Papa yagereranyije gukuramo inda no guha akazi umwicanyi kabuhariwe

14 11-10-2018 - saa 09:12, Mukaneza M.Ange

Umushumba wa Kiliziya Gatolika ku Isi, Papa Francis yagaragaje ko kwemera gukuramo inda, ari nko kwitabaza umwicanyi kabuhariwe mu gukemura ibibazo byawe.

Ibi papa yabitangarije imbere y’imbaga yari iteraniye i St. Peter’s Square i Vatican ku wa Gatatu.

Yavuze ko atumva uburyo guhohotera ikiremwamuntu kitaragira ubushobozi bwo kwirwanirira bishobora gushyigikirwa, bigakoreshwa nk’uburyo bwo gukemura ikindi kibazo.

Ati “ Ese birakwiye kwitabaza umwicanyi kabuhariwe ngo akemure ibibazo byawe? Nta muntu wakora ibi, ntabwo bikwiye kwikiza umuntu, uko yaba ari muto kose, ngo ukemure ikibazo.”

CNN ivuga ko atari bwo bwa mbere Papa Francis agize icyo avuga ku birebana no gukuramo inda binyuranyije n’inyigisho za Kiliziya Gatolika.

Muri Kamena nabwo yagereranyije gukuramo inda kubera ko babona umwana azavukana ibibazo, n’ibyakorwaga n’aba-Nazi kugira ngo bagire abaturage badafite ikibazo.

Aba-Nazi bari barashyizeho politiki igamije gutuma havuka abana bafite ubuzima bwiza gusa, aho bemereraga abantu gukuramo inda mu gihe abafite ubumuga bwo ku mubiri n’indwara zo mu mutwe bagirwaga ingumba.

Yagize ati “ Numvise ko bigezweho cyangwa ari ibintu bimenyerewe ko mu kwezi kwa mbere nyuma yo gusama biga niba umwana afite ubuzima bwiza cyangwa afite ikibazo, ubundi bakavuga bati reka tumukuremo.”

Yakomeje agira ati “ Ibi mbivuganye agahinda. Mu kinyejana gishize Isi yose yahungabanyijwe n’ibyakorwaga n’aba-Nazi. Uyu munsi natwe nibyo turi gukora.”

Mu Rwanda gukuramo inda n’icyaha gihanwa n’amategeko haba k’uwabikoze n’uwabimufashijemo.

Ingingo ya 125 y’Itegeko riteganya ibyaha n’ibihano muri rusange mu Rwanda ivuga ko ariko nta buryozwacyaha bubaho iyo gukuramo inda byakozwe igihe utwite ari umwana, uwakuriwemo inda yarakoreshejwe imibonano mpuzabitsina ku gahato, uwakuriwemo inda yarayitwaye nyuma yo kubanishwa n’undi nk’umugore n’umugabo ku gahato.

Iyi ngingo inavuga ko kandi nta guhanwa bibaho iyo uwakuriwemo inda yatewe inda n’uwo bafitanye isano ya hafi kugera ku gisanira cya kabiri, cyangwa inda ibangamiye ubuzima bw’utwite cyangwa ubw’umwana atwite.

Gukurirwamo inda ariko bikorwa na muganga wemewe na Leta, bikagenwa n’iteka rya Minisitiri ufite ubuvuzi mu nshingano ze.

Papa Francis yavuze ko gukuramo inda ntaho bitaniye no kwitabaza umwicanyi kabuhariwe igihe ufite ibibazo
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2  

1
Mohammed 2018-10-12 06:50:49

Wowe wiyita Gatera nawe wiyita Tyty mwararindagiye ubwo se mwe muri abere ? Ese papa we numwere ? Ese ko mwigira beza murera imfubyi zingahe? Ahubwo se mufasha abakene bangahe ? Ntimukatindahire bize aho Ge ntawe nakwifuriza kubyara adafite ubushobozi naho ababeshya NGO imana izarera Cg izabaha ubufasha narineshya bangahe tuzi bariho nabi bakanasaza nabi ubwo imana yari yagiye he? Wanasanga itanabaho nkurikije ibimbaho

2
Pius 2018-10-11 23:30:23

Hari abantu badashobora kumva ko Papa yavuga ikintu kizima kuko hari amatorero amurwanya amwita shitani.
Gusa yavuze ukuri gukuro India ni icyaha kuko bibiliya ivuga ko umuntu aba azwi kuba akiri urusoro.tandukanya kubaho no kubaho nabi akamuga karuta agatuuro nonese ko arwanya abatinganyi na bwo ko mutamushyigikira mukicecekera?

3
emmy 2018-10-11 12:58:11

Bavandi rwose mufashe abantu kurengera ubuzima kuko mwese uko mwasamwe ntabwo mukuzi.

4
emmy 2018-10-11 12:58:10

Bavandi rwose mufashe abantu kurengera ubuzima kuko mwese uko mwasamwe ntabwo mukuzi.

5
Fabrice 2018-10-11 12:48:14

None se wowe wiyita Said,yigeze agira inama iwanyu yo kubyara ikipe ya football? Niba utifuza ko abandi bavuka bakabaho,aho wòwe nturutwa n’inda yavuyemo? Ubunyamaswa bungana butyo bwo waburazwe nande?

6
kok 2018-10-11 11:19:06

abarwanya Papa na kiriziya gatolika niba anti Kristu ,umpinyuza ninde? ibyo Papa avuga nta handi abikura atari ku Mana na Yezu Kristu ahagarariye kwisi nkuko yasize Petero nizindi ntumwa,ureke ya madini yinzaduka yirirwa abeshya ngo nibo bahanuzi bibitangaza kandi ntawabashyizeho,indindagire zikirirwa zibiruka inyuma bazirya imitungo yazo,ariko muziko ari bande bavugwa muri Bible bazahinguka imbere ya Yezu bavuga ngo twahanuraga mwizina ryawe twirukana amadaimoni mwizina ryawe akababwira ko atigeze abamenya muziko ari bande?naya madini yinzaduka yose kandi ibyo nvuze barabikora pe.muzumirwa.

7
Gruec 2018-10-11 10:49:29

Njye ndisubiriza Tyty, niko uti arakoze kuvugira izo nzirakarengane, nyinshi zikomoka kuri byabimasa bye yateretse (ABAPADIRI) kumannywa bingiranye muri za paroisses n’imisaraba kubituza, ninjoro bikajya guhiga abicaye nabi( Abana b’abakobwa bovuka mumiryango ikennye, couples zajemo umukorombya n’izindi categories). Papa nabanze akubure mu muharuro we kuko naho hari byinshi bikeneye igoragozwa.

8
said 2018-10-11 07:54:38

uyu so wanyu ton papa arahaze buriya abakire barateta nago azi uburyo abana bavuka bitateguwe uburyo abenshi babaho nabi natwe twavutse kubushake bwa ababyeyi badukeneye ubu tubayeho mu buribwe bwubuzima bubi icyamuzana hano kigali ngo yinjire mu mazu arebe uko tubayeho nabi nibwo yavuga uko

9
said 2018-10-11 07:47:28

uyu so wanyu ton papa arahaze buriya abakire barateta nago azi uburyo abana bavuka bitateguwe uburyo abenshi babaho nabi natwe twavutse kubushake bwa ababyeyi badukeneye ubu tubayeho mu buribwe bwubuzima bubi icyamuzana hano kigali ngo yinjire mu mazu arebe uko tubayeho nabi nibwo yavuga uko

10
Tyty 2018-10-11 06:30:57

Rwose urakoze kuvugira izo nzira karengane

Paji: 1 | 2  

Kwamamaza