Abakinnyi 23 ba Centrafrique bitegura guhangana n’Amavubi barimo Kondogbia

2 8-11-2018 - saa 17:43, Ngabo Roben

Umutoza Raoul Savoy utoza ikipe y’Igihugu ya Repubulika ya Centrafrique yatangaje abakinnyi 23 azakoresha yitegura umukino wa Amavubi mu gushaka itike y’igikombe cya Afurika mu 2019.

Aba barimo Geoffrey Kondogbia ukinira Valence yo muri Espagne wakiniye amakipe y’abana y’u Bufaransa.

Ku Cyumweru tariki 18 Ugushyingo 2018 nibwo hateganyijwe uyu mukino uzabera kuri Stade Huye iri mu Ntara y’Amajyepfo. Ni umukino wa gatanu mu itsinda uzahuza amakipe abiri adafite icyizere cyo kubona itike y’igikombe cya Afurika kizabera muri Cameroun.

Umunya-Espagne, Raoul Savoy, n’ikipe ye ya Repubulika ya Centrafrique biteganyijwe ko izagera mu Rwanda tariki 14 Ugushyingo 2018 bagakorera imyitozo ku bibuga byo mu Karere ka Huye, nk’ikibuga cy’imyitozo cya Kamena na Stade Huye bazakiniraho.

Kuri uyu wa Gatatu nibwo uyu mutoza wabonye amanota atatu n’ibitego 2-1 ku Rwanda mu mukino ubanza yatangaje abakinnyi 23 azazana i Kigali.

Barimo igihangange Geoffrey Kondogbia watwaranye igikombe cy’Isi cy’abatarengeje imyaka 20 n’ikipe y’igihugu y’u Bufaransa akinana hagati mu kibuga na Paul Pogba mu 2013, ariko nyuma aza guhitamo gukinira Centrafrique, igihugu cye cy’amavuko.

Ni umukinnyi wakiniye amakipe atandukanye akomeye arimo; Lens yo mu Bufaransa, Sevilla yo muri Espagne, Monaco yo mu Bufaransa, Inter Milan yo mu Butaliyani na Valence yo muri Espagne.

Urutonde rw’abakinnyi 23 ‘Fauves du Bas-Oubangui’ izazana mu Rwanda

Elvis Samolah, Lembet Geoffrey, Samola Prince, Enza Yassimi, Nicolas Zimbori, Salif Keita, Thibaut Ban, Ngam Ngam St Cyr, Anzite Franklin, Sadock Ndombe, Kethevoana Foxi, Geoffrey Kondogbia, Yambere Cedric, Toropite Tresor, Madibe Vivien, Manga David, Youga Amos, Amores Dertin, Dimokogna St Fort, Louis Mafouta, Habib Habibou, Quientin Ngakoutou na Fredrick Nimani.

Iyi kipe bita Les Fauves de Bas - Oubangui nayo ntabwo ifite icyizere cyo kubona itike
Kondogbia azaba ayoboye Centrafrique ihangana n'Amavubi i Huye
Ni umugabo w'ibigango ukinira Valence yo muri Espagne, aha yari ahanganye na Messi muri La Liga
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Gashugi Frank 2018-11-08 23:25:44

amavubi tubarinyuma ntibaterwe ubwoba nuwomugabo bigirire icyizere gusa ibindi birashoboka

2
Ndahimana daniel muna uganda 2018-11-08 12:06:01

Mbega ikipe! Amavubi ntabwo azabasha kuyihagarara imbere, kadutegereze tuzarebe gusa nugusenga cyane bakazadutsinda bike. KAMPALA UGANDA Ndabakurikiye.

Kwamamaza