France 24 yongeye kotswa igitutu kubera ifoto y’abasirikare b’u Rwanda

13 13-09-2018 - saa 12:39, Rabbi Malo Umucunguzi

Ibinyamakuru by’Abafaransa byongeye kotswa igitutu kubera gukoresha ifoto y’Ingabo z’u Rwanda ziri mu butumwa bw’amahoro, ku nkuru igaruka ku bihano biteganyirizwa abari muri ubu butumwa bagaragaza imyitwarire idahwitse bakananirwa kurengera abasivili.

Ni isanisha ridakwiye nk’uko abakoresha imbuga nkoranyambaga babigarutseho, kuko mu gihe nk’Ingabo z’Abafaransa ziri mu butumwa bw’amahoro zikomeza gushinjwa ibyaha, iz’u Rwanda ntizihwema kwambikwa imidali y’ishimwe kubera uburyo zinoza inshingano zazo.

Ifoto yazamuye ikibazo yakoreshejwe ku nkuru y’Ibiro Ntaramakuru by’Abafaransa (AFP) yatambukijwe na France 24.

Ivuga ko Leta Zunze Ubumwe za Amerika zateguye umwanzuro w’Akanama k’Umuryango w’Abibumbye Gashinzwe Umutekano, ugamije guhana abari mu butumwa bw’amahoro bananirwa kurinda abasivili.

Uwo mwanzuro watangajwe na Ambasaderi wa Amerika mu Muryango w’Abibumbye, Nikki Haley, uteganya kwirukana intumwa, gusimbuza umutwe wose no guhagarikirwa imishahara ya Loni ku basirikare bagaragayeho imyitwarire mibi.

Ibi bihano ntibyahise byakirwa n’ibihugu bitanga ingabo mu butumwa bw’amahoro, u Bushinwa n’u Burusiya bisaba ko ibitekerezo byabyo byitabwaho, hagashyirwa imbaraga ku kuzamura imyitozo y’aboherezwa mu butumwa aho kuba ibihano.

Gukoresha ifoto y’ingabo z’u Rwanda ku nkuru nk’iyo byababaje benshi, bashingiye ku buryo ingabo zarwo zihagaze mu butumwa bw’amahoro, nyamara abafaransa bagakoresha ifoto yazo aho kwifashisha iy’Abafaransa bo bafite ibyo baregwa.

Yolande Makolo yagize ati “Indi nkuru ya @AFP ku myitwarire y’intumwa z’amahoro, yatangajwe na @FRANCE24 nanone yakoresheje intumwa z’u Rwanda, zidafite aho zihuriye n’iyo myitwarire mibi. Kubera iki?”

Mirindi Jean de Dieu yifashishije inkuru yanditswe Al Jazeera mu Ukwakira 2017 ku birego imiryango iharanira iyubahirizwa ry’uburenganzira bwa muntu ishinja abasirikare b’Abafaransa muri Centrafrique, birimo gusambanya abana ku gahato, hagati ya 2013-2014.

Yavuze ko “bamwe bagiye bategekwa gusambana n’imbwa ndetse abo basirikare bakabafata amafoto.”

Claude Rugaba we yagize ati “Byari kugira ireme iyo ku nkuru mukoresha ifoto y’ingabo z’Abafaransa muri Centrafrique.”

Geoffrey Kayonga we yavuze ko ahubwo Umuryango w’Abibumbye utari kuzuza inshingano zawo ngo ukurikirane Abafaransa bashinjwa gufata ku ngufu muri Centrafrique.

Abanyarwanda bakoresha imbuga nkoranyambaga baherukaga kotsa igitutu France24, nyuma y’inkuru yatangaje muri Werurwe 2017 y’abasirikare b’Abafaransa bashinjwaga gufata abana ku ngufu muri Centrafrique, bari mu butumwa bwo kubungabunga amahoro.

Nyamara icyo gihe aho gukoresha abashinjwa ibyo byaha, icyo kinyamakuru cyakoresheje ifoto iriho umupolisi w’u Rwanda.

Inkuru wasoma:

- Centrafrique: Ingabo z’u Rwanda zambitswe imidari y’ishimwe ya Loni (Amafoto)

-  France24 yokejwe igitutu kubera ifoto y’umupolisi w’Umunyarwanda yakoresheje

Abanyarwanda ntibishimiye uko France 24 yakoresheje Ingabo z'u Rwanda aho kuba iz'u Bufaransa zishinjwa ibyaha
Abanyarwanda bagaragaje ko ifoto ijyanye n'iyo nkuru ari iy'abasirikare b'abafaransa
Yolande Makolo yibajije impamvu ibinyamakuru by'Abafaransa byongeye gukora ikosa nk'iri
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2  

1
Eva 2018-09-14 15:37:05

None se kuba bakoresheje ifoto yacu bivugako bari buduhane? Hahhhh! guys abanyarwanda turasobanutse ntitukababazwe n’ubusa. niba ari abafaransa babikoze birumvikanako batakoresha ifoto yabo ariko nanone niba bakoresheje ifoto yacu birabareba icyiza nuko ntabyo twakozwe ngo turahanwa. Kabisa ni mwiturize mushakishe ibirayi byo guha abana dore ko byanahenze naho ibyamafoto yacu rwose ndumva ntagikuba cyacitse.

2
Eva 2018-09-14 15:37:01

None se kuba bakoresheje ifoto yacu bivugako bari buduhane? Hahhhh! guys abanyarwanda turasobanutse ntitukababazwe n’ubusa. niba ari abafaransa babikoze birumvikanako batakoresha ifoto yabo ariko nanone niba bakoresheje ifoto yacu birabareba icyiza nuko ntabyo twakozwe ngo turahanwa. Kabisa ni mwiturize mushakishe ibirayi byo guha abana dore ko byanahenze naho ibyamafoto yacu rwose ndumva ntagikuba cyacitse.

3
babel nim 2018-09-14 01:18:27

kwifashisha ifoto igaragaraho ibendera ry’igihugu ku mutwe w’inkuru utari mwiza ni ugushaka kudusebya ariko n’ubundi ntabwo twigeze dukorera kuvugwa neza ahubwo reputation nziza twarayikoreye kuko ibyo twagezeho nibyo byamuritse bigera no mu mahanga batangira kutuvuga neza rero ibinyamakuru mpuzamahanga nka BBC, France 24 ntabwo byifuza kuvuga Afrika neza

4
lg 2018-09-13 13:18:05

ntanakimwe abafaransa bazigera, bakunda uRwanda icyo twakora cyose bafite urwango rukomeye kuyobora umuryango waba vuga igifaransa mwumvise, amagambo yabo kandi ntanyungu tugifite ho nkuko nabo ntayo bafite kuki nyarwanda icyongereza kirahagije njye tutawuyoboye ntibyambabaza ndabanga ikibi cyase bumva cyashyirwa ku Rwanda igifarannsa cyabo tugikurikiye mo iki! !!

5
Ndayambaje 2018-09-13 11:15:58

Nkunze cyane igitekerezo cya Rwamukwaya! Icyakora ndagira ngo mwibutse ko icyo Imana yari yarageneye abantu ari ukwiyobora, ariko Satani ahungabanya uwo mugambi W’Imana. Ubu icyo turi gukora, ni gushakisha irindi tangiriro rishya tugenewe n’ Imana. Naho ibya ONU, NI IBY’ABA ONU nyine!

6
Jules Cesar 2018-09-13 09:42:01

Ariko se kuko abantu dushakira ikibazo aho kitari? None se mu bari mu butumwa bw’amahoro, yewe banabyambariye kurusha abandi (casques blues) ntiharimo abasirikare b’Abanyarwanda?
None se mu nkuru hari uwo batunze agatoki w’umunyarwanda kandi bamubeshyera? Ifoto rero ni iyo kugaragaza icyo inkuru igamije, si iyo gushinja u Rwanda. Kuba rero bayikoresheje nta kibazo na kimwe mbibonamo.
Tujye tureka kuba Nanjua, tunirinde ibibazo bitagize na kimwe byungura abantu.

7
Claude 2018-09-13 09:40:50

Wowe wiyita lol ubwo utekereza gute, ubwo nanditse inkuru ngo kwigurisha mu bantu bireze,kubera uri umuntu nkashyiraho ifoto yawe nta kibazo cyaba kirimo?! Nawe ngo watanze igitekerezo...

8
hamana 2018-09-13 08:51:07

abafaransa nubundi batugendaho ariko bararushywa nubusa

9
hamana 2018-09-13 08:51:06

abafaransa nubundi batugendaho ariko bararushywa nubusa

10
Lol 2018-09-13 06:25:41

Ariko se ikibazo abanyarwanda bagira ni ikihe? Gushaka kudakorwaho cg ngo tuvugweho n’abandi ni ibiki? None se niba bakoresheje ifoto y’ingabo z’u Rwanda kandi zikaba ziri mu butumwa bwa UN ikibazo ni ikihe?

Uku kwigira ba najua mu bintu byose nibyo bituma abanyamahanga bandi batwangira ubusa

Paji: 1 | 2  

Kwamamaza