IGIHE

Afurika y’Epfo: Polisi yataye muri yombi abanyamahanga 600

0 8-08-2019 - saa 19:36, Habimana James

Polisi mu gihugu cya Afurika y’Epfo yakoze umukwabu ukomeye, wasize itaye muri yombi abanyamahanga bagera kuri 600.

Iki gikorwa cyabereye mu Mujyi wa Johannesburg, ibitangazamakuru byavuze ko cyari kigambiriye gufata abakora ibyaha n’abandi bakora ibikorwa binyuranyije n’amategeko.

Hafashwe na bimwe mu bikoresho birimo imbunda n’ibindi bicuruzwa mu miturirwa iri muri uyu mujyi.

David Makhura, umuyobozi w’Intara ya Gauteng yegeranye na Johannesburg, yavuze ko ibi bikorwa byari bigamije gushaka abanyabyaha.

Yavuze ko ubuyobozi bwishimiye umubare w’abantu batawe muri yombi, nk’uko BBC yabyanditse.

Yatangaje ko “Intego nyamukuru byari uguta muri yombi bamwe mu bantu batwara taxi nta byangombwa bagira, izo modoka ntizagombye kuba ziri mu muhanda.”

Iki gikorwa gikomeje kugarukwaho n’abakoresha imbuga nkoranyambaga bavuga ko gishobora gutiza umurindi ibikorwa byo guhiga no kwibasira abanyamahanga muri Afurika y’Epfo.

Polisi muri Afurika y'Epfo yataye muri yombi abanyamahanga 600
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Nta gitekerezo kirajyaho. Ba uwa mbere!  

Kwamamaza