubumwe n'Ubwiyunge, Musenyeri John Rucyahana yagaragarije Sena ko hari ibibazo mu bumwe n'ubwiyunge mu madini
Inteko rusange ya Sena yagejejweho raporo ku bikorwa by'ubumwe n'ubwiyunge
Visi Perezida wa Sena Ushinzwe amategeko, kumenya no kugenzura ibikorwa bya Guverinoma, Harerimana Fatou ni we wayoboye Inteko Rusange kuri uyu wa Mbere
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2 | 3 | 4 | 5  

1
kanuma 2018-11-07 21:41:38

ariko amoko ugirango yava mubanyarwanda ahubwo kariho afata indintera burimuntu akimenya . ibyubu biruta ibyakera. ariko naru cahana akiri musenyeri ibyamoko yabigenderagaho yaratoneshaga cyane .kereka niba yarabiretse

2
rk 2018-11-07 09:50:20

Aho hari amacakubiri ni mw’idini, naho mw’itorero ho ntamacakubiri ahari.

3
Ukuri 2018-11-07 04:15:09

Inzira iracyari ndende muri raport zitangwa ku rwego rwigihugi iyo hagaragazwa uko ibintu runaka byifashe mu baturage no mu bayobozi muri gahunda zo kuzamura iterambere ry’igihugu cyacu.

Impamvu mbivuze nuko usangamo ibitaro ukuri byinshii,

Urugero nkiyi Raport ya comusion yubumwe nu bwiyunge iragaragaramo kubogama cyaane ndetse no kutavugisha ukuri.

Gufata amadini atatu gusa akaba ariyo utangaho raport kandi tuzi neza ko atariyo yonyine ari mu rwanda,
Iki ni kibazo gihita kigaragaza kubogama no kutavugisha ukuri,
Ikindi ubu haru munyarwanda uyobewe uburyo abayobozi ba za Kiriziya Gatorika benshi muri bo bagambaniye imbaga y’abatutsi babaga bahungiye kuri za kiriziya bakahicirwa...?
Ababicaga se abenshi si abiyitaga ko ari abakristu babatijwe kandi banahawe za Karistiyo?

Ubuse ninde uyobewe amacakubiro ari miri Adiventiste nayandi mwitangwa ryakazi no guhsyiraho ubuyobozi,...

Nyakubahwa President wacu Kagame aracyafite akazi gakomeye,
Imana imube hafi.

4
Kaot 2018-11-07 04:00:58

Ikibazo gihari niki mwemera ko murwanda hari abahutu ,abatutsi ndetse nabatwa niba mubyemera hakwiye kwigishwa kuburyo tubana mumahoro ntawubangamiye undi malgre la difference dihuriye kugihugu kimwe yewe nimico ijya gusa’ ururimi rurasa so ibyo birahagije ngo abantu babane munahoro twubake igihugu kiduhuza naho niba nka komision mwigisha ko ntamoko murwanda muzahora muhura nizo challenge kuko mumitima yabantu nibyo byibereyemo mumadini rero ninkahandi ntibyabura twarabibonye icyo christianism yatuzaniye urwango gusa so kbsa ntanubwo ari 10% gusa jye navuga ko ari nka 40%

5
RKUS 2018-11-07 03:05:20

Ngira ngo ya commission y’ubumwe n’ubwiyunge ifite ikibazo gikomeye kuko ira dealinga na VIRUS y’amoko iruhije cyane , ihora ihindura isura kandi yihisha ahantu henshi hanyuranye. None se nawe wakeka ute ukuntu mu church, "URUSENGERO" ariho hantu havumburwa iyo virus y’amoko. Igisambo gihishwe na police. Aba nibo bagafashe iyambere mukurwanya iyi BARINGA yatumazeho abantu none umva ko nabo virus yabashegeshe.
Ariko rero aya moko nitutayarimbura tuyahereye imuzi azatuzanira ibibazo byinshi, kuko na n’ubu ntiturayavugaho rumwe kuko abantu benshi ndetse nabo utabikekaho barakemera ko ubututsi, ubuhutu n’ubutwa ari amoko bakirengagiza amoko nyayo y’abanyarwanda. Mugihe rero tutaravuga rumwe kuri iyi BARINGA ngo tuyirukankanire hamwe izagaruka yongere ituyogoze. Sinanze ko abanyarwanda mugutura u Rwanda bafite aho baturutse mbere yo guhurira hariya ariko ntawaje n’umwe afite bumwe muri buriya bwoko butatu. Iki kintu nigikorweho ubushakashatsi bwimbuitse . Niba ari n’ingufu Leta izishyiremo ariko gisobanuke kuko dukeneye kubaka igihugu gifite foundation itajegejega. Uyu mwanda rero tutawujugunye wazongera ukatuzanira ibibazo.
Ikindi haracyari ababyeyi bareba nabi ndetse badatinya no kubuza abana babo gushakana n’abo bashaka ahanini bitsitsa kuri ya BARINGA navuz haruguru. Nibasigeho kuko intermariages nazo ziri mu bizatuma abanyarwanda barushaho kuba umwe , ahubwo jye mbona abo bana bakwiye guterwa inkunga. Ababyeyi ntimukabakange cyangwa ngo mubahindure uruvugiro nta kosa na rito baba bakoze , ahubwo kugira ngo babane baba basimbutse ibi bibazo byose twibaza. Bye.

6
Kanyankore 2018-11-07 01:01:26

Si aho gusa hari amacakubiri kuko no mu Itorero Anglikani (EAR ) cyane muri EAR/Diocese SHYIRA naho bakoresha ikimenyane cyane kuburyo bugaragara (irondakoko) aho bamwe bahabwa akazi badakoze ikizame,nigute umuntu yaza uyu munsi akakirwa mu Itorero ejo mu gitondo agahabwa akazi mugihe hari abandi basanzwe baririmo batagahambwa ?????? ahumbwo ruswa yarabamunze kubona ruswa igaragara no mu bakozi b’Imana turasaba Leta kutuba hafi ikore ubugenzuzi muri EAR ya SHYIRA.

7
fadi 2018-11-07 00:39:53

Iyi commission ntabwo ibeshya nka methodiste rwose birimo aho bafata itorero nkakarima babo ubihakana abaze ndayisaba fider cyangwa se TV 1 ahubwo abo bireba nibatabare !

8
yaya 2018-11-06 22:10:43

,twumvise KO ndayisaba fidere yari yajyiye iRusizi _kamembe muri méthodiste Niba byarabahamye bakurikiranwe

9
chantal 2018-11-06 21:15:03

Ibyiyiraporo uvuganukuri rwosedukeneyukuri mugihedukomeje ibinyoma namacakubiri icyenewabo turabakozi b, Ilmana turaganahe?
abakorubushakashatsi
muzajye muburasirazuba
mu zabonuburyo amadiniyasigayinyuma
mubwiyunge

10
Habineza 2018-11-06 14:25:54

Ibibazo bili mu madini ntimuzibeshye ko hali umuti wabyo muzabona kuko mu gihe cyo kubicoca nta numwe uzatinyuka kuvugisha ukuli kandi niyo mwakulikirana muzasanga halimo gukurura buli wese ashaka kwishyira,cyangwa se nihaboneka umunyamakosa abe ali indakoreka. Urugero nka Musenyeri Rucyahana ateje amacakubili mu Itorero ayoboye mwaherahe mu kumuhana???Hali aho usanga idini litakili ryo ahuhwo ali ishyaka rya FPR....

Paji: 1 | 2 | 3 | 4 | 5  

Kwamamaza