Abasirikare babiri ba Tanzania biciwe mu butumwa bw’amahoro muri RDC

1 11-10-2017 - saa 13:46, Cyprien Niyomwungeri

Umuryango w’Abibumbye n’igisirikare cya Tanzania (TPDF) bemeje ko abandi basirikare babiri bacyo biciwe mu butumwa bw’amahoro muri Repubulika Iharanira Demokarasi ya Congo (RDC).

Itangazo ry’igisirikare cya Tanzania rimenyesha ko abishwe kuwa Mbere w’iki Cyumweru ari Corporal Maselino Paschal Fabusi na Private Venance Moses Chimboni. Ni nyuma y’uko mu kwezi gushize undi musirikare wacyo, Private Mussa Jumanne Muryery, yishwe n’abarwanyi ba ADF.

Rigira riti “Abasirikare babiri bishwe kuwa Mbere nyuma yo kugabwaho igitero n’abarwanyi mu birometero 24 uvuye mu mujyi wa Beni. Ingabo zacu zagerageje kubarwanya zibungabunga ako gace.”

Itangazo ryasohowe n’Umuryango w’Abibumbye rivuga ko hashyizweho itsinda ryo gukora iperereza kuri iki gitero kugira ngo abakigizemo uruhare bagezwe mu nkiko. Rivuga ko hari abandi basirikare 18 bagikomerekeyemo.

Daily News yanditse ko Umunyamabanga Mukuru w’Umuryango w’Abibumbye, Antonio Guterres, yihanganishije inshuti n’imiryango y’aba baguye mu butumwa bw’amahoro, Leta ya Tanzania ndetse anifuriza abakomeretse gukira vuba.

Yasabye kandi abarwanyi bari mu mashyamba ya RDC gushyira hasi ibirwanisho anasobanura ko ibitero byibasira abari mu butumwa bw’amahoro bifatwa nk’ibyaha by’intambara mu mategeko mpuzamahanga.

Umunyamabanga Mukuru w’Umuryango w’Abibumbye, Antonio Guterres
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
GAKARA James 2017-10-12 08:05:42

Iby’abasirikare ba UN birababaje cyane.UN ifite abasirikare n’abapolisi bagera kuli 74 000 mu bihugu 18,bajyanywe no "KUZANA AMAHORO".Bakoresha 9 Billions/Milliards USD buri mwaka.Nukuvuga hafi RWF 7 740 000 000 000.
Bihwanye na 1/4 cya Annual Budget y’u Rwanda!!!.UN ijyaho muli 1945,intego yayo yali "kuzana amahoro ku isi".
Nyamara kuva yajyaho,habaye intambara amagana ku isi hose.Ibihugu 9 bikora Atomic Bombs ku buryo isaha n’isaha byakoresha izo atomic bombs isi yose igashira.Ibyo bihugu bifite Intercontinental Ballistic Missiles,Strategic Bombers,Nuclear Submarines,etc...Uretse guhemba ibifaranga byinshi gusa, UN yarananiwe.IBIBAZO isi ifite,bizakemurwa n’Ubwami bw’imana gusa.Nkuko dusoma muli Daniel 2:44,imana izamenagura ubutegetsi bw’abantu ku isi yose,YESU abe ariwe uyobora ISI ayigire Paradizo (Revelations 11:15).Ibyo bizaba ku Munsi w’Imperuka uri hafi.Nkuko tubisoma muli Yeremiya 25:33,kuri uwo munsi uzaba uteye ubwoba (Yoweri 2:11),imana izica abantu bose banga kuyumvira,isigaze gusa abantu bakora ibyo idusaba.Uwo niwo muti wonyine kuko UN n’abayobozi b’isi byabananiye.Nyuma yaho,kwaheri intambara,ubusambanyi,ubusumbane,indwara,urupfu,etc...Niyo mpamvu YESU yasize adusabye "gushaka ubutegetsi bw’imana" (Matayo 6:33),aho kwibera mu ibyisi gusa.Dushake ubwo butegetsi,mbere y’umunsi w’imperuka.

Kwamamaza