Abaturage 99% ntibishimira ibihumbi 30 Frw byo kwandukuza ubutaka habayeho ubugure

14 5-12-2018 - saa 14:16, Emma-Marie Umurerwa

Ubushakashatsi bwakozwe n’Impuzamiryango iharanira uburenganzira bwa muntu (Cladho), bwagaragaje ko abaturage batishimiye amafaranga 30 000, basabwa mu gihe bandukuza ubutaka habayeho ubugure (mutation).

Abaturage 99% bo mu Turere twa Gatsibo, Musanze, Kamonyi, Rusizi, Gisagara na Ngororero bakoreweho ubushakashatsi, bavuga ko harimo akarengane kuba uwo ariwe wese ugurishije ubutaka hatitawe ku ngano yabwo, yishyura Leta 30 000 Frw.

Umuyobozi ushinzwe gahunda muri Cladho, Murwanashyaka Evariste, yagize ati “Ugasanga umuntu ugurishije ubutaka bw’ibihumbi 100 yishyuye Leta ibihumbi 30, akishyura n’andi mafaranga ari hejuru y’ibihumbi 40 y’umuntu ugomba kuza kumupimira kugira ngo bagabanyemo bwa butaka. Ibi ni umutwaro ku baturage.”

Ubu bushashatsi bugaragaza kandi ko 73% by’ababajijwe badasobanukiwe n’itegeko ry’ubutaka, bigatuma batubahiriza ibirikubiyemo nko kubusorera, dore ko mu turere twakorewemo ubushakashatsi imisoro ku butaka iri ku kigero cya 27%.

Hari n’abaturage babuze ubushobozi bwo gusorera ubutaka kubera ko bagiye bisanga mu byanya byagenewe inganda cyangwa byagenewe ubucuruzi, bagasoreshwa amafaranga menshi adahwanye n’amikoro yabo.

Murwanashyaka yakomeje ati “Mu kugabanya ubutaka n’icyo buzakoreshwa, abaturage benshi batubwiye ko batabazwa cyangwa ngo bagishwe inama, ahubwo abashinzwe kubarura ubutaka baraza akaba aribo bagena ikizakorerwa ku butaka.’’

Ku bijyanye no kwishyura abaturage ahazakorerwa ibikorwa by’inyungu rusange, abasaga 45% bagaragaje ko bishyurwa batinze bikabagiraho ingaruka zitandukanye kuko batabyaza umusaruro imitungo yabo bategereje kwishyurwa. Bavuga kandi ko batagira uruhare mu igenagaciro ry’umutungo wabo bigatuma bahendwa.

Itegeko rivuga ko utishimiye igenagaciro ryakozwe yakongera agakoresha igenagaciro, ibi nabyo ngo birahenze ku buryo atari buri muturage wakwigondera kwiyishyurira umugenagaciro, bigatuma bafata ayo bagenewe kabone n’ubwo baba batanyuzwe.

Abaturage kandi bagaragaje ko batishimira uburyo bahabwa serivisi z’ubutaka ngo kuko abakozi bazitanga ku murenge ari bake, bigatuma bahora basiragira.

Umukozi mu Kigo cy’Igihugu gishinzwe imicungire n’imikoreshereze y’ubutaka mu Rwanda, Mukarage Jean Baptiste, yavuze ko ibibazo byagaragajwe n’abaturage na bo bari babizi.

Ati “Ibyinshi bisaba ko amategeko yahinduka kandi hari inzira bicamo [...] itegeko ry’ubutaka ndetse n’andi mategeko arishamikiyemo birimo kuvugururwa kandi byose twizeye ko bizarebwaho.”

Gahunda yo kwandika ubutaka mu Rwanda yatangiye mu mwaka wa 2009, hakaba harashyizweho n’amategeko ndetse n’amateka atandukanye agena imikorere n’imikoreshereze y’ubutaka.

Guhera mu 2014 hashyizweho icyumweru cyahariwe iby’ubutaka, hagamijwe kwegereza abaturage serivisi zabwo n’amategeko agenga ubutaka.

Umukozi mu Kigo cy’Igihugu gishinzwe imicungire n’imikoreshereze y’ubutaka mu Rwanda, Mukarage Jean Baptiste, avuga ko bisaba kuba hahinduka amategeko ngo ibyo abaturage batishimiye bikemuke

[email protected]

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2  

1
Jean 2018-12-06 21:56:06

Ubu twitwa abakode b’ubutaka bwacu umuntu yaguze yiyushye akuya cyangwa yarazwe n’ababyeyi be nabo baraburazwe n’ababo bakomokaho. Urebye miliyoni ubutaka bugura warangiza ugahinduka umukode wa miliyoni zawe nyirabyo akaba Leta ntkbyimvikana rwose. Hari ni umuturage uzashiduka imisoro ku bukode yaramuvanyemo kera uretse no kwitwa umukode ahubwo asigaye yitwa umucumbitsi kuko ibye byagiye kera

2
umukozi 2018-12-06 03:54:45

Mfite igitekerezo giteye gutya: Nihashyirweho commission ihuriweho n abadepite, n abasenateri, na MINALOC, na RGB ndetse n ingabo na Police kuko ingabo na police tubaziho kutabogama. bakore descente mu turere twose basesengure ibibazo biri mu butaka kuko twe byaraturenze. urugero: iyo umaze kugura ubutaka, bugomba gukatwa ku bundi mubanza kubukatisha ni Frw 60,000, mujya ku murenge kugira ngo mukore subdivision ni Frw 30,000 ibyangombwa byamara kuza mugakora mutation ni Frw 30,000. none kubera iki umuntu batahita bamuha icyangombwa cye ibyo bya subdivision bikavaho ko aho bikorerwa ari hamwe mu karere. ubwo se muri kuduha Service nziza koko? ikindi ubu maze amezi atandatu ntegereje icyangombwa cyanjye cya subdivision ntikiraboneka ni ukuvuga ko na mutation izafata andi mezi 6. none se ubwo ntimugiye gutuma njyamo ibirarane by’imisoro dore ko tuzasora mu kwa mbere? ikindi nisabira, turi mu rwanda rukataje mu ikoresha ry ikoranabuhanga. kuki umuntu atajya atanga ibyangombwa byose ku ikoranabuhanga mukamukorera mutation bidasabye gusiragizwa ku murenge. ikindi calendari ba land officer ku murenge bihaye. ugasanga ngo bakira abaturage ku wa kabiri gusa ngo kandi bakira abantu 15 gusa. ibyo muzabisanga mu murenge wa Kigali rwose twebwe twararushye muturenganure ba Nyakubahwa turebe ko twabona Service nziza nk’uko Umubyeyi wacu H.E ahora abidusaba.

Murakoze murakagira Imana

3
DAMASCENE 2018-12-06 01:53:30

uretse naya mutation , nibaza impamvu umuntu asatuza mo ubutaka kandi ashaka gukora mutation nabwo bakamuca 23,529frw kandi ukazagerekaho naya mutation

4
Ndagijimana 2018-12-05 23:07:25

Ikibazo cy’ubutaka cyo kigomba kwigwaho kuburyo bunonosoye kuko gituma Abaturage barushaho gukena pee mubikurikirane mu maguru mashya

5
Ssemba 2018-12-05 22:59:46

Mutubarize abayobozi b’akarere ka Ngororero bagiye bakata imihanda mu mirima y’abaturage ntibagira icyo babaha nk’ingurane, Nyuma bemeranya ko bagiye kubakuriraho ubuso bw’umuhanda kugirango batangire gusororera Ubutaka basigaranye, ariko nanubu ntabyo barakora n’abaturaage nabo kugeza uyu munsi ntibaratangira gusora barategereje, ese ubwo umuturage niwe uzishyura ibihano by’ubukererwe? Agire kuba barakase umuhanda mu murima we ntangurane hagerekeho no gusorera umuhanda? Abadepite babarize akarere ka Ngororero,Ngororero Sector, Rususa Cell

6
same 2018-12-05 18:32:23

ziriya 3o mille turenda kuzongera kuko ibifu byacu byanze gusendera . mugabanye induru ntimurabona

7
Mengi 2018-12-05 13:29:45

Ibyo uwiyise mahoro avuga nibyo wagirango abayobozi ntacyo umuturage ababwiye baragusiragiza bakagusuzugura ukumva wazana intwaro gakondo ukabavanaho.Uzi kurita ibirenge incuro zirenga 1 mu kwezi ukora ibirometero birenga 25 izuba cyangwa imvura bikuriho?

8
gigi 2018-12-05 12:57:27

Byigweho neza rwose

9
nge 2018-12-05 11:55:21

ese kuki twatsimbarara kumugani uvuga ngo ntamwiza wabuze inenege !!!!!!!!! iyi leta yakoze byiza pe . ariko kukijyanye nubutaka baraturenganya bikabije pe . ngaho ntakazi wigeze ugira ,ababyeyi baguhaye agasambu ngo ugahinge wibesheho. leta nayto igaca hirya ngo zana si akawe baragukodeshaga tanga umusoro .jye byaracanze kbsa. ese ubundi ko numva mutubeshya ngo turabanyagihugu, umunyagihugu utagira icyintu yisanzuyeho ugihugu ntarutwa numunyamahanga. ndabizi imisoro yubaka igihugu pe ndetse mbizicyane ariko ubutaka bari bakwiye kuburekera banyirabwo . nonese nkubu dusigaranyiki koko.

10
Mmmmm 2018-12-05 11:15:52

Hahha byo bashake uburyo babikemura kuko ago bigeze birakabije

Paji: 1 | 2  

Kwamamaza