Abahinzi b’ibirayi 77.9% mu Rwanda bagurisha ku giciro bategetswe - Ubushakashatsi

5 7-11-2018 - saa 11:42, David Eugène Marshall

Ubushakashatsi bwakozwe n’Ihuriro ry’imiryango itari iya leta mu Rwanda, bwagaragaje ko abahinzi b’ibirayi bagera kuri 77.9%, bagurisha ku giciro bategetswe.

Ubu bushakashatsi bwakorewe mu turere umunani bwamuritswe kuri uyu wa Kabiri. Bwibanze ku kumenya uko abahinzi babona imbuto z’indobanure n’amafumbire, gusesengura imikoranire y’abahinzi n’abafatanyabikorwa.

Bwarebye uko abahinzi bibona mu makoperative yabo no kureba urwego rw’imyumvire abahinzi bafite mu mirimo ijyanye nabwo.

Imibare yavuye muri ubu bushakashatsi bwari bugamije kwerekana uko ubuhinzi bw’ibirayi, umuceri n’ibigori buhagaze mu Rwanda, ndetsen’ibibazo bibugaragaramo, yerekana ko abahinzi b’ibirayi 77.9%, bagurisha ku giciro bategeswe, abaciririkanya ni 13.2% naho abagurisha uko bashaka bakaba 8.8%.

Iyi mibare ntihabanye cyane n’iy’abo mu buhinzi bw’ibigori n’umuceri nabo bemeza ko babona abacuruzi baza, bakabagurira uko bishakiye.

Mu bijyanye n’ibiciro by’ibirayi, abahinzi binubira ko Minisiteri y’ubucuruzi n’inganda yashyizeho ikiranguzo cya 191 Frw, nyamara wagera ku isoko mu Mujyi wa Kigali ugasanga ni 450 Frw cyangwa 500 Frw ku kilo.

Umuyobozi w’Ihuriro ry’imiryango itari iya leta, Sekanyange Léonard, avuga ko ubu bushakashatsi bwerekana ko leta igomba gusobanurira neza abaturage gahunda zayo nziza mbere y’uko zishyirwa mu bikorwa, zirimo no kugena ibiciro ku musaruro w’ubuhinzi.

Ati “Hari hatangiye kuzamo ikintu kitari cyiza cyo kumva ko abahinzi bagiye guhagarika guhinga kubera ko nta nyungu babifitemo, ni byiza ko rero ibigo na minisiteri byegera abaturage bagasobanurirwa uko ibintu bikorwa aho kugira ngo babyumve mu bihuha.”

Sekanyange anagaruka kuri gahunda yo kunyuza umusaruro w’ibirayi ku makusanyirizo, akavuga ko ari uburenganzira bw’umuhinzi kuba ku mpamvu zihutirwa nk’amafaranga y’ishuri, ashobora kugurisha umusaruro we atiriwe agira ahandi awunyuza.

Ati “Ntabwo umwana we azareka kujya ku ishuri kandi afite ibirayi biri kwangirikira mu bubiko”.

Ushinzwe ubucuruzi imbere mu gihugu muri Minisiteri y’ubucuruzi n’inganda, Karangwa Cassien, yavuze ko atemeranywa n’ibivugwa n’abahinzi ko batagishwa inama ku biciro bishyirwaho, akemeza ko ahubwo ari amakuru y’uko ibiciro bigenwa bitabageraho uko bikwiye.

Ati “Biragaragara ko abahagarariye abaturage mu nama zigena ibiciro iyo bageze mu baturage batabagezaho amakuru y’uko byakozwe.”

Hagaragajwe kandi ko u Rwanda rukeneye ikoranabuhanga rihanitse mu guhunika ibirayi, byakuraho ko hari ubwo ku mwero bipfa ubusa, kandi byagombye guhunikwa bikazagurishwa umusaruro wabaye muke.

Umuyobozi w'Ihuriro ry'Imiryango itari iya leta Sekanyange, asanga umuhinzi ari we ukwiriye gufata iya mbere mu kugena ibiciro by'ibihingwa nk'ibirayi n'ibindi

[email protected]

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
JANE 2018-11-08 03:45:09

BIRAGARAGARA KO ABATURAGE BABA BADAFITE AMA KURU KU BURYO IGICIRO KIBARWA. CYAKORA UBUTAHA BYABA BYIZA ITANGAZAMAKURU RIBAYE RIHARI MU NAMA ZIKORWA HEMEZWA IBICIRO KURI BURI GIHEMBWE CY’IHINGA. HATABAYEHO GUFASHA ABAHINZI KUBARA IGISHORO NGO IGICIRO KIGENDANE N’IBYASHOWE MU BUHINZI AHUBWO WASANGA BAHENZWE KURUSHAHO. NKO MU MUCERI BIMEZE NEZA KANDI INGAMBA ZIRIMO GUFATWA KUGIRANGO BIGENDE BIBA BYIZA KURUSHAHO , BYOSE NI KU BUFATANYE NA ZA MINISTRI Z’UBUCURUZI NA MINAGRI NA RCA NDETSE N’INGANDA

2
bibo 2018-11-07 19:23:49

haribintu njye nibaza, Governement ishaka gukura ibirayi kwisoko? haba hari ibindi biribwa bizasimbura ibirayi? Leta se yaba idashaka guca ibirayi ahubwo ikoresha abakozi batabifitiye ubumenyi buhagije? mubyukuri abantu benshi babona neza ukuntu leta ica intege abahinzi bibirayi kubushake,( price instabilities discourage predictions) abahinzi bibirayi bakoresha inguzanyo zamabanki bababakeneye kumenya neza ikizavamo. ( returns) igihe mubuhinzi bwibirayi hakomejwe gushirwamo amananiza bituma batinya kwishora murubwo buhinzi. ( potatoes market is unpredictable) , . gusa abenshi ntituzi impamvu, bituma twibaza byinshi. price fixing cannot succed on perishable goods, ibyobyose birazwi. niba leta ishaka kugira uruhare mubiciro byibirayi nishyireho inganda za conservation kuburyo bitabora, bimare igihe kinini kwisoko, naho kubuza abahinzi gusarura bikaborera mumirima birababaje pe, and this cause trade deficit (crops import),. if the government cannot invest in potatoes conservation, then let the price be determined by the force of supply and demand ( market price) since potatoes are perishable products.

3
HD 2018-11-07 15:17:27

Ntago byumvikana uburyo umuntu yirirwa mu biro yarangiza akagena ibiciro by’ibihingwa atazi depense byatwaye uyu Karangwa Kassien ibyo avuga nawe ntabyo azi nonese kuki badakurikirana ngo babikosore ahubwo bagakomeza kwiyicarira mubiro. Nko ku birayi ho biranasekeje aho haziye ibyitwa amakusanyirizo byahindutse amakoperative bamanura ibiciro uko bashatse bagakata amafaranga ngo nayikusanyirizo, n’ibindi utamenya ibyo aribyo abahinzi baraharenganira Minisiter y’ubucuruzi n’inganda ibafashe rwose.

4
munyangaju 2018-11-07 05:02:14

ibirayi nibibe isoko rifunguye ni ukuvuga ko ubihinga azaba ariwe ujyana ibye ku isoko kandi akagurisha uwo ashatse ku giciro yifuza

5
komera 2018-11-07 04:31:56

Mukomeze kuvuganira abahinzi kuko baravunika ariko inyungu ikaza kubandi bantu "intermediaires"! Ntabwo kandi mwavuze ukuntu abahinzi bishyurwa nabi, kuko baraza bagatwara ibirayi cg umuceri bakazishyura nyuma! Harya buriya ko Minicom igenga ubucuruzi ndetse ninganda, wari wajya gufata isima kuri CIMERWA uterekanye bordereau? wari wajya gufata ibinyobwa bya BRALIRWA uterekanye bordereau ya bank? kuki bigera ku muturage bigahinduka?

Kwamamaza