Abadepite b’u Burundi bamaganye imvugo ya AU ku guta muri yombi Buyoya

9 5-12-2018 - saa 22:24, Evariste Nsengimana

Inteko Ishinga Amategeko y’u Burundi yateye utwatsi umuyobozi wa Komisiyo y’Umuryango wa Afurika Yunze Ubumwe (AU), Moussa Faki Mahamat, wabusabye kwitondera impapuro bwatanze zo guta muri yombi Pierre Buyoya.

Mu mpera z’icyumweru AU yasohoye itangazo isaba u Burundi kwirinda gufata ibyemezo bishobora gusubiza inyuma inzira y’ibiganiro bigamije amahoro.

Iri tangazo ryakurikiraga umwanzuro w’u Burundi wo gusohora impapuro zo guta muri yombi Pierre Buyoya wahoze ari perezida n’abandi 16 bari abayobozi, bashinjwa uruhare mu rupfu rwa Melchior Ndadaye, Perezida wa mbere watowe n’abaturage mu 1993.

Mahamat yagize ati “Ni iby’ingenzi ko abo bireba bose birinda imyanzuro irimo iya politiki cyangwa iy’ubutabera yatuma kugera ku bwumvikane mu Burundi bigorana.”

Itangazo Inteko Ishinga Amategeko y’u Burundi yasohoye kuri uyu wa 5 Ukuboza, rivuga ko yamaganye abantu bose bashaka kwitambika iperereza ry’abishe Perezida Ndadaye.

Rivuga ko Inteko yamaganye ibitekerezo bya Moussa Faki Mahamat ubona ko igikorwa kiboneye cy’ubutabera, kigamije ubumwe kandi kibumbatiye ibikorwa bya komisiyo y’ukuri n’ubwiyunge, cyateza ibibazo.

Riti “Ibitekerezo byatanzwe kuri iyi ngingo ireba imikorere ya Komisiyo nta kuri bifite. U Burundi ntiburi mu bibazo, nta kibazo gihari cyabuza ibigo gukora uko bikwiye.”

Inteko ivuga ko ‘Ubutabera bw’iki gihugu butahagarika igikorwa bwatangije kandi na komisiyo itagihagarika, isaba ko iperereza ryimbitse ku bagize uruhare mu rupfu rwa Ndadaye rikomeza.’

Buyoya yayoboye u Burundi kuva mu 1987 kugeza mu 1993, yongera mu 1996 kugeza 2003. Kuri ubu ni intumwa ya AU muri Mali. Bumushinja kuba isonga y’abahitanye Perezida Ndadaye, bigateza intambara yarangiye mu 2006 ihitanye abasaga 300 000.

Perezida w'Umutwe w'Abadepite, Pascal Nyabenda
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
AU 2018-12-07 08:26:05

Kutubwira ngo Mahatma yavuze ngo AU yavuze ngo bitendere gushyiriraho impapuro zifata Buyoya ngo kuko byazana umwuka wa politiki mubi harubwo inama yabaperezida yateranye ikabyemeza? AU yaracangiwe nayo ni gute ishyiraho umuyobozi mu gihe agomba kubanza gutorwa n’abanyarwanda mubyo twita guhatanira umwanya w’umukuru w’igihugu? Ese iyo PKagame atsindwa byari kugenda gute? Ibibera muri Africa ni film gusa.

2
NIY O CHRSTPH 2018-12-06 12:58:38

NUKURI ABO BICANYI NI BAFATWE .IYO BATICA NDADAYE UBURUNDI. ABARIBURAYA. NUKO IMANA YADURHUMBUSHIJE PETERO NKURUNZIZA. IMANA YABWIYE .ABISIRAYERI NGO NTIBAZE BIBAGIRE IVYO .BABONEYE MURI .EGIPUTA.

3
mutesa 2018-12-06 09:36:55

CNDD yaracanganyikiwe kuyobora byaranze, babura icyo bereka abarundi n’amahanga, none bararangaza isi mu bintu bidafite umutwe n’amaguru

4
Domitien-NDAYIZEYE 2018-12-06 04:32:25

Wowe wiyita izina [Ssemba], ntabwo uhakana ko President Melchiol yishwe, yarishwe rwose. Abamwishe bagomba kubibazwa. Niba Pierre BUYOYA yumva ari umwere, najye imbere yubutabera yisigure, yerekane neza ko ari umwere. Cyakora aboshe President washyizweho na Abaturage bafatwe babibazwe. Umuco mubi wo kudahana ucike.

5
Mob 2018-12-06 02:11:24

Ese ubundi buyoya yagarutse akayobora uburundi kombona abandi bazezengeye

6
Kanyarwanda 2018-12-06 01:50:21

Aba barundi bashatse bakwitonda, ibi bakora nukurangaza abaturage kubibagiza ibyibanze leta ibagomba.

7
Ssemba 2018-12-05 22:35:56

Ariko uburundi ko bwikoma abantu Bose buriya babona byabageza he ni ukuri bakwiye ikosorwa

8
John K 2018-12-05 18:04:27

Mahamat aravugira umuntu yihishe inyuma ya AU ntabwo arimo avugira AU. Gukurikirana umunyacyaha wese ni inshingano z’ubutabera. Mahamat narebe iby’iwabo muri Tchad.

9
John K 2018-12-05 18:04:27

Mahamat aravugira umuntu yihishe inyuma ya AU ntabwo arimo avugira AU. Gukurikirana umunyacyaha wese ni inshingano z’ubutabera. Mahamat narebe iby’iwabo muri Tchad.

Kwamamaza