IGIHE

U Bwongereza: Urukiko rwemeje ko guhagarika imirimo y’Inteko binyuranyije n’itegeko

0 11-09-2019 - saa 16:22, Bukuru JC

Urukiko rwo muri Ecosse rwemeje ko icyemezo Minisitiri w’Intebe w’u Bwongereza, Boris Johnson, aheruka gufata cyo guhagarika ibyumweru bitanu imirimo y’Inteko Ishinga amategeko, kinyuranyije n’amategeko.

Abacamanza batatu baciye uru rubanza banzuye bashyigikira ikirego cyatanzwe n’itsinda ry’abanyapolitiki batishimiye icyemezo cya Minisitiri w’Intebe Johnson.

Aba bacamanza bavuze ko Minisitiri w’Intebe yabikoze arimo kugerageza kubuza Inteko Ishinga amategeko kugira ibyo ibaza Guverinoma bijyanye n’urugendo rukomeje rwo kwivana mu Muryango w’Ubumwe bw’u Burayi, ruzwi nka Brexit.

Nk’uko BBC yabitangaje, biteganyije ko ubujurire bwa Guverinoma buzumvwa n’Urukiko rw’Ikirenga i Londres, ku wa Kabiri w’icyumweru gitaha.

Iki cyemezo gikuyeho icyeherukaga gufatwa n’urukiko rwemeje ko umwanzuro wa Boris utanyuranyije n’itegeko. Gusa kugeza ubu ntabwo haramenyekana ingaruka kizagira ku isubikwa ry’imirimo y’Inteko ryanatangiye kuri uyu wa Kabiri.

Biteganyijwe ko niba nta gihindutse, abadepite bazasubira mu mirimo yabo ku wa 14 Ukwakira, ubwo bazaba bagezwaho ijambo ry’Umwamikazi rigaragaza gahunda Johnson afite ku bijyanye n’Inteko Ishinga amategeko.

Itariki yemejwe u Bwongereza bugomba kuvira muri EU ni ku wa 31 Ukwakira.

Abongereza bakomeje kwigaragambya kubera icyemezo cya Minisitiri w'Intebe
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Nta gitekerezo kirajyaho. Ba uwa mbere!  

Kwamamaza