Sena y’u Burundi yabwiye imiryango itari iya leta guha akazi abahutu 60% n’abatutsi 40%

34 14-09-2018 - saa 09:56, IGIHE

Visi Perezida wa Kabiri wa Sena y’u Burundi, kuri uyu wa Kane yabwiye imiryango mpuzamahanga itari iya leta ikorera muri iki gihugu, kujya itanga akazi ku bahutu bangana na 60%, no ku batutsi 40%.

Nkuko Xinhua yabyanditse, mu kiganiro n’itangazamakuru mu Mujyi wa Bujumbura, Anicet Niyongabo, yavuze ko imiryango y’abanyamahanga itegamiye kuri leta, igomba gukorera ku mategeko amwe n’ay’ibigo bya leta mu Burundi.

Yagize ati “Imikorere ku bijyanye no gutanga akazi igendera ku bushobozi, nta kubogama, umucyo no ku kinyuranyo mu bijyanye n’amoko cyangwa igitsina runaka. Abagore bagomba kugira 30%.”

Avuga ko ku miryango mpuzamahanga itari iya leta, ibikorwa byayo bigomba kubahiriza itegeko ry’u Burundi, gahunda za leta n’iby’ibanze ishaka gukora.

Niyongabo ati “Sena izohereza itsinda ry’abasenateri mu biro by’imiryango y’abanyamahanga itegamiye kuri leta, risuzume ibijyanye n’abakozi, by’umwihariko uko yubahiriza ingingo y’amoko n’igitsina mu gutanga akazi.”

Yavuze ko itegeko rishya ku miryango mpuzamahanga ryatangiye kubahirizwa muri Mutarama 2017, kandi iyo miryango yahawe amezi atandatu yo kuba yarishyize mu bikorwa. Yongeraho ko iki ari igihe gihagije cyo gukemura ubusumbane yari ifite mu gutanga akazi.

Itegeko Nshinga ry’u Burundi riteganya ko no na Guverinoma igomba kuba irimo Abaminisitiri b’abahutu 60% n’ab’abatutsi ku kigero cya 40% kandi abagore ntibajye munsi ya 30%.

Niyongabo avuga ko imiryango itari iya leta igomba kubahiriza amategako y'u Burundi
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2 | 3 | 4  

1
Kimia 2018-09-18 16:03:40

Kadette ibyo uvuze ntakuri nagato kurimo nasabye akazi muri 2006 twari benshi cyane dukora test yo kwandika, ya computer yanyuma yari interview twatinze turenga magana biri. Nta muntu numwe narinzi mu bayobozi secondaire na universite nayirangije mu rwanda. Ari abatinzwe bamwe bibwira ko bafite ababavugira. Ariko bagahaye abatinze. Nta nahamwe byari no gushoboka gutandukanya abantu bitwaje amoko. Abanyafrika muzageza ryari kwitandukanya. Union fait la force amahanga nicyo aturusha. Ndifuza umunsi umunyafrika aziyumvamo umugabane we kuruta kwibonamo ubwoko,igihugu

2
Singombwa 2018-09-17 17:29:11

Ariko izi nkuru ziba ari zo ? Umuntu ntakimenya ibyo yemera n’ibyo areka ! Aho byagejeje U Rwanda nirwo ruhazi! iby’amoko turabyamaganye mu bihugu by’ibiyaga bigari. No !

3
KADETTE 2018-09-16 02:34:14

No mu rwanda birahari uretse ko babikora mubwiru bukomeye nkuko abambanjirije babivuze kandi ntawe utabizi. Ninde uyobewe itangwa ry’akazi murwanda, wenda sinzi niba Perezida abizi ariko azakore ubushakashatsi arebe niko bimeze nangwa n’abarundi barabigaragaje, uja gukira indwara arayirata. Mu rwanda ibintu by’abahutu n’abatutsi birahari ariko biri mu ibanga rikomeye ariko birahari.

4
Kagabo 2018-09-15 19:31:12

Mbe ico kibazo ko kibateye kuvugishwa? Ivy’abarundi mubirekere abarundi Kuko nitwe biraba. Naho ayo maranga mutima n’ububeshi mugumane aho iwanyu

5
Nzovu 2018-09-15 14:17:24

@Rugamba
Yampayinka umuntu wese agira imyumvire ye , yewe niba ushyigikiye iringanizamoko ngaho jyenda ufatanye nabarundi. Kandi niba ukibandwa imana igufashe, nizere ko wageze mwi ishuli kuko ndabona uzi kwandi ariko nibs araho ugeza uteye agahinda. Ngaho jyend ufashe Nkuruzinza turebe aho muzageza u Burundi.

6
Mo 2018-09-15 11:04:20

Jyenda Burundi warakubiswe,ugezahho umwanzi ashaka

7
Mafene 2018-09-15 07:27:13

Rekambabwire birababa kuba uburundi buturanye nurwanda ntasomo rubwigiraho kuri genocide yabaye gusa reka mbabwire ubwenge bike burushya amaguru harabo mbwiye gusa Niko ntamuyobozi numwe murabo bayobora uburundi utarize arko wagirango ntanikiburamwaka bize hhhhhhhhhhhibintu byamoko mubona bikigezweho mwabiretse mugahuza mukubaka igihugu kibanogeye muzakore urugendo shuri murwanda tubahe inama murakoze

8
Eva 2018-09-14 15:09:18

Ubuse nkiyinkuru urumva ariki yamarira urubyiruko rw’u rwanda? ibyamacakubiri mujye mubyandikira abo bireba naho twe abanyarwanda twateye indi ntambwe itujyana muri technology tubifashijwemo n’intore iruta izindi zose His excellent Muzehe PK

9
ishimwe 2018-09-14 14:16:16

mugahe abashoboye ntimwabonye abaturanyi icyo byabyaye

10
kfb51 2018-09-14 14:14:01

umunyarwanda yaciye umugani ngo umuhana avayo ntumuhana ajyayo !!! ariko uwo mugani sinywemera kuko umuntu umugira inama mbere yo kujya mubyo yerekejemo !! gusa niba ibi ari ukuri nagira inama abantu bose ko ivangura ntaho rigeza iterambere ahubwo rirarisenya !! ibyo nkatwe abanyarwanda twabitangira ubuhamya kuko aho rya tugejeje ntawutahazi (1994 Genocide yakorewe abatutsi ) ndemeza neza ko ubu ntamunyarwanda wakongera ivangura kuko ntawe ritagiraho ingaruka !!! abarundi babonye ibyo bikururira bazabona ikizavamo . nifurije amahoro kubantu mwese mutagira ivangura nange ndimo.

Paji: 1 | 2 | 3 | 4  

Kwamamaza