IGIHE

AC Group yashyizeho uburyo bwo kurwanya uburiganya bugaragara muri serivisi za Tap&Go

9 10-07-2019 - saa 11:00, HABIMANA James

Ikigo AC Group gifite ikoranabuhanga ryifashishwa mu kwishyura amafaranga y’urugendo ukoresheje ikarita izwi nka Tap&Go mu Mujyi wa Kigali, cyashyizeho uburyo bufasha kurwanya ikibazo cy’uburiganya bushobora kugaragara muri serivisi za Tap&Go.

AC Group yatangaje ko hari abantu bagaragaje ko hari aba-agents (abashyira amafaranga ku makarita y’urugendo) bashobora gukora amakosa mu kazi ntibatange serivisi nziza uko bikwiye.

Mu kiganiro yahaye IGIHE, Umukozi ushinzwe inozwa ry’imikorere ya serivisi muri AC Group, Berabose Aline Joyce, yavuze ko abagenzi basabwa kujya bumva ko ari uburenganzira bwabo bwo kumenya amafaranga bafite ku makarita mbere na nyuma yo kuyashyiraho, ababashyiriraho ayo mafaranga nabo bakajya batanga serivisi uko bikwiye.

Yavuze ko barimo kurushaho gutanga amahugurwa ku bakozi bakora muri aka kazi kugira ngo banoze akazi kabo ka buri munsi.
AC Group yatangaje ko abagenzi bakwiye kujya banakoresha uburyo bwa mobile money, aho bashyira amafaranga yabo ku ikarita batagombye kujya ku murongo.

Ubu ngo ni uburyo bwo gufasha abanyarwanda gukomeza gukoresha ikoranabuhanga.

Berabose yagize ati “Ushobora gushyira amafaranga yawe ku ikarita uyavanye kuri mobile money, ugakanda *182*2*5# ugashyiramo nimero y’ikarita yawe, ugakurikizaho amafaranga ushaka ko akajya ku ikarita, ubu turimo gukorana na Airtel-Tigo kugira ngo nabo batangire kuyakoresha.”

Kugira ngo ushyiremo imibare yawe iri ku ikarita, ukoresha imibare umunani (8) ya nyuma kw’ikarita yawe.

Ku baguze amakarita ya mbere aho yagiye isibama, bashobora kujya ku ba agent bakabafasha.

Iki kigo cyavuze ko ku bantu bashobora guhura n’iki kibazo bashobora kwifashisha nimero itishyurwa, 6655.

Ikigo AC Group kimaze imyaka ine mu Rwanda, uretse amakarita ya Tap&Go, gifite internet ya Wifi mu modoka zifasha abagenzi gukomeza gukora imirimo yabo no mu gihe bari mu ngendo.

Iki kigo kivuga ko kugeza ubu abakoresha amakarita bageze kuri miliyoni 1.5 naho aba agent bo bageze kuri 250 mu Mujyi wa Kigali.

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Kigali 2019-07-11 03:38:16

Gusa ibi bituma mutwiba amafaranga mwise aya Wi-Fi kandi zidakora nta n’izo twasabye muri KBS nta yibamo ,ibaze umuntu uva Kanombe -town atanga 160 Frw /day ya Wi-Fi adakoresha ,kuba umwaka urebe.

ni uburyo mwahimbye bwo guhanga umurimo

2
Mugunga J Baptiste 2019-07-10 10:04:08

Njye Mobil money nkunze kuyikoresha cyane nabonye aruburyo beizewe cyane pe ntakibazo ndahura nacyo

3
Philippe kwibuka 2019-07-10 10:02:57

@Ndagijiyaremye kureba amafaranga asigayeho birashoboka nabyo *182*2*5*2# ni ako kanya kandi ni ubuntu

4
Mugunga J Baptiste 2019-07-10 10:00:35

Mbega byiza gusa tubashimiye uburyo mwaje muri igisubizo kuko Transport yomumujyi wa Kgli byari akajagari ariko ubu dukoresha smart card tukumva munabizanjye muntara byaba aribyiza hanyuma kubwubwiburyo mutubwiye ndumva aribyobyiza ntibizongera kugira urwikekwe kuba agent banyu kdi mwarakoze cyane pe mukomerezaho kutugezaho ibyiza

5
Marcus 2019-07-10 08:31:06

Kwishyura amafaranga amwe kandi mutakoze urendo rungana nabyo mwazabyigaho nukwiba abaturage kandi amafanga aba yabavunnye kuyabona. Urugero uva Iremera akishyura amwe nugiriyemo Rwandex kandi bose bajya downtown. Ibyo bikwiye guhinduka

6
Christian 2019-07-10 08:05:53

Gukoresha MoMo bazabivugurure. Ntushobora gushyira amafaranga ku ikarita ngo uhite uyakoresha. Bisaba ko uyashyiraho ugifiteho andi wakwifashisha. Ubwo rero birasaba ko bazadufasha ku buryo nashyiraho amafaranga ngeze hafi y’imodoka ngahita nyakoresha.

7
Christian 2019-07-10 08:05:49

Gukoresha MoMo bazabivugurure. Ntushobora gushyira amafaranga ku ikarita ngo uhite uyakoresha. Bisaba ko uyashyiraho ugifiteho andi wakwifashisha. Ubwo rero birasaba ko bazadufasha ku buryo nashyiraho amafaranga ngeze hafi y’imodoka ngahita nyakoresha.

8
NDAGIJIYAREMYE Arsene 2019-07-10 07:45:19

Muraho neza! Ibi bintu rwose ni byiza cyane, ahubwo banashyizeho uburyo umuntu azajya areba asigaye atabanje guca kuba agents byarushaho kuba byiza. Ikindi ahubwi nimba ari AC GROUP cg organisation ya transport, yabyitaho ni ukuntu bazana na promotion nkiy’ukwezi, icyumweru cg wenda n’umunsi wose ku bantu bagenda buri gihe nk’abanyeshuri cg abakozi no kumuntu wundi uyikeneye. Kuko n’ubundi abagenzi bishyura mbere ugasanga ushyize nka 10.000rwf ku carte yawe ariko mu byukuri uba utarayagendera par contre company yo irayafite. Nabyo babyigeho. Murakoze

9
martin 2019-07-10 05:27:48

ibyo uwo yatangaje ko bakoresha m.money narayikoresheje nkojeje kukamashini kavugako ntamafaranga ariho kandi nareba ariho nkoresheje phone nkabona yagiyeho naje kuyakoresha nyuma yiminsi ibiri babikosore

Kwamamaza