Kenya yahaye akazi Umwongereza ugomba gukurikirana ruswa mu bayobozi bakuru

1 5-12-2018 - saa 11:52, Ferdinand Maniraguha

Kenya yashyizeho umunyamategeko wo mu Bwongereza, Khawar Qureshi, ngo abe umushinjacyaha ukurikiranaya ibyaha bya ruswa mu bayobozi bakuru.

Ubushinjacyaha buvuga ko ruswa ari icyaha kimaze gufata intera muri icyo gihugu ku buryo gikwiriye kurwanywa mu buryo bwihariye.

Bwavuze ko mu kuyirwanya hakwiriye imikorere itazagendera ku marangamutima y’abaturage cyangwa gukorerwamo n’abanyapolitiki.

Amagana y’abakozi ba Leta n’abikorera ku giti cyabo, bari mu nkiko bakurikiranyweho ibyaha bya ruswa nkuko BBC yabitangaje.

Rumwe mu manza za ruswa zikomeye ziri mu nkiko ni urwa Visi Perezida w’urukiko rw’Ikirenga Philomena Mwilu, wafashwe muri Kanama akekwaho ruswa, kunyereza imisoro no gukorana na banki mu buryo bunyuranyije n’amategeko.

Qureshi wahawe akazi yabaye umwarimu w’amategeko muri Kaminuza ya Cambridge ndetse no mu ishuri rya King’s College London.

Mu mwaka wa 2013 yabaye umucamanza wungirije mu Rukiko Rukuru mu Bwongereza.

Perezida Uhuru Kenyatta ubwo yajyaga ku butegetsi mu 2013, yavuze ko azashyira imbere kurwanya ruswa, icyakora abatavuga rumwe na we bamushinja kubigendamo gake.

Qureshi ni we wahawe akazi mu bushinjacyaha ko guhashya ruswa mu bayobozi bakuru
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Ndabizi 2018-12-05 07:18:52

Uyu mwongereza sinzi ko azakira bariya bahishe Umwicanyi Kabuga Felesiyani. Umubonye wese iyo agiye kubivuga, aburirwirengero.

Kwamamaza