Dr Naasson Munyandamutsa, umuganga akaba n’umushakashatsi yitabye Imana

54 2-03-2016 - saa 08:00, Philbert Girinema

Umuganga w’indwara zo mu mutwe wakoreraga Ikigo cy’Ubushakashatsi n’ibiganiro bigamije amahoro mu Rwanda, ( IRDP ) Dr Naasson Munyandamutsa yitabye Imana azize indwara.

Dr Munyandamutsa yamenyekanye cyane mu biganiro by’isana mitima yagendaga atanga hirya no hino mu gihugu, mu bihe byo kwibuka Jenoside yakorewe Abatutsi muri Mata 1994, ndetse no mu biganiro mpaka byategurwaga n’Umuryango Never Again Rwanda, birimo uburyo bwo kuvura uwahuye n’ihungabana n’ibindi.

Yitabye Imana mu ijoro ryo kuwa Kabiri tariki ya 01 Werurwe 2016, azize uburwayi mu bitaro byitiriwe umwami Faisal.

Dr Munyandamutsa yatangiye uyu mwuga wo kuvura indwara zo mu mutwe mu mwaka wa 1986, nyuma yo kurangiza amashuri y’ubuganga mu yahoze ari Kaminuza Nkuru y’u Rwanda i Butare.

Dr Munyandamutsa yakomeje gutyaza ubumenyi no mu mahanga,cyane cyane mu gihugu cy’Ubusuwisi ( Suisse), igihugu yabayemo igihe kirekire.

Dr Munyandamutsa yagarutse mu Rwanda mu mpera za 1994, aho yakomeje gukora nk’umuganga w’inzobere ari nawe wenyine wari mu gihugu uvura indwara zo mu mutwe.

Mu 1995, yifashishije inkunga y’ Umuryango nterankunga wo mu Busuwisi,ndetse n’iyo yahawe na UNICEF, Dr Munyandamutsa yashinze Ikigo cy’Igihugu cy’ Ihungabana n’Isanamitima (National Trauma Recovery Center ), agamije kurushaho kubungabunga ubuzima bw’imbaga y’abantu bahungabanyijwe na Jenoside.

Icyo gihe ni nabwo yatangiye kwigisha abanyeshuri biga iby’indwara zo mu mutwe ndetse n’abajyanama ibyo kurushaho kwita ku bantu bahungabanye , haba ku giti cyabo cyangwa mu miryango bakomokamo.

Bitewe n’ubuvugizi yagize, yaje no kubonera abaganga bamwe b’Abanyarwanda amashuri, aho bagiye kwihugura byimbitse ibijyanye n’ubumenyi bw’indwara zo mu mutwe mu Ishuri Rikuru “Alma Mater” ryo mu Busuwisi.

Mu 1999,ubwo inkunga ya UNICEF yari irangiye, Dr Munyandamutsa yakoranye na Minisiteri y’Ubuzima mu bijyanye ko kwita ku bahungabanye, ndetse ubwo bufatanye bwaje kubyara Ikigo Gishinzwe ibyo gusuzuma indwara z’ihungabana n’isanamitima (Psychosocial Consultation Services) , mu rwego rwo gufasha by’umwihariko abahungabanyijwe na Jenoside.

Dr Munyandamutsa yakomeje ibyo bikorwa, ndetse aza gusubira mu Busuwisi kugeza mu 2001,ubwo yagarukaga mu Rwanda.

Mu mwaka wa 2011 yabonye igihembo “Prix Genève 2011” cyo kuvura indwara zo mu mutwe.

Usibye kuvura, yigishije muri Kaminuza zitandukanye haba mu Rwanda no mu Busuwisi, aho yibanze cyane ku bijyanye no kuvura indwara zo mu mutwe,ku buryo kugeza ubu, twavuga ko ari we “Gicumbi cy’ubuvuzi bw’indwara zo mu mutwe mu Rwanda “, nk’uko umugore we, Donatilla, nawe wize iby’indwara zo mu mutwe abihamya.

Yagize ati “Kugeza ubu, nta muntu n’umwe wakwihandagaza ngo akore nk’ibyo Nasson yakoze mu Rwanda.Yabaye icyitegererezo n’isoko y’ubumenyi ku bantu bose.”

Dr Munyandamutsa atabarutse afite imyaka 56, asize umugore n’abana bane.

Nyakwigendera Dr Nasson Munyandamutsa

[email protected]

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2 | 3 | 4 | 5  

1
Vincent 2016-03-03 06:31:14

He may RIP
Twihsnganishije umurysngo we by’umwihariko, n’abanyarwanda muri rusange.
Agiye tukimukeneye

2
Musoni 2016-03-02 23:12:23

Dr Naasson ndakuzi neza wiga muri Secondary. Wari intwari utabarutse uriyo Wafashije benshi mubunyamwuga wagize Usize imusozi LEGACY nziza cyane Urubyiruko babyigireho Imana ikomeze Famille ye isigaye RIP

3
Thierry 2016-03-02 12:24:51

Asize umurage udasaza, Imana imwakire nk’imwe mu ntore ze.

4
2016-03-02 10:40:19

Twifatanyije n’umuryango wa Dr Nasson Munyandamutsa muri ibi bihe bitoroshye gusa asigiye umuranye mwiza abashoboye kumwumva mubiganiro yatangaya ku isana mitima cyane cyane kubahuye n’ingaruka za Genocide. Gusa Imana imwakire mubayo.

5
Jeanne 2016-03-02 09:01:57

Mana weee: wakire DR Nasson mu bawe; igihugu n’abagituye dutakaje umunyabwenge; inyangamugayo, umukorerabushake....;. RIP Nasson, ugiye tukigukeneye.

6
Edouard 2016-03-02 08:49:56

Yari umuganga, yari umuhanga. Imana imuhe iruhuko ridashira, By Naasson

7
Edouard 2016-03-02 08:49:55

Yari umuganga, yari umuhanga. Imana imuhe iruhuko ridashira, By Naasson

8
Junior W. 2016-03-02 08:08:06

Naasson yari intwari, yari Umugabo ugwa naza, witangira abandi. May his Soul Rest In Peace

9
Savio 2016-03-02 07:57:25

Nyagasani akwakire mu ntore ze. Ikigora abantu kwiyumvisha ni uko ntawe ubasha kubaza Imana ngo ibyo ukoze ni ibiki? Turi abantu b’Imana,turi abo yaremye. Igendere Naasoon! Mbabajwe n’intimba abawe basigaranye. Ubu ndatekereza amarira Dona afite, nkumva nshenguka. Ariko mwihangane ,just ni inzira ya twese.

10
Valens 2016-03-02 07:10:36

Dr Munyandamutsa yali intiti n’umunyakuri kuva kera. Yali ashishikajwe cyane n’akazi atagamije inyungu ze ahubwo ashyira iz’abandi imbere kurusha ize. Agiye vuba aliko asize umurage mwiza. Immana imwakire mu bayo.

Paji: 1 | 2 | 3 | 4 | 5  

Kwamamaza