IGIHE

Sudani iri mu nzibacyuho yijeje gutanga ubutegetsi ku basivili

2 14-04-2019 - saa 18:55, IGIHE

Lt Gen Abdel Fattah Abdelrahman uyoboye Sudani nyuma yo kweguzwa kwa Omar al-Bashir yijeje ko ubutegetsi buzashyirwa mu maboko y’abasivili nyuma y’inzibacyuho izamara imyaka ibiri.

General Abdel-Fattah yafashe ubutegetsi asimbuye Minisitiri w’Ingabo wa Sudani, Lt Gen Awad Ibn Auf wari uyoboye abeguje Perezida Omar al-Bashir, na we akegura nyuma y’umunsi umwe bitewe n’igitutu cy’abaturage bakomeje kwigaragarambya.

Abigaragambya bakajije umurego bavuga ko abakuyeho Bashir basanzwe ari abantu be ba hafi, bityo nta mpinduka nyakuri zabaye nubwo we yahiritswe.

General Abdel-Fattah wagiriwe icyizere, ku wa 13 Mata 2019, yatangarije kuri Televiziyo y’Igihugu ko azarandura ubutegetsi bwose bwa Bashir.

General Abdel-Fattah yijeje ko nyuma y’inzibacyuho hazaba amatora, ubutegetsi bugahabwa abasivili.

Yahise asaba ikiganiro cyihutirwa n’abayobozi barangaje imbere imyigaragambyo, abahamagarira kugarura ‘amahoro, ituze n’umutekano.’

Ijambo rya Gen Burhan ryakurikiye iyegura ry’umwe mu basirikare bakomeye mu by’ubutasi, Salah Abdallah Gosh, wari ukomeye ku butegetsi bw’imyaka 30 ya Bashir.

Omar al-Bashir wategetse Sudani kuva mu 1989 yegujwe nyuma y’amezi y’imyigaragambyo aho abaturage binubiraga izamuka rikabije ry’ibiciro ndetse igihugu kikaba cyari gikomeje kujya mu kangaratete.

Ibn Auf wayoboye ihirikwa ry’ubutegetsi bwa Bashir yari ashinzwe ubutasi mu myaka ya 2000 mu makimbirane yateye ubwicanyi bukomeye mu Ntara ya Darfur. Leta Zunze Ubumwe za Amerika zamushiriyeho ibihano mu 2007.

Omar Hassan Ahmad al-Bashir w’imyaka 75 ashakishwa n’Urukiko Mpuzamahanga Mpanabyaha rwa ICC, ariko igisirikare cyatangaje ko kitazamutanga.

Abaturage bakomeje kwigaragambya muri Sudani nyuma yo kuva ku butegetsi kwa Bashir
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Abiliga 2019-04-15 00:34:08

Byakagombye kubera abanyarwanda isomo.
Amaherezo, generali Kagame nawe azegura

2
HAGUMAKUBAHO ROUBEN 2019-04-14 13:06:57

yamayinka ngaho da !

Kwamamaza